ಟ್ರೇಡಿಂಗ್ App ನಂಬಿ ಅರ್ಧ ಕೋಟಿ ರೂ ಕಳೆದುಕೊಂಡ ಉಡುಪಿ‌ ಮಹಿಳೆ

ಓದುಗರ ಗಮನಕ್ಕೆ

ಓದುಗರ ಗಮನಕ್ಕೆ ಇಮುಂಗಾರು ವೆಬ್ಸೈಟ್‌ನಲ್ಲಿ ಪ್ರಕಟವಾಗುವ ಸುದ್ದಿಗಳಲ್ಲಿ ಯಾವುದೇ ಸಲಹೆಗಳಿದ್ದರೆ, ಅವುಗಳನ್ನು ಪಾಲಿಸುವ ಮುಂಚೆ ತಜ್ಞರ ಸಲಹೆಯಿಂದ ಕರಾರುವಕ್ಕಾಗಿ ಪರಿಶೀಲಿಸಿ. ಇಮುಂಗಾರು ಸಂಸ್ಥೆಯು ಯಾವುದೇ ಹಣಕಾಸಿನ ವ್ಯವಹಾರಗಳಲ್ಲಿ ತೊಡಗಿಸಿಕೊಳ್ಳುವುದಿಲ್ಲ. ಯಾವುದೇ ಹಣಕಾಸಿನ ವ್ಯವಹಾರಗಳಿಗೆ ಸಂಬಂಧಿಸಿದಂತೆ ನಮ್ಮ ಸಂಸ್ಥೆಯು ಯಾವುದೇ ಜವಾಬ್ದಾರಿಯನ್ನು ಹೊಂದಿರುವುದಿಲ್ಲ. ನಾವು ಸುದ್ದಿಗಳನ್ನು ವಾಟ್ಸಾಪ್‌ನಲ್ಲಿ ಶೇರ್ ಮಾಡುವಾಗ ಜಾಹೀರಾತು ರೂಪದಲ್ಲಿ ಮೂರನೇ ವಾಟ್ಸಾಪ್ ಗ್ರೂಪ್ ಇನ್ವೈಟ್ ಲಿಂಕ್‌ಗಳನ್ನು ಸೇರಿಸಬಹುದು, ಆದರೆ ಇದಕ್ಕೆ ನಮ್ಮ ಸಂಸ್ಥೆಗೆ ಯಾವುದೇ ಸಂಬಂಧವಿಲ್ಲ.

Saturday, December 23, 2023

ಉಡುಪಿ-ಟ್ರೇಡಿಂಗ್ ಆ್ಯಪ್ ನಂಬಿ‌ ಅರ್ಧ ಕೋಟಿ ಹಣವನ್ನು ಉಡುಪಿಯ ಮಹಿಳೆಯೋರ್ವರು‌ ಕಳೆದುಕೊಂಡಿದ್ದಾರೆ.

ಉಡುಪಿಯ ಮಹಿಳೆಗೆ ಟೆಲಿಗ್ರಾಮ್ ಮತ್ತು ವಾಟ್ಸ್ ಅಪ್ ನಲ್ಲಿ Tiger Global Trade mobile app ಕಂಪೆನಿ ಎಂಬುದಾಗಿ ಯಾರೋ ಅಪರಿಚಿತರು ಸಂಪರ್ಕಿಸಿದ್ದರು. TR Trade ನ Share market ನಲ್ಲಿ ಹಣ ಹೂಡಿಕೆ ಮಾಡಿದರೆ ಅಧಿಕ ಲಾಭ ಸಿಗುವುದಾಗಿಯೂ ಮತ್ತು ಲಾಭಾಂಶದ ಹಣವನ್ನು ಕೇವಲ 48-72 ಗಂಟೆಗಳಲ್ಲಿ ಹಿಂಪಡೆಯಬಹುದು ಎಂಬುದಾಗಿ ನಂಬಿಸಿದ್ದರು. ಆರೋಪಿಗಳ ಟೆಲಿಗ್ರಾಮ್ ಗ್ರೂಪ್ ಮತ್ತು ವಾಟ್ಸ್ ಗ್ರೂಪ್ ಗೆ ಲಿಂಕ್ ಮುಖೇನ ಸೇರಿಸಿಕೊಂಡು, ಹಣ ತೊಡಗಿಸುವಂತೆ ತಿಳಿಸಿದ್ದು, ಇದನ್ನು ನಂಬಿದ ಮಹಿಳೆ ದಿನಾಂಕ 16.11.2023 ರಿಂದ 13.12.2023 ರ ಮದ್ಯಾವದಿಯಲ್ಲಿ ಹಂತ ಹಂತವಾಗಿ UPI, IMPS ಹಾಗೂ ಆನ್‌‌ಲೈನ್ ಟ್ರಾನ್ಸೆಕ್ಷನ್ ಮುಖೇನ ಒಟ್ಟು ರೂ. 51,90,000/- ಹಣವನ್ನು ವರ್ಗಾವಣೆ ಮಾಡಿರುತ್ತಾರೆ.

ಯಾರೋ ಆರೋಪಿಗಳು ಮಹಿಳೆಯನ್ನು Tiger Global Trade mobile app ಕಂಪೆನಿ ಎಂಬುದಾಗಿ ನಂಬಿಸಿ, ಒಟ್ಟು ರೂ. 51,90,000/- ಹಣವನ್ನು ಪಡೆದು, ಶೇರ್ ನ ಲಾಭಾಂಶವನ್ನು ನೀಡದೇ ಪಡೆದ ಹಣವನ್ನು ನೀಡದೇ ಮೋಸದಿಂದ ನಷ್ಟ ಉಂಟು ಮಾಡಿದ್ದಾರೆ ಎಂದು ಉಡುಪಿ ಸೆನ್‌ ಪೊಲೀಸ್ ಠಾಣೆ ಅಪರಾಧ ಕ್ರಮಾಂಕ 144/2023 ಕಲಂ: 66(C), 66(D), ಐ.ಟಿ. ಆಕ್ಟ್ ನಂತೆ ಪ್ರಕರಣ ದಾಖಲಾಗಿರುತ್ತದೆ.