-->

ಪ್ರೇಮಿಗಳ ದಿನದ ಒಂದೇ ವಾರಕ್ಕೆ ಆ್ಯಂಟಿ ವ್ಯಾಲೆಂಟೈನ್ ಡೇ: ಈ ರೀತಿಯೂ ಬ್ರೇಕ್ ಅಪ್ ಮಾಡಿಕೊಳ್ಳಬಹುದಂತೆ!

ಪ್ರೇಮಿಗಳ ದಿನದ ಒಂದೇ ವಾರಕ್ಕೆ ಆ್ಯಂಟಿ ವ್ಯಾಲೆಂಟೈನ್ ಡೇ: ಈ ರೀತಿಯೂ ಬ್ರೇಕ್ ಅಪ್ ಮಾಡಿಕೊಳ್ಳಬಹುದಂತೆ!

ಬೆಂಗಳೂರು: ಫೆ.14 ಎಂದರೆ ಪ್ರೇಮಿಗಳ ದಿನವೆಂದು ಯಾರೂ ಬೇಕಾದರೂ ಹೇಳಬಲ್ಲರು.‌ ಅಷ್ಟೊಂದು ಪ್ರಸಿದ್ಧವಾಗಿದೆ ಈ ದಿನಾಂಕ. ಈ ಫೆ.14 ಅಂದರೆ ಪ್ರೇಮಿಗಳ ದಿನಕ್ಕೂ ಮೊದಲಿನ ಏಳು ದಿನಗಳನ್ನು ವ್ಯಾಲೆಂಟೈನ್​ ವೀಕ್​(ಪ್ರೇಮಿಗಳ ವಾರ) ಎಂಬುದಾಗಿ, ಒಂದೊಂದು ದಿನವನ್ನು ಒಂದೊಂದು ಡೇ ಎಂದು ಆಚರಿಸಲಾಗುತ್ತದೆ. ಆದರೆ ಇದಕ್ಕೆ ತದ್ವಿರುದ್ಧವಾಗಿ ಅಂದರೆ ಆ್ಯಂಟಿ ವ್ಯಾಲೆಂಟೈನ್​ ವೀಕ್ ಎಂಬಂಥಹ ಒಂದು ದಿನ ಕೂಡ ಇದೆ ಎಂಬುದು ಹೆಚ್ವಿನವರಿಗೆ ಗೊತ್ತಿಲ್ಲ. 

ಹೌದು ಆ್ಯಂಟಿ ವ್ಯಾಲೆಂಟೈನ್ ಡೇ ಎಂಬ ದಿನವೂ ಇದೆ, ಹೇಗೆ ಪ್ರೇಮ ನಿವೇದನೆ ಮಾಡಲೊಂದು ದಿನ ಇರುವಂತೆ ಪ್ರೀತಿಯನ್ನು ಕಡಿದುಕೊಳ್ಳುವುದಕ್ಕೂ ಅರ್ಥಾತ್​ ಬ್ರೇಕಪ್ ಡೇ ಎಂದೊಂದು ದಿನ ಇದೆ. ಫೆ. 21ಅನ್ನು ಬ್ರೇಕಪ್ ಡೇ ಆಗಿ ಆಚರಣೆ ಮಾಡಲಾಗುತ್ತಿದೆ.

ಪ್ರೀತಿ-ಪ್ರೇಮದ ಸಂಬಂಧವಿರದವರು ಅಥವಾ ಪ್ರೇಮ ವೈಫಲ್ಯವಾದವರು ಈ ಆ್ಯಂಟಿ ವ್ಯಾಲೆಂಟೈನ್ ವೀಕ್ ಆಚರಿಸುತ್ತಾರೆ. ಅಂದ ಹಾಗೆ ಬ್ರೇಕಪ್ ಡೇ ಅಂದ ಮಾತ್ರಕ್ಕೆ ಅದು ಬರೀ ಪ್ರೀತಿಗೆ ಸಂಬಂಧಿಸಿದ್ದು ಮಾತ್ರ ಎಂದೇನೂ ಇಲ್ಲ. ಕೆಟ್ಟ ಅಥವಾ ಕೈಕೊಟ್ಟಿರುವ ಸಂಬಂಧವನ್ನು ಕಡಿದುಕೊಳ್ಳುವುದಕ್ಕಷ್ಟೇ ಮಾತ್ರ ಈ ಬ್ರೇಕಪ್ ಡೇಯನ್ನು ಆಚರಿಸೋದಲ್ಲ. ಕೆಟ್ಟದ್ದರಿಂದ ದೂರ ಇರುವುದಕ್ಕೂ, ಕೆಟ್ಟ ಅಭ್ಯಾಸವನ್ನು ಬಿಟ್ಟುಬಿಡುವುದಕ್ಕೂ ಇದೇ ದಿನವನ್ನು ಪಾಶ್ಚಾತ್ಯರು ಆಚರಣೆ ಮಾಡಿಕೊಳ್ಳುತ್ತಾರೆ. ಕೆಟ್ಟ ಅಭ್ಯಾಸವೇನಾದರೂ ಇದ್ದಲ್ಲಿ ಅದನ್ನು ಇಂದು ಈ ನೆಪದಲ್ಲೇ ಬಿಟ್ಟುಬಿಡಬಹುದು. ನಿಮ್ಮನ್ನು ಬ್ರೇಕ್​​ಡೌನ್​ ಮಾಡುವಂಥ ಯಾವುದೇ ಅಭ್ಯಾಸವಿದ್ದರೂ ಅದಕ್ಕೆ ಫೆ.21ರಂದೇ ಬ್ರೇಕಪ್​ ಹೇಳಿಬಿಡಬಹುದು.

Ads on article

Advertise in articles 1

advertising articles 2

Advertise under the article