30ರ ವಿಧವೆಯ ಕೈ ಹಿಡಿದ 50ರ ವರ... ಜಾತಿ ಅಡ್ಡ ಬಂದರೂ ಎಲ್ಲರನ್ನೂ ಒಪ್ಪಿ ವಿವಾಹವಾದ ಜೋಡಿ!
Saturday, December 18, 2021
ಔರಂಗಾಬಾದ್(ಬಿಹಾರ): ಬಿಹಾರದ ಔರಂಗಾಬಾದ್ನಲ್ಲಿ ನಡೆದಿರುವ ವಿಭಿನ್ನ ಪ್ರೇಮ ವಿವಾಹವೊಂದು ಭಾರೀ ಸುದ್ದಿಯಲ್ಲಿದೆ. ಯಾಕೆ ಈ ವಿಚಾರ ಸುದ್ದಿಯಲ್ಲಿದೆ ಎಂದರೆ 50ರ ವ್ಯಕ್ತಿಯೋರ್ವರು 30 ವರ್ಷದ ವಿಧವೆಯ ಕೈಹಿಡಿದಿದ್ದಾರೆ. ಈ ಮೂಲಕ ಇವರಿಬ್ಬರ ಪ್ರೇಮ ವಿವಾಹ ಇದೀಗ ಹೆಚ್ಚು ಚರ್ಚೆಗೆ ಗ್ರಾಸವಾಗಿದೆ.
ಔರಂಗಾಬಾದ್ ಜಿಲ್ಲೆಯ ಗೋಹ್ ಬ್ಲಾಕ್ನ ರುಕುಂಡಿ ಗ್ರಾಮದಲ್ಲಿ ಈ ಘಟನೆ ನಡೆದಿದೆ. ಇಲ್ಲಿ ವರ ಹಾಗೂ ವಧು ಇಬ್ಬರೂ ಬೇರೆ ಬೇರೆ ಜಾತಿಗೆ ಸೇರಿದವರಾಗಿದ್ದರೂ, ಊರಿನ ಜನರನ್ನು ಒಪ್ಪಿಸಿ, ಕುಟುಂಬಸ್ಥರನ್ನು, ಮದುವೆ ಮಾಡಿಕೊಂಡಿದ್ದಾರೆ. ಈ ನವಜೋಡಿಯನ್ನು ಕಣ್ತುಂಬಿಕೊಳ್ಳಲು ಇದೀಗ ಜನಸಾಗರವೇ ಹರಿದು ಬಂದಿದೆ.
ರುಕುಂಡಿ ಗ್ರಾಮದ ಶಿವಬರತ್ ಪಾಸ್ವಾನ್ ಪತ್ನಿ ಮೃತಪಟ್ಟಿದ್ದಾರೆ. ಗಯಾ ಜಿಲ್ಲೆಯ ಶೇರ್ಘಾಟಿ ನಿವಾಸಿ ರಮ್ಮಣಿ ದೇವಿ ಪತಿಯೂ ಸಾವನ್ನಪ್ಪಿದ್ದಾನೆ. ಇಬ್ಬರೂ ಹಸ್ಪುರ್ ಬ್ಲಾಕ್ನ ಟೆಟ್ರಾಹಿ ಗ್ರಾಮದಲ್ಲಿ ಕೂಲಿ ಕೆಲಸ ಮಾಡ್ತಿದ್ದರು. ಈ ಸಂದರ್ಭ ಇಬ್ಬರೂ ಪರಸ್ಪರ ಪ್ರೀತಿಸಲು ಆರಂಭಿಸಿದ್ದಾರೆ. ಕೊನೆಗೆ ಮದುವೆ ಮಾಡಿಕೊಳ್ಳಲು ನಿರ್ಧರಿಸಿದ್ದಾರೆ
ಹಾಗಾಗಿ ತಾವು ಕೆಲಸ ನಿರ್ವಹಿಸುತ್ತಿದ್ದ ಮಾಲಕ ಉಪೇಂದ್ರ ಸಿಂಗ್ ಅವರಿಗೆ ಈ ಮಾಹಿತಿ ನೀಡಿದ್ದಾರೆ. ಆದರೆ ಆರಂಭದಲ್ಲಿ ಇವರಿಬ್ಬರ ಮದುವೆಗೆ ಜಾತಿ ಅಡ್ಡ ಬಂದಿದೆ. ಆದರೆ ಆ ಬಳಿಕ ಅವರು ಗ್ರಾಮಸ್ಥರನ್ನು ಒಪ್ಪಿಸುವಲ್ಲಿ ಸಫಲರಾಗಿದ್ದಾರೆ. ಇದೀಗ ಎರಡೂ ಗ್ರಾಮಸ್ಥರು ಮುಂದೆ ನಿಂತು ಸೂರ್ಯನ ದೇವಾಲಯದಲ್ಲಿ ಈ ಮದುವೆ ಮಾಡಿಸಿದ್ದಾರೆ.