ಬಂಟ್ವಾಳ : ಬಿ.ಸಿ. ರೋಡಿನಲ್ಲಿ ಸಿಸಿ ಕ್ಯಾಮರಾವನ್ನು ಮುಚ್ಚಿ ಹೊಟೇಲೊಂದಕ್ಕೆ ನುಗ್ಗಿದ್ದ ಕಳ್ಳರು ಸುಮಾರು 70 ಸಾವಿರ ರೂ. ನಗದನ್ನು ಕಳವು ಮಾಡಿದ ಘಟನೆ ರವಿವಾರ ತಡರಾತ್ರಿ ನಡೆದಿದೆ.
ಬಿ.ಸಿ.ರೋಡಿನ ಮುಖ್ಯರಸ್ತೆಯ ವಾಣಿಜ್ಯ ಸಂಕೀರ್ಣವೊಂದರಲ್ಲಿ ಕಾರ್ಯಾಚರಿಸುತ್ತಿರುವ ಹೊಟೇಲ್ಗೆ ಕಳ್ಳರು ನುಗ್ಗಿದ್ದು, ಮುಸುಕುಧಾರಿ ಕಳ್ಳ ಹೋಟೇಲ್ನ ಬೀಗ ಮುರಿಯುವ ದೃಶ್ಯ ಕೆಮರಾದಲ್ಲಿ ಸೆರೆಯಾಗಿದೆ.
ಆದರೆ ಆ ಬಳಿಕ ಕ್ಯಾಮರಾವನ್ನು ಅಡ್ಡಲಾಗಿ ಮುಚ್ಚಲಾಗಿದೆ. ಹೊಟೇಲ್ನ ಶಟರ್ನ ಬೀಗ ಮುರಿದು ಒಳ್ಳ ನುಗ್ಗಿ ಡ್ರಾಯರ್ನಲ್ಲಿದ್ದ ನಗದನ್ನು ಕಳವು ಮಾಡಲಾಗಿದೆ. ಜತೆಗೆ ಅದೇ ಕಟ್ಟಡದ ಮೆಡಿಕಲ್ಗೂ ನುಗ್ಗಿದ್ದಾರೆ.
ಬಿ.ಸಿ.ರೋಡಿನಲ್ಲಿ ಸರಣಿ ಕಳ್ಳತನ ಪ್ರಕರಣಗಳು ಹೆಚ್ಚುತ್ತಿದ್ದು, ಕಳೆದ 10 ದಿನಗಳ ಹಿಂದೆ ಕೈಕಂಬದಲ್ಲಿ ಇದೇ ರೀತಿ ನಾಲೈದು ಅಂಗಡಿಗಳಿಂದ ನಗದು ಕಳವು ಮಾಡಲಾಗಿತ್ತು. ಜತೆಗೆ ಅಜ್ಜಿಬೆಟ್ಟಿನಲ್ಲಿ ಮಹಿಳೆಯ ಸರ ಎಳೆದು ಪರಾರಿಯಾಗಿದ್ದು, ಈ ಪ್ರಕರಣದ ಕಳ್ಳರನ್ನು ಹಿಡಿಯುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದಾರೆ.
![ಮುಂಬೈನಲ್ಲಿ ಒಂದೇ ಕುಟುಂಬದ ನಾಲ್ವರ ಸಾವು: ಕಲ್ಲಂಗಡಿ ಹಣ್ಣಿನಿಂದಲ್ಲ, ವಿಷಪ್ರಾಶನದಿಂದ ಸಾವು ಸಂಭವಿಸಿರುವ ಶಂಕೆ [Crime]](https://lh3.googleusercontent.com/blogger_img_proxy/AEn0k_v5P_cjCFLLAmw1kiKInivfQLef0wrR9uViSfqYSyiP3nqiX1VyUE977hpGh_C6k2fa-I-iH8lgrbPd5UKiqWjvCwNE25q6ewlW8smOFoMun6Ls6NwjbsJQSkRWI4HVx9neu7AgAxl7mzeIYp5OFKKwPLd8hhDq4T_Jm1y9XuL7B0lQSXKNNAmzg3bVuBLxS_hq4JKafXGkNHf0AeEgxBm9obafZKGr-5DnPfaU-Q=w100-h80-p-k-no-nu)
