ಸಾಕಷ್ಟು ವರ್ಷಗಳ ಬಳಿಕ ಪ್ಯಾರಿಸ್ ನಲ್ಲಿ ಐಶ್ವರ್ಯಾ ರೈ ಕ್ಯಾಟ್ ವಾಕ್: ಸಾಮಾಜಿಕ ಜಾಲತಾಣಗಳಲ್ಲಿ ಫೋಟೋಗಳು ಭಾರೀ ವೈರಲ್

ಪ್ಯಾರಿಸ್: ಬಾಲಿವುಡ್ ಬ್ಯೂಟಿ ಕ್ವೀನ್, ಮಾಜಿ ವಿಶ್ವಸುಂದರಿ ಐಶ್ವರ್ಯಾ ರೈಯವರಿಗೆ ಮಾಡಲಿಂಗ್, ರ‍್ಯಾಂಪ್ ವಾಕ್ ಯಾವುದೂ ಹೊಸದಲ್ಲ. ಅವರು ಬಾಕಿವುಡ್ ನಲ್ಲಿ ನಟಿಯಾಗಿ ಮಿಂಚುವುದಕ್ಕೆ ಮೊದಲು ಅದೆಷ್ಟು ಶೋಗಳಲ್ಲಿ ಕ್ಯಾಟ್​ವಾಕ್ ಮಾಡಿದ್ದರೋ ಲೆಕ್ಕ ಇಟ್ಟವರಿಲ್ಲ.

ಆದರೆ, ಇತ್ತೀಚಿಗೆ ಮಾಡಲಿಂಗ್​, ಬೆಕ್ಕಿನ ನಡಿಗೆಯಿಂದ ಸ್ವಲ್ಪ ದೂರ ಉಳಿದಿದ್ದಾರೆ. ಆದರೆ ಮೊನ್ನೆ ಪ್ಯಾರಿಸ್​ನಲ್ಲಿ ನಡೆದ ಪ್ಯಾರಿಸ್ ಫ್ಯಾಶನ್ ವೀಕ್​ನಲ್ಲಿ ಅವರು ಬಹಳ ವರ್ಷಗಳ ಬಳಿಕ ರ‍್ಯಾಂಪ್ ವಾಕ್ ಮಾಡಿ ಎಲ್ಲರ ಗಮನ ಸೆಳೆದಿದ್ದಾರೆ. ಪ್ಯಾರಿಸ್​ನ ಐಫೆಲ್ ಟವರ್ ಮುಂಭಾಗ ನಡೆದ ಈ ಕಾರ್ಯಕ್ರಮದಲ್ಲಿ ಹಲವಾರು ದೇಶಗಳ ಪ್ರಖ್ಯಾತ ಮಾಡೆಲ್​ಗಳು ಹಾಗೂ ನಟಿಯರು ಭಾಗವಹಿಸಿದ್ದರು. ಇಲ್ಲಿ ಮತ್ತೆ ಐಶ್ವರ್ಯಾ ರೈ ಬೆಕ್ಕಿನ ನಡಿಗೆ ನಡೆದು ಎಲ್ಲರ ಕಣ್ಮನ ಸೆಳೆದಿದ್ದಾರೆ.

ಈ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಐಶ್ವರ್ಯಾ ರೈ ತಮ್ಮ ಪತಿ ಅಭಿಷೇಕ್ ಬಚ್ಚನ್ ಮತ್ತು ಮಗಳು ಆರಾಧ್ಯಾರೊಂದಿಗೆ ಹೋಗಿದ್ದರು. ಈ ಸಂದರ್ಭ ಅವರು ಅಚ್ಚ ಬಿಳುಪಿನ ಅಂಗಿ ತೊಟ್ಟು, ತುಟಿಗೆ ಪಿಂಕ್ ಲಿಪ್​ಸ್ಟಿಕ್ ಹಚ್ಚಿಕೊಂಡು ಕ್ಯಾಟ್ ವಾಕ್ ಮಾಡಿದ್ದಾರೆ. ಅವರು ಕ್ಯಾಟ್ ವಾಕ್ ಮಾಡಿರುವಾಗ ತೆಗೆದ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್ ಆಗುತ್ತಿದೆ. 

ಈ ಕಾರ್ಯಕ್ರಮದಲ್ಲಿ ಅಂತಾರಾಷ್ಟ್ರೀಯ ಸೆಲೆಬ್ರಿಟಿಗಳಾದ ಹೆಲೆನ್ ಮಿರ್ರೆನ್, ಕ್ಯಾಮಿಲಾ ಕ್ಯಾಬೆಲ್ಲೋ, ಅಂಬೆರ್ ಹರ್ಡ್ ಸಹ ಭಾಗವಹಿಸಿದ್ದು, ಅವರೆಲ್ಲರ ಜತೆಗೆ ಐಶ್ವರ್ಯಾ ರೈ ಕೂಡಾ ಬೆಕ್ಕಿನ ನಡಿಗೆಗೆ ಹೆಜ್ಜೆ ಹಾಕಿದ್ದಾರೆ.