-->
ವಿಕಿ - ಕತ್ರಿನಾ ಅದ್ದೂರಿ ವಿವಾಹ ಪ್ರಸಾರ ಮಾಡಲು ಓಟಿಟಿ ಆಸಕ್ತಿ: 100 ಕೋಟಿ ರೂ. ಆಫರ್?

ವಿಕಿ - ಕತ್ರಿನಾ ಅದ್ದೂರಿ ವಿವಾಹ ಪ್ರಸಾರ ಮಾಡಲು ಓಟಿಟಿ ಆಸಕ್ತಿ: 100 ಕೋಟಿ ರೂ. ಆಫರ್?

ಮುಂಬೈ: ಬಾಲಿವುಡ್​ ಅಂಗಳದಲ್ಲಿ  ಮತ್ತೊಂದು ತಾರಾಜೋಡಿಯಾದ ವಿಕಿ ಕೌಶಲ್ - ಕತ್ರಿನಾ ಕೈಫ್ ಮದುವೆಯದ್ದೇ ವಿಚಾರ ಟಾಕ್ ಆಫ್ ದಿ ಟೌನ್ ಆಗಿದೆ. ದಿನದಿನವೂ ಈ ಮದುವೆಯ ಬಗ್ಗೆ ವೈವಿಧ್ಯಮಯ ವಿಚಾರಗಳು ಹೊರ ಬರುತ್ತಲೇ ಇದೆ. ಈಗಾಗಲೇ ಈ ಅದ್ಧೂರಿ ವಿವಾಹಕ್ಕೆ ಕಲರ್​ಫುಲ್​ ವೇದಿಕೆ ಸಜ್ಜಾಗಿದೆ. ವಿಕಿ ಕೌಶಲ್ ಮತ್ತು ಕತ್ರಿನಾ ಕೈಫ್​ ಮದುವೆ ಸಂಭ್ರಮ ನಿನ್ನೆಯಿಂದಲೇ ಆರಂಭವಾಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಟ್ರೆಂಡ್​ ಕೂಡ ಸೃಷ್ಟಿಯಾಗಿದೆ. 

ತಾರಾಜೋಡಿಯ ಮದುವೆಗೆ ಸಿನಿರಂಗದ ಪ್ರಮುಖರು ಪಾಲ್ಗೊಳ್ಳಲಿದ್ದಾರೆ ಎಂಬ ಮಾಹಿತಿ ಇದೆ. ಆದ್ದರಿಂದ ರಾಜಸ್ಥಾನದ ಸವಾಯಿ ಮಾಧೋಪುರದಲ್ಲಿರುವ ಸಿಕ್ಸ್ ಸೆನ್ಸ್ ಫೋರ್ಟ್ ಬರ್ವಾರಾದಲ್ಲಿ ಭಾರೀ ಭದ್ರತಾ ವ್ಯವಸ್ಥೆಯನ್ನು ಕಲ್ಪಿಸಲಾಗಿದೆ. ಸಾಕಷ್ಟು ವಿಶೇಷತೆ, ಆಕರ್ಷಣೆಗೆಗಳಿಗೆ ಸಾಕ್ಷಿಯಾಗಲಿರುವ ಈ ಅದ್ದೂರಿ ವಿವಾಹಕ್ಕೆ ಇದೀಗ ಭಾರೀ ಡಿಮ್ಯಾಂಡ್​ ಒಂದು ಒಲಿದು ಬಂದಿದೆ. 

ಈ ಮದುವೆಗೆ ಸಂಬಂಧಿಸಿದ ವೀಡಿಯೋ ಫೂಟೇಜ್​ ಸರೆಹಿಡಿಯುವ ಅವಕಾಶ ನೀಡಿದ್ದಲ್ಲಿ 100 ಕೋಟಿ ರೂ. ಆಫರ್ ಮಾಡಲಾಗಿದೆಯಂತೆ. ಹೀಗೊಂದು ಸುದ್ದಿ ಬಾಲಿವುಡ್​ನಲ್ಲಿ ಹರಿದಾಡುತ್ತಿದೆ. ಸಾಧಾರಣ ಎಲ್ಲರೂ ತಮ್ಮ ಮದುವೆಗೆ ಲಕ್ಷಾಂತರ ರೂ. ಖರ್ಚು ಮಾಡಿ ವಿಡಿಯೋ ಸೆರೆ ಹಿಡಿಯುದಾದರೆ, ಈ ಮದುವೆಗೆ ಭಾರೀ ಡಿಮಾಂಡ್ ನೀಡಿ ವೀಡಿಯೋ ಮಾಡುತ್ತೇವೆ ಎಂಬ ಆಫರ್ ಬಂದಿದೆಯಂತೆ. ಮಾಧ್ಯಮಗಳ ವರದಿಯ ಪ್ರಕಾರ ಓಟಿಟಿ ಫ್ಲಾಟ್​ಫಾರ್ಮ್​ 100 ಕೋಟಿ ರೂ‌‌. ಆಫರ್​ ಮಾಡಿ, ತಾವೇ ವೀಡಿಯೋ ಚಿತ್ರೀಕರಣ ಮಾಡುತ್ತೇವೆ ಅಂದಿದೆಯಂತೆ. ಆದರೆ, ತಾರಾಜೋಡಿಯಿಂದ ಇದುವರೆಗೂ ಯಾವುದೇ ಗ್ರೀನ್​ ಸಿಗ್ನಲ್​ ಬಂದಿಲ್ಲ ಎನ್ನಲಾಗಿದೆ. 

ಓಟಿಟಿ ಎಂಬುದು ಬಾಲಿವುಡ್‌ನಲ್ಲಿ ಈಗ ಸರ್ವೇಸಾಮಾನ್ಯ ಟ್ರೆಂಡ್ ಆಗಿದೆ. ಸೆಲೆಬ್ರಿಟಿಗಳು ದುಡ್ಡಿಗಾಗಿ ಪಾಪರಾಜಿಗಳಿಗೆ ತಮ್ಮ ಮದುವೆಯ ದೃಶ್ಯಗಳನ್ನು ಚಿತ್ರೀಕರಿಸಲು ಅನುಮತಿ ನೀಡುತ್ತಾರೆ. ಇದೀಗ ದೇಶದಲ್ಲಿ ಎಲ್ಲೆಡೆ ಓಟಿಟಿ ಟ್ರೆಂಡ್​ ಸೃಷ್ಟಿಯಾಗಿದೆ. ಒಟಿಟಿ ವೇದಿಕೆಯಲ್ಲಿ ವಿಕ್ಕಿ-ಕತ್ರಿನಾರ ಅದ್ದೂರಿ ವಿವಾಹವನ್ನು ಪ್ರಸಾರ ಮಾಡಲು ಆಸಕ್ತಿ ವಹಿಸಿದೆ. ಇದೇ ಮೊದಲ ಬಾರಿಗೆ ತಾರಾಜೋಡಿಯೊಂದರ ವಿವಾಹಕ್ಕಾಗಿ ಇಂಥದ್ದೊಂದು ಆಫರ್​ ಅನ್ನು ಓಟಿಟಿ ನೀಡಿದೆ ಎನ್ನಲಾಗಿದೆ. 

ಒಂದು ವೇಳೆ ತಾರಾಜೋಡಿ ಹಸಿರು ನಿಶಾನೆ ತೋರಿದ್ದಲ್ಲಿ ಇಡೀ ಮದುವೆ ಸಂಭ್ರಮವು ಒಟಿಟಿಯಲ್ಲಿ ನೇರಪ್ರಸಾರವಾಗಲಿದೆ. ಅಲ್ಲದೆ, ಫ್ರೆಂಡ್ಸ್​, ಆಪ್ತರು ಮತ್ತು ಸೆಲೆಬ್ರಿಟಿಗಳ ಎಕ್ಸ್​ಕ್ಲೂಸಿವ್​ ಸಂದರ್ಶನಗಳು ಕೂಡ ಪ್ರಸಾರವಾಗಲಿದೆ. ಡಿಸೆಂಬರ್​ 9ರಂದು ರಾಜಸ್ಥಾನದ ಸವಾಯಿ ಮಾಧೋಪುರದಲ್ಲಿರುವ ಸಿಕ್ಸ್ ಸೆನ್ಸ್ ಫೋರ್ಟ್ ಬರ್ವಾರಾದಲ್ಲಿ ವಿಕ್ಕಿಕ್ಯಾಟ್​ ಮದುವೆ ನಡೆಯಲಿದೆ. 

Ads on article

Advertise in articles 1

advertising articles 2

Advertise under the article

holige copy 1.jpg