ಪೊಲೀಸ್ ಠಾಣೆಯಲ್ಲಿಯೇ ಗದ್ದಲ ಎಬ್ಬಿಸಿದ ಆರೋಪ ಜೈಲರ್ ಸಿನಿಮಾ ಪ್ರಮುಖ ನಟ ಅರೆಸ್ಟ್

ಕೊಚ್ಚಿನ್: ಪಾನಮತ್ತನಾಗಿ ಪೊಲೀಸ್ ಠಾಣೆಯಲ್ಲಿಯಢ ದಾಂಧಲೆ ಮಾಡಿದ ಆರೋಪದಲ್ಲಿ 'ಜೈಲರ್' ಸಿನಿಮಾದ ಪ್ರಮುಖ ನಟ ವಿನಾಯಕನ್ ಬಂಧನಕ್ಕೊಳಗಾಗಿದ್ದಾರೆ.

ತಾನಿದ್ದ ಅಪಾರ್ಟ್ ಮೆಂಟ್ ನಲ್ಲಿ ಜಗಳ ಮಾಡಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರು ನಟ ವಿನಾಯಕನ್ ಗೆ ಸಮನ್ಸ್ ನೀಡಿದ್ದರು‌. ಈ ಹಿನ್ನೆಲೆಯಲ್ಲಿ ಎರ್ನಾಕುಲಂ ಉತ್ತರ ಠಾಣೆಗೆ ಅವರು ಹಾಜರಾಗಿದ್ದರು‌‌. ಈ ವೇಳೆ ಠಾಣೆಯಲ್ಲಿಯೂ ಗದ್ದಲ ಎಬ್ಬಿಸಿದರು ಎನ್ನಲಾಗಿದೆ.

ಪೊಲೀಸ್ ಠಾಣೆಯಲ್ಲಿ ತೊಂದರೆ ಉಂಟು ಮಾಡಿದ ಕಾರಣಕ್ಕಾಗಿ ನಟನನ್ನು ಬಂಧಿಸಲಾಗಿದೆ. ಅಗತ್ಯ ವೈದ್ಯಕೀಯ ತಪಾಸಣೆಗಾಗಿ ಅವರನ್ನು ಹತ್ತಿರದ ಆಸ್ಪತ್ರೆಗೆ ಕರೆದೊಯ್ಯಲಾಗಿದೆ ಎಂದು ಹಿರಿಯ ಪೊಲೀಸ್ ಅಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ.