ಮೀನುಗಾರರ ಬಲೆಗೆ ಬಿತ್ತು ಮನುಷ್ಯರ ಮುಖವನ್ನು ಹೋಲುವ ಮೀನು: ಬೈಸನ್ ಫಿಶ್ ಮನುಷ್ಯನನ್ನೇ ಕೊಲ್ಲುವಷ್ಟು ವಿಷಕಾರಿ!

ಪೂರ್ವ ಗೋದಾವರಿ(ಆಂಧ್ರಪ್ರದೇಶ): ಮೀನುಗಾರರಿಗೆ ವಿಚಿತ್ರ ವಿಚಿತ್ರವಾದ, ಬೃಹತ್ ಗಾತ್ರದ ಮೀನುಗಳು ಬಲೆಗೆ ಬೀಳುವುದು ಸಾಕಷ್ಟು ಬಾರಿ ಸುದ್ದಿಯಾಗುತ್ತಲೇ ಇರುತ್ತದೆ. ಆದರೆ, ಇದೀಗ ಮತ್ತಷ್ಟು ವಿಚಿತ್ರ ಎನ್ನಲಾದ ಅಷ್ಟಯಯ ವಿಷಕಾರಿಯಾದ ಮೀನೊಂದು ಮೀನುಗಾರರ ಬಲೆಗೆ ಬಿದ್ದಿರುವ ಘಟನೆ ಆಂಧ್ರಪ್ರದೇಶದ ಪೂರ್ವ ಗೋದಾವರಿಯಲ್ಲಿ ನಡೆದಿದೆ.

ಅಷ್ಟಕ್ಕೂ ಈ ಮೀನೇಕೆ ವಿಚಿತ್ರ ಹಾಗೂ ವಿಷಕಾರಿಯೆಂದರೆ, ಈ ಮೀನು ಮನುಷ್ಯರ ಮುಖವನ್ನು ಹೋಲುತ್ತಿದೆ. ಈ ಅಪರೂಪದ ಮೀನಿಗೆ ಬೈಸನ್ ಫಿಶ್ ಎಂದು ಹೆಸರಿಸಲಾಗಿದೆ. ಆದರೆ  ಸಾಮಾನ್ಯವಾಗಿ ಈ ಮೀನನ್ನು ಪಫರ್​ ಫಿಶ್, ಬಲೂನ್ ಫಿಶ್​ ಅಥವಾ ಗ್ಲೋಬ್ ಫಿಶ್ ಎಂದು ಕರೆಯಲಾಗುತ್ತದೆ. ಆಂಧ್ರಪ್ರದೇಶದ ಪೂರ್ವ ಗೋದಾವರಿ ಜಿಲ್ಲೆಯ ಉಪ್ಪಲಗುಪ್ತ ವಲಯದ ವಸಲತಿಪ್ಪದಲ್ಲಿ ಮೀನುಗಾರಿಕೆ ಮಾಡುತ್ತಿದ್ದ ಮೀನುಗಾರರ ಬಲೆಗೆ ಈ ವಿಚಿತ್ರ ಬಿದ್ದಿದೆ.

ಬೈಸನ್ ಫಿಶ್ ಅನ್ನು ವಿಶ್ವದ ಎರಡನೇ ಅತ್ಯಂತ ವಿಷಕಾರಿ ಮೀನು ಎಂದು ಹೇಳಲಾಗುತ್ತದೆ‌. ವಿಚಿತ್ರವೆಂದರೆ ಮನುಷ್ಯನನ್ನೇ ಕೊಲ್ಲುವಷ್ಟು ವಿಷ ಇದರಲ್ಲಿದೆ ಎಂದು ಮೀನುಗಾರಿಕೆ ಇಲಾಖೆ ಅಧಿಕಾರಿ ಗೋಪಾಲಕೃಷ್ಣ ವಿವರಿಸಿದ್ದಾರೆ.