ಈ ರೀತಿಯ ಶುಭ ಸೂಚನೆಗಳು ನಿಮ್ಮ ಜೀವನದಲ್ಲಿ ಆಗಲು ಪ್ರಾರಂಭಿಸಿದರೆ ಲಕ್ಷ್ಮೀದೇವಿ ನಿಮಗೆ ಒಲಿಯುತ್ತಿದ್ದಾಳೆ ಎಂದರ್ಥ!

ಓರ್ವ ವ್ಯಕ್ತಿಯ ಮಂಗಳಕರ ಅಥವಾ ಶುಭ ಸಮಯ ಆರಂಭವಾಗುವ ಮೊದಲು ಆ ವ್ಯಕ್ತಿಯು ಅನೇಕ ರೀತಿಯ ಶುಭ ಚಿಹ್ನೆಗಳನ್ನು ಪಡೆದುಕೊಳ್ಳಲು ಪ್ರಾರಂಭಿಸುತ್ತಾನೆ. ಅವುಗಳಲ್ಲಿ ಪ್ರಮುಖವಾಗಿ, ವ್ಯಕ್ತಿಯು ಶುಭ ಕನಸುಗಳನ್ನು ಕಾಣಲು ಪ್ರಾರಂಭಿಸುತ್ತಾನೆ. ಅಂತಹ ವ್ಯಕ್ತಿ ತನ್ನ ಕನಸಿನಲ್ಲಿ ದೇವರನ್ನು ನೋಡುತ್ತಾನೆ. ಕನಸಿನಲ್ಲಿ ಮರಗಳನ್ನು, ಸಸ್ಯಗಳನ್ನು ಮತ್ತು ಹಸಿರಿನಿಂದ ತುಂಬಿರುವ ಪ್ರಕೃತಿಯನ್ನು ನೋಡುತ್ತಾನೆ. ನಿಮಗೂ ಇಂತಹ ಸೂಚನೆಗಳು ಕಂಡು ಬಂದರೆ ಲಕ್ಷ್ಮಿ ದೇವಿ ನಿಮ್ಮನ್ನು ಆಶೀರ್ವದಿಸಿದ್ದಾಳೆ ಎಂದರ್ಥ.

ಒಬ್ಬ ವ್ಯಕ್ತಿಯ ಒಳ್ಳೆಯ ದಿನಗಳು ಪ್ರಾರಂಭವಾದಾಗ, ಅವನ ಉತ್ಸಾಹವು ಹೆಚ್ಚಾಗುತ್ತದೆ. ಅವನು ಸಂತೋಷದ ಜೀವನವನ್ನು ಅನುಭವಿಸಲು ಪ್ರಾರಂಭಿಸುತ್ತಾನೆ. ಆ ವ್ಯಕ್ತಿಯ ಶಕ್ತಿ ಮತ್ತು ಸಂತೋಷವು ದುಪ್ಪಟ್ಟಾಗುತ್ತದೆ. ಶುಭಕಾಲ ಬರುವ ಮುನ್ನವೇ ಮನೆಯ ಸುತ್ತಲಿನ ಗಿಡ-ಮರಗಳು ಹಸಿರಾಗುತ್ತವೆ ಎನ್ನುವ ನಂಬಿಕೆಯಿದೆ. ವಿಶೇಷವಾಗಿ ತುಳಸಿ ಸಸ್ಯವು ತುಂಬಾ ಸುಂದರ ಮತ್ತು ಹಸಿರು ಬಣ್ಣಕ್ಕೆ ಬರಲು ಪ್ರಾರಂಭಿಸುತ್ತದೆ.