ಕಿತ್ತಲೆ ಜ್ಯೂಸ್ ಖರೀದಿಸಿ ಕೋಟಿ ಕೋಟಿ ಮನೆಗೆ ಕೊಂಡೊಯ್ದ ಮಹಿಳೆ
ಕಿತ್ತಳೆ ಜ್ಯೂಸ್ ತೆಗೆದುಕೊಂಡು ಕೋಟಿಪತಿ ಆದ್ರು ಹೇಗೆ ಎಂಬುದನ್ನು ತಿಳ್ಕೊಳ್ಳಬೇಕೇ?. ಅಮೇರಿಕದ ಮಹಿಳೆಗೆ ಆದ ಈ ಅದ್ಭುತ ಘಟನೆಯ ಬಗ್ಗೆ ನಾವು ಹೇಳ್ತೇವೆ.
ಕರ್ನರ್ಸ್‌ವಿಲ್ಲೆಯ ಕೆಲ್ಲಿ ಸ್ಪಾಹರ್ ಎಂಬಾಕೆ ಪೈನಿ ಗ್ರೋವ್ ರಸ್ತೆಯ ಕ್ವಾಲಿಟಿ ಮಾರ್ಟ್‌ನಲ್ಲಿದ್ದಾಗ ಹಣ್ಣಿನ ರಸವನ್ನು ಖರೀದಿಸುವಾಗ ಲಾಟರಿ ಟಿಕೆಟ್ ಆ ಮಹಿಳೆಯ ಗಮನ ಸೆಳೆದಿದೆ. ಕ್ಷಣಾರ್ಧದಲ್ಲಿ ಆಕೆಯ ಭಾಗ್ಯ ಬದಲಾಗಿದೆ. ನಾರ್ಥ್ ಕ್ಯಾರೋಲಿನಾದ ಕೆಲ್ಲಿ ಸ್ಪಾಹರ್ ಕ್ವಾಲಿಟಿ ಮಾರ್ಟ್‌ನಿಂದ ಆಕೆ ಕಿತ್ತಳೆ ಜ್ಯೂಸ್ ಖರೀದಿಸಿದ್ದರು. ಜ್ಯೂಸ್ ಖರೀದಿಸಿ ವಾಪಸ್‌ ಬರ್ತಿದ್ದಾಗ ಲಾಟರಿ ಟಿಕೆಟ್ ಖರೀದಿಸಿದ್ದಾಳೆ. ಅದೇ‌ಆಕೆಯ ಭಾಗ್ಯ ಬದಲಾಯಿಸಿತು.
20 ಡಾಲರ್‌ಗೆ ಲಾಟರಿ ಟಿಕೆಟ್ ಖರೀದಿಸಿದ್ದ ಆಕೆ ಓಗ 25,000 ಡಾಲರ್‌ ಗೆದ್ದಿದ್ದಾಳೆ. ಭಾರತೀಯ ರೂಪಾಯಿಗಳಲ್ಲಿ ಇದು ಸುಮಾರು 2 ಕೋಟಿ ರೂಪಾಯಿಯ ಮೊತ್ತ. ಕಿತ್ತಳೆ ಜ್ಯೂಸ್ ಜೊತೆಗೆ ಇಷ್ಟೊಂದು ದುಡ್ಡು ಸಿಗುತ್ತದೆ ಅಂತ ಕೆಲ್ಲಿ ಊಹಿಸಿರಲಿಲ್ಲ.
ಈ ಗೆಲುವು ತನ್ನ ಕುಟುಂಬಕ್ಕೆ ದೊಡ್ಡ ಬದಲಾವಣೆ ತರಲಿದೆ. ಇದು ನಮ್ಮ ಜೀವನವನ್ನೇ ಬದಲಾಯಿಸುವ ಮೊತ್ತವಾಗಿದೆ. ಅನೇಕ ಹೊಸ ಅವಕಾಶಗಳನ್ನು ತೆರೆಯುತ್ತದೆ ಎಂದು ಮಹಿಳೆ ಹೇಳಿಕೊಂಡರು. ಸ್ಪಾಹರ್ ಖರೀದಿಸಿದ ಟಿಕೆಟ್ ರಜಾದಿನದ ವಿಷಯದ ಮೆರ್ರಿ ಮಲ್ಟಿಪ್ಲೈಯರ್ ಆಟದಿಂದ ಬಂದಿದೆ.
ನಾನು ಗ್ಯಾಸ್ ಸ್ಟೇಷನ್‌ನಲ್ಲಿದ್ದಾಗ ಹೊಸ ಟಿಕೆಟ್‌ಗಳು ಇವೆ ಎಂದು ನಾನು ನೋಡಿದೆ. ಆದ್ದರಿಂದ ನಾನು ಅವುಗಳನ್ನು ಖರೀದಿಸಲು ನಿರ್ಧರಿಸಿದೆ. ಟಿಕೆಟ್‌ನಲ್ಲಿ ಮಡಚುವ ಭಾಗವಿದೆ, ಇದು ನಮಗೆ ಇನ್ನೂ ಕೆಲವು ಬಾಗಿಲುಗಳನ್ನು ತೆರೆಯಿತು. ಈ ರೀತಿಯ ದೊಡ್ಡ ಗೆಲುವುಗಳು ನಿಜವಾಗಿಯೂ ಸಂಭವಿಸುತ್ತವೆ ಎಂದು ತಿಳಿದುಕೊಳ್ಳಲು ಸಂತೋಷವಾಗಿದೆ ಎಂದರು.
ಕೆಲ್ಲಿ ಸ್ಪಾಹರ್ ಅವರು ನವೆಂಬರ್ 5 ರಂದು ಲಾಟರಿ ಪ್ರಧಾನ ಕಛೇರಿಯಲ್ಲಿ ದೊಡ್ಡ ಬಹುಮಾನವನ್ನು ಪಡೆದರು ಮತ್ತು ತೆರಿಗೆಗಳನ್ನು ಕಡಿತಗೊಳಿಸಿದ ನಂತರ ಅವರು ಸುಮಾರು $178,756 (ಅಂದಾಜು ರೂ. 1.5 ಕೋಟಿ) ಮನೆಗೆ ತೆಗೆದುಕೊಂಡು ಹೋದರು.
