-->

ಬೆಕ್ಕಿನ ಮರಿಯೆಂದು ಚಿರತೆ ಮರಿಯನ್ನೇ ಮನೆಗೆ ತಂದ ಪುಟ್ಟ ಪೋರ: ಮನೆಮಂದಿ ಶಾಕ್

ಬೆಕ್ಕಿನ ಮರಿಯೆಂದು ಚಿರತೆ ಮರಿಯನ್ನೇ ಮನೆಗೆ ತಂದ ಪುಟ್ಟ ಪೋರ: ಮನೆಮಂದಿ ಶಾಕ್

ನಾಸಿಕ್​​(ಮಹಾರಾಷ್ಟ್ರ): ಪುಟ್ಟ ಪೋರನೋರ್ವನು ಬೆಕ್ಕಿನ ಮರಿಯೆಂದು ಚಿರತೆ ಮರಿಯೊಂದನ್ನು ಮನೆಗೆ ತಂದು ಮನೆಮಂದಿಯೆಲ್ಲಾ ಶಾಕ್ ಗೊಳಪಡುವಂತೆ ಮಾಡಿರುವ ಪ್ರಸಂಗವೊಂದು ಮಹಾರಾಷ್ಟ್ರದ ನಾಸಿಕ್​​ನಲ್ಲಿ ನಡೆದಿದೆ.

ನಾಸಿಕ್​​ನ ಮಾಲೆಗಾಂವ್​​ನಲ್ಲಿ ರೈತ ಠಾಕ್ರೆ ಕುಟುಂಬದ ಮನೆಯ ಅನತಿ ದೂರದಲ್ಲಿ ಚಿರತೆಯೊಂದು ಮರಿಗಳಿಗೆ ಜನ್ಮ ನೀಡಿದೆ. ಆಟವಾಡುತ್ತ ಅಲ್ಲಿಗೆ ತೆರಳಿರುವ ಪುಟ್ಟ ಪೋರನೋರ್ವನು ಬೆಕ್ಕಿನ ಮರಿಯೆಂದುಕೊಂಡು ಚಿರತೆ ಮರಿಯನ್ನು ಮನೆಗೆ ತಂದಿದ್ದಾನೆ. ಇದರಿಂದ ಒಂದು ಸಲ ಭೀತಿಗೊಳಗಾದ ಮನೆಮಂದಿ ಬಳಿಕ ಆ ಚಿರತೆ ಮರಿಗೆ ಹಾಲು ನೀಡಿ ಪೋಷಿಸಿದ್ದಾರೆ. 


ಅಲ್ಲದೆ ರಾತ್ರಿ ವೇಳೆ ತಾಯಿ ಚಿರತೆ ಬಂದು ಕರೆದೊಯ್ಯಬಹುದೆಂದು ಆ ಮರಿಯನ್ನು ಮನೆಯ ಹೊರಗಡೆ ಇಟ್ಟಿದ್ದರು. ಆದರೆ ಬೆಳಗ್ಗೆಯಾದರೂ ಚಿರತೆ ಬಾರದ ಹಿನ್ನೆಲೆಯಲ್ಲಿ, ಅರಣ್ಯ ಇಲಾಖೆಗೆ ಆ ಮರಿಯನ್ನು ಮನೆಮಂದಿ ಒಪ್ಪಿಸಿದ್ದಾರೆ. ಈ ಮಾಹಿತಿ ಸದ್ಯ ಊರಿನಲ್ಲಿ ಕಾಳ್ಗಿಚ್ಚಿನಂತೆ ಹರಿದಾಡ್ತಿದೆ.

Ads on article

Advertise in articles 1

advertising articles 2

Advertise under the article