ಮಂಗಳೂರು: ದ.ಕ.ಜಿಲ್ಲಾ ಪೊಲೀಸ್ ಶ್ವಾನದಳದ ಶ್ವಾನ ಜ್ವಾಲಾ ಇನ್ನಿಲ್ಲ

ಮಂಗಳೂರು: ದ.ಕ.ಜಿಲ್ಲಾ ಪೊಲೀಸ್ ಶ್ವಾನದಳದ ಶ್ವಾನ ಜ್ವಾಲಾ ಜ.3ರಂದು ಬೆಳಗ್ಗೆ 7ಗಂಟೆಗೆ ಮೃತಪಟ್ಟಿದೆ. ಈ ಶ್ವಾನಕ್ಕೆ ಸಕಲ ಪೊಲೀಸ್ ಗೌರವವನ್ನು ಸಲ್ಲಿಸಿ ಅಂತಿಮ ವಿಧಿವಿಧಾನಗಳನ್ನು ನೆರವೇರಿಸಲಾಯಿತು.

ಡಾಬರ್ ಮೆನ್ ಫಿಂಚರ್ ತಳಿಯ ಹೆಣ್ಣು ಶ್ವಾನ ಜ್ವಾಲಾಗೆ ಈಗ 7 ವರ್ಷ 10 ತಿಂಗಳು. 2015ರ ಫೆ.27ರಂದು ಜನಿಸಿರುವ ಈ ಶ್ವಾನ ಮೂತ್ರಪಿಂಡ ಸಮಸ್ಯೆಯಿಂದ ಬಳಲುತ್ತಿತ್ತು. ತೀವ್ರ ಅನಾರೋಗ್ಯದಿಂದಿದ್ದ ಜ್ವಾಲಾ ಜ.3ರ ಬೆಳಗ್ಗೆ 7ಕ್ಕೆ ಮೃತಪಟ್ಟಿದೆ. ದ.ಕ.ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಋಷಿಕೇಶ್ ಸೋನಾವಣೆಯವರ ಉಪಸ್ಥಿತಿಯಲ್ಲಿ ಸಕಲ ಪೊಲೀಸ್ ಗೌರವದೊಂದಿಗೆ ಶ್ವಾನದ ಅಂತ್ಯಸಂಸ್ಕಾರವನ್ನು ನೆರವೇರಿಸಲಾಯಿತು.