Bajarangadal criticize Jolle - ಮುಸ್ಲಿಂ ಮಹಿಳೆಗೆ ಸಹಾಯಧನ: ಸಚಿವೆ ಜೊಲ್ಲೆ ಕ್ರಮಕ್ಕೆ ಬಜರಂಗದಳ ಆಕ್ರೋಶ

ಹೃದಯ ಮತ್ತು ಕ್ಯಾನ್ಸರ್ ಚಿಕಿತ್ಸೆಗೆ ಮುಸ್ಲಿಂ ಮಹಿಳೆಯರಿಗೆ 1 ಲಕ್ಷ ಸಹಾಯಧನ ಧಾರ್ಮಿಕ ದತ್ತಿ ಮತ್ತು ವಕ್ಫ್ ಸಚಿವೆ ಶಶಿಕಲಾ ಜೊಲ್ಲೆ ತಾರತಮ್ಯ ನೀತಿಗೆ ವಿರೋಧ - ಬಜರಂಗದಳ

ಧಾರ್ಮಿಕ ದತ್ತಿ ಮತ್ತು ವಕ್ಫ್ ಸಚಿವೆ ಶಶಿಕಲಾ ಜೊಲ್ಲೆಯವರು ಮುಸ್ಲಿಂ ಮಹಿಳೆಯರಿಗೆ ಹೃದಯ ಮತ್ತು ಕ್ಯಾನ್ಸರ್ ಚಿಕಿತ್ಸೆಗೆ 1 ಲಕ್ಷ ಸಹಾಯಧನ ಘೋಷಣೆ ಮಾಡಿ ತಾರತಮ್ಯ ಮಾಡಿದ್ದಾರೆ ಎಂದು ಬಜರಂಗದಳ ಆಕ್ರೋಶ ವ್ಯಕ್ತಪಡಿಸಿದೆ.

ಜೊಲ್ಲೆ ಅವರ ಈ ಇಬ್ಬಗೆಯ ನೀತಿಯು ಸರಿಯಲ್ಲ. ಇವರ ಈ ಕ್ರಮಕ್ಕೆ ನಮ್ಮ ವಿರೋಧವಿದೆ ಎಂದು ಸಂಘಟನೆ ಹೇಳಿದೆ.

ಹಿಂದು ಧರ್ಮದಲ್ಲೂ ಸಾಕಷ್ಟು ಬಡ ಮಹಿಳೆಯರ ಹೃದಯ ಮತ್ತು ಕ್ಯಾನ್ಸರ್ ಚಿಕಿತ್ಸೆಗೆ ಸಹಾಯ ಅವಶ್ಯಕತೆ ಇದೆ. ತಾವು ತಕ್ಷಣ ಈ ಯೋಜನೆಯನ್ನು ಧಾರ್ಮಿಕ ದತ್ತಿ ಇಲಾಖೆಯ ಮುಖಾಂತರ ಹಿಂದು ಮಹಿಳೆಯರಿಗೂ ನೀಡಬೇಕಾಗಿ ಬಜರಂಗದಳ ಜಿಲ್ಲಾ ಸಂಯೋಜಕರಾದ ಪುನೀತ್ ಅತ್ತಾವರ ಆಗ್ರಹಿಸಿದ್ದಾರೆ.