-->

ತಾಯಿ ಸೇರಿದಂತೆ ಮೂವರು ಮಕ್ಕಳು ದಿಢೀರ್ ನಾಪತ್ತೆ: ಕಾರಣ ನಿಗೂಢ

ತಾಯಿ ಸೇರಿದಂತೆ ಮೂವರು ಮಕ್ಕಳು ದಿಢೀರ್ ನಾಪತ್ತೆ: ಕಾರಣ ನಿಗೂಢ

ಅನಂತಪುರ: ತಾಯಿ ಸೇರಿ ಮೂವರು ಮಕ್ಕಳು ದಿಢೀರ್ ನಾಪತ್ತೆಯಾಗಿರುವ ಘಟನೆ ಆಂಧ್ರ ಪ್ರದೇಶದ ಅನಂತಪುರದಲ್ಲಿ ನಡೆದಿದೆ. 

ಅನಂತಪುರದ ಮಾರುತಿನಗರದ ನಿವಾಸಿಯಾದ ಸಂಗಮೇಶ್​ ಪತ್ನಿ ಸೈಮೌನಿಕಾ ಹಾಗೂ ಲಿಖಿತ ಶರಣ್ಯಾ, ಲಿಖಿತ ಕಾರ್ತಿಕೇಯನ್​ ಮತ್ತು ಮನಿಕೃಷ್ಣ ನಾಪತ್ತೆಯಾದ ಮಕ್ಕಳು.

ಸಂಗಮೇಶ್​ ಮತ್ತು ಮೌನಿಕಾ ದಂಪತಿಗೆ 2011ರಲ್ಲಿ ಮದುವೆಯಾಗಿದೆ. ಇವರಿಗೆ ಲಿಖಿತ ಶರಣ್ಯ ಎಂಬ ಹೆಣ್ಣು ಮಗಳು ಹಾಗೂ ಲಿಖಿತ ಕಾರ್ತಿಕೇಯನ್​ ಮತ್ತು ಮನಿಕೃಷ್ಣ ಹೆಸರಿನ ಇಬ್ಬರು ಗಂಡು ಮಕ್ಕಳಿದ್ದಾರೆ. ಸಂಗಮೇಶ್​ ಕುಟುಂಬದ ನಿರ್ವಹಣೆಗಾಗಿ ಖಾಸಗಿ ಕಂಪನಿಯೊಂದರಲ್ಲಿ ಕೆಲಸ ಮಾಡುತ್ತಿದ್ದಾರೆ. ಇದೀಗ ಸಂಗಮೇಶ್​  
ಅವರ ಪತ್ನಿ ಸೇರಿದಂತೆ ತನ್ನ ಮೂವರು ಮಕ್ಕಳು ಕೂಡ ಇದ್ದಕ್ಕಿದ್ದಂತೆ ನಾಪತ್ತೆಯಾಗಿದ್ದಾರೆ. 

ಸಂಗಮೇಶ್​ ಪತ್ನಿ ಮೌನಿಕಾ ಮಕ್ಕಳನ್ನು ಶಾಲೆಗೆ ಬಿಟ್ಟು ಬರುತ್ತೇನೆಂದು ಹೇಳಿ ಸೋಮವಾರ ಬೆಳಗ್ಗೆ ಮನೆ ಬಿಟ್ಟವರು ಮತ್ತೆ ಮನೆಗೆ ಮರಳಿ ಬರಲೇ ಇಲ್ಲ. ಮಕ್ಕಳ ಶಾಲೆ ಹಾಗೂ ಎಲ್ಲಾ ಕಡೆಗಳಲ್ಲಿ ವಿಚಾರಿಸಿದಾಗಲೂ ಯಾವುದೇ ಮಾಹಿತಿ ಸಿಗದೇ ಇದ್ದಾಗ ಕೊನೆಗೆ ಪೊಲೀಸ್​ ಠಾಣೆಗೆ ಸಂಗಮೇಶ್​ ದೂರು ನೀಡಿದ್ದಾರೆ.

ಸದ್ಯ ಒಂದೇ ಕುಟುಂಬದ ನಾಲ್ವರು ನಾಪತ್ತೆಯಾಗಿರುವ ಬಗ್ಗೆ ಪ್ರಕರಣ ದಾಖಲಾಗಿದೆ. ತನಿಖೆ ನಡೆಯುತ್ತಿರುವುದಾಗಿ ಅನಂತಪುರ ಪೊಲೀಸ್​ ಠಾಣೆಯ ಸರ್ಕಲ್​ ಇನ್ಸ್​ಪೆಕ್ಟರ್​ ಕತ್ತಿ ಶ್ರೀನಿವಾಸನ್​ ಮಾಹಿತಿ ನೀಡಿದ್ದಾರೆ.

Ads on article

Advertise in articles 1

advertising articles 2

Advertise under the article