ಮನೆಗೇ ಎಟಿಎಂ ತರಿಸಿಕೊಂಡು ಹಣ ಡ್ರಾ ಮಾಡಬಹುದು ಹೇಗೆ ಗೊತ್ತಾ?

ಇತ್ತೀಚಿನ ದಿನಗಳಲ್ಲಿ ನಗದು ಚಲಾವಣೆಯ ಅಗತ್ಯ ಕಡಿಮೆಯಾಗಿದೆ. ಎಲ್ಲಿ ಹೋದರೂ ಡಿಜಿಟಲ್ ವ್ಯವಹಾರವನ್ನೇ ಮಾಡಬಹುದು. ಒಂದು ಕಪ್ ಟೀ ಕೊಂಡ್ರೂ ಫೋನ್ ಪೇ, ಗೂಗಲ್ ಪೇ ಮಾಡಬಹುದು. ಆನ್‌ಲೈನ್ ಪೇಮೆಂಟ್ ಮಾಡಿದ್ರೆ ನಗದಿನ ಅವಶ್ಯಕತೆಯೇ ಇರೋಲ್ಲ. ಚಿಲ್ಲರೆ ಸಮಸ್ಯೆಯೂ ಇರೋಲ್ಲ. ಹಣದ ವ್ಯವಹಾರವೂ ಸುಲಭವಾಗಿ ಆಗುತ್ತೆ. ಡಿಜಿಟಲ್ ವ್ಯವಹಾರದಿಂದ ಪಾರದರ್ಶಕತೆ ಹೆಚ್ಚುತ್ತದೆ. ತೆರಿಗೆ ವಂಚನೆಗೆ ಅವಕಾಶವೇ ಇಲ್ಲ. ಅದಕ್ಕಾಗಿಯೇ ಕೇಂದ್ರ, ರಾಜ್ಯ ಸರ್ಕಾರಗಳು ಆನ್‌ಲೈನ್ ಪೇಮೆಂಟ್‌ಗೆ ಹೆಚ್ಚಿನ ಪ್ರಾಮುಖ್ಯತೆ ನೀಡುತ್ತಿದೆ. ಆದರೆ ಆನ್‌ಲೈನ್ ವ್ಯವಹಾರದಿಂದ ಸೈಬರ್ ಕಳ್ಳತನವೂ ಆಗುವ ಸಾಧ್ಯತೆ ಇರುತ್ತದೆ. ಅವುಗಳ ಬಗ್ಗೆ ಅರಿವು ಮೂಡಿಸಿಕೊಂಡು ಜಾಗ್ರತೆ ವಹಿಸಿದರೆ ಡಿಜಿಟಲ್ ಪೇಮೆಂಟ್ ಸುಲಭ ಮತ್ತು ಅನುಕೂಲಕರ. 

ಕೆಲವು ಸಂದರ್ಭಗಳಲ್ಲಿ ನಗದು ಕೊಡಲೇಬೇಕಾಗುತ್ತದೆ. ಹಣದ ಅವಶ್ಯಕತೆ ಇದ್ದಾಗ ATM ಎಲ್ಲಿದೆಯೆಂದು ಹುಡುಕಾಡಬೇಕಾಗುತ್ತದೆ. ಹತ್ತಿರದ ಬ್ಯಾಂಕ್‌ನಲ್ಲಿ ಹಣ ಡ್ರಾ ಮಾಡಲು ಪ್ರಯತ್ನಿಸುತ್ತೇವೆ. ಇನ್ನು ಮುಂದೆ ಹಾಗೆ ಗಾಬರಿ ಪಡುವ ಅವಶ್ಯಕತೆ ಇಲ್ಲ. ಅಂಚೆ ಇಲಾಖೆ ಆಧಾರ್ ಎಟಿಎಂ (AePS) ಸೇವೆ ಆರಂಭಿಸಿದೆ. ಇದರಿಂದ ಮನೆಯಲ್ಲೇ ಹಣ ಡ್ರಾ ಮಾಡಬಹುದು. ಇಂಡಿಯನ್ ಪೋಸ್ಟ್ ಪೇಮೆಂಟ್ಸ್ ಬ್ಯಾಂಕ್ ನೀಡುತ್ತಿರುವ ಈ ವಿಶೇಷ ಸೇವೆಯ ಬಗ್ಗೆ ಇಲ್ಲಿ ಹೆಚ್ಚಿನ ಮಾಹಿತಿ ಪಡೆಯಿರಿ. 

ಅರ್ಜೆಂಟ್ ಆಗಿ ಹಣ ಬೇಕಾದಾಗ ಬ್ಯಾಂಕ್ ಅಥವಾ ಎಟಿಎಂಗೆ ಹೋಗಲು ಸಮಯವಿಲ್ಲದಿದ್ದರೆ, ಇಂಡಿಯಾ ಪೋಸ್ಟ್ ಪೇಮೆಂಟ್ಸ್ ಬ್ಯಾಂಕ್ (IPPB) ಆನ್‌ಲೈನ್ ಆಧಾರ್ ATM (AePS) ಸೇವೆ ಬಳಸಿ. 

ಈ ಸೇವೆ ಬಳಸಿದರೆ ನಿಮ್ಮ ಊರಿನ ಪೋಸ್ಟ್‌ಮ್ಯಾನ್ ನಿಮ್ಮ ಮನೆಗೆ ಬಂದು ಹಣ ಡ್ರಾ ಮಾಡಿ ಕೊಡುತ್ತಾರೆ. ಹಣ ಬೇಕು ಅಂತ ನಿಮ್ಮ ಅಂಚೆ ಕಚೇರಿಗೆ ತಿಳಿಸಿದರೆ ಅಥವಾ ಅಲ್ಲಿಗೆ ಹೋದರೆ ಹಣ ಡ್ರಾ ಮಾಡಬಹುದು. ಆದರೆ ಈ ಆನ್‌ಲೈನ್ ಆಧಾರ್ ATM (AePS) ಸೇವೆ ಬಳಸಲು ನಿಮ್ಮ ಆಧಾರ್ ನಿಮ್ಮ ಬ್ಯಾಂಕ್ ಖಾತೆಗೆ ಲಿಂಕ್ ಆಗಿರಬೇಕು. ನಿಮ್ಮ ಬಯೋಮೆಟ್ರಿಕ್ ಕೂಡ ಸರಿಯಾಗಿ ನೋಂದಣಿಯಾಗಿರಬೇಕು. ಈ ಮಾಹಿತಿ ಬಳಸಿ ಹಣ ಡ್ರಾ ಮಾಡಬಹುದು. 

AePS ಮೂಲಕ ಮನೆಯಲ್ಲೇ ಹಣ ಡ್ರಾ ಮಾಡಬಹುದು. ಖಾತೆಯಲ್ಲಿ ಬ್ಯಾಲೆನ್ಸ್ ತಿಳಿದುಕೊಳ್ಳಬಹುದು. ಮಿನಿ ಸ್ಟೇಟ್‌ಮೆಂಟ್ ಪಡೆಯಬಹುದು. ಇತರೆ ಬ್ಯಾಂಕ್‌ಗಳಿಗೆ ಹಣ ವರ್ಗಾಯಿಸಬಹುದು. 

ಈ ಸೇವೆಗೆ ಯಾವುದೇ ಶುಲ್ಕವಿಲ್ಲ. ಆದರೆ ಮನೆಗೆ ಬಂದು ಸೇವೆ ನೀಡಿದ್ದಕ್ಕೆ ಪೋಸ್ಟ್‌ಮ್ಯಾನ್‌ಗೆ ಸರ್ವಿಸ್ ಚಾರ್ಜ್ ಕೊಡಬೇಕಾಗುತ್ತದೆ. ಆಧಾರ್ ATM ಬಳಸಲು, ಆಧಾರ್ ಲಿಂಕ್ ಆದ ಬ್ಯಾಂಕ್ ಖಾತೆ, ಬಯೋಮೆಟ್ರಿಕ್ ಕಡ್ಡಾಯ. ಆನ್‌ಲೈನ್ ಆಧಾರ್ ATM (AePS) ಸೇವೆ ಬಳಸಲು ಆಧಾರ್ ಕಾರ್ಡ್ ತೆಗೆದುಕೊಂಡು ಹೋಗುವ ಅವಶ್ಯಕತೆಯಿಲ್ಲ. ಆದರೆ ವ್ಯವಹಾರ ಯಶಸ್ವಿಯಾಗಲು ಆಧಾರ್ ಸಂಖ್ಯೆಯನ್ನು ಬ್ಯಾಂಕ್ ಖಾತೆಗೆ ಲಿಂಕ್ ಮಾಡಿರಬೇಕು.

ನೀವು ಹಣ ಡ್ರಾ ಮಾಡಿದ ನಂತರ ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಗೆ ಹಣ ವರ್ಗಾವಣೆಯ SMS ಬರುತ್ತದೆ. ಈ ಸಂದೇಶವನ್ನು ಇಂಡಿಯನ್ ಪೋಸ್ಟಲ್ ಸರ್ವಿಸ್ ಮತ್ತು ನಿಮ್ಮ ಬ್ಯಾಂಕ್ ಕಳುಹಿಸುತ್ತದೆ. 

AEPS ATM ಸೇವೆ ಬಳಸಿದ್ದಕ್ಕೆ ನಿಮಗೆ ಪ್ರತ್ಯೇಕ ಶುಲ್ಕವಿಲ್ಲ. ನೀವು ಡ್ರಾ ಮಾಡಿದ ಹಣ ಮಾತ್ರ ನಿಮ್ಮ ಖಾತೆಯಿಂದ ಕಡಿತವಾಗುತ್ತದೆ. ಹೆಚ್ಚುವರಿ ಶುಲ್ಕಗಳಿಲ್ಲ. ಇಂಡಿಯನ್ ಪೋಸ್ಟಲ್ ಸರ್ವಿಸ್ ಅಥವಾ ನಿಮ್ಮ ಬ್ಯಾಂಕ್ ಯಾವುದೇ ಶುಲ್ಕ ಪಡೆಯುವುದಿಲ್ಲ. ಆದರೆ ಮನೆಗೆ ಬಂದು ಹಣ ಡ್ರಾ ಮಾಡಿದ್ದಕ್ಕೆ ಪೋಸ್ಟ್‌ಮ್ಯಾನ್‌ಗೆ ಸರ್ವಿಸ್ ಚಾರ್ಜ್ ಕೊಡಬೇಕಾಗುತ್ತದೆ. ಹೀಗೆ ತುರ್ತು ಸಮಯದಲ್ಲಿ ಮನೆಗೆ ATM ತರಿಸಿಕೊಂಡು ಹಣ ಡ್ರಾ ಮಾಡಿ.