-->

ಆಂಧ್ರಪ್ರದೇಶದಲ್ಲಿ ತೆಲಂಗಾಣ ಥಿಯೇಟರ್ ಪಾರ್ಕಿಂಗ್ ದರಕ್ಕಿಂತಲೂ ಕಡಿಮೆ ಸಿನಿಮಾ ಟಿಕೆಟ್ ದರ: ಸರಕಾರದ ವಿರುದ್ಧ ಕೋರ್ಟ್ ಮೆಟ್ಟಲು ಹತ್ತಿದ ತೆಲುಗು ಚಿತ್ರೋದ್ಯಮ

ಆಂಧ್ರಪ್ರದೇಶದಲ್ಲಿ ತೆಲಂಗಾಣ ಥಿಯೇಟರ್ ಪಾರ್ಕಿಂಗ್ ದರಕ್ಕಿಂತಲೂ ಕಡಿಮೆ ಸಿನಿಮಾ ಟಿಕೆಟ್ ದರ: ಸರಕಾರದ ವಿರುದ್ಧ ಕೋರ್ಟ್ ಮೆಟ್ಟಲು ಹತ್ತಿದ ತೆಲುಗು ಚಿತ್ರೋದ್ಯಮ

ವಿಜಯವಾಡ: ಸಿನಿಮಾ ಟಿಕೆಟ್​ ದರ ನಿಗದಿ ವಿಚಾರವಾಗಿ ಆಂಧ್ರಪ್ರದೇಶ ಸರಕಾರ ಹಾಗೂ ತೆಲುಗು ಚಿತ್ರೋದ್ಯಮದ ನಡುವಿನ ತೆರೆಮರೆಯ ಹೋರಾಟ ಮತ್ತೂ ಮುಂದುವರಿದಿದೆ. ಈ ಮೂಲಕ ಆಂಧ್ರ ಸರಕಾರ ತೆಲುಗು ಚಿತ್ರೋದ್ಯಮವನ್ನು ದಮನ ಮಾಡುವ ನೀತಿಯನ್ನು ಅನುಸರಿಸುತ್ತಿದೆ ಎಂಬ ಆರೋಪ ಕೇಳಿಬಂದಿದೆ. ಇದೀಗ ಈ ಆರೋಪಕ್ಕೆ ಪುಷ್ಟಿ ನೀಡುವಂತೆ​ ಫೋಟೋವೊಂದು ವೈರಲ್ ಆಗಿದೆ. 

ವೈರಲ್​ ಆಗಿರುವ ಆ ಫೋಟೋದಲ್ಲಿ ತೆಲಂಗಾಣದ ಸಿನಿಮಾ ಟಿಕೇಟ್ ದರ,​ ಪಾರ್ಕಿಂಗ್​ ದರ ಹಾಗೂ ಆಂಧ್ರಪ್ರದೇಶದ ಸಿನಿಮಾ ಟಿಕೆಟ್ ದರವನ್ನು ಹೋಲಿಕೆ ಮಾಡಲಾಗಿದೆ. ಆಂಧ್ರಪ್ರದೇಶ ರಾಜ್ಯದ ಸಿನಿಮಾ ಟಿಕೆಟ್​ ದರಕ್ಕಿಂತ ತೆಲಂಗಾಣದ ಸಿನಿಮಾ ಮಂದಿರದ ಪಾರ್ಕಿಂಗ್​ ದರವೇ ಅಧಿಕವಿದೆ.

ತೆಲಂಗಾಣದ ಚಿತ್ರಮಂದಿರಗಳಲ್ಲಿ ವಾಹನ ಪಾರ್ಕಿಂಗ್​ ದರ 30 ರೂ. ಇದ್ದರೆ, ಆಂಧ್ರದಲ್ಲಿ ಟಿಕೆಟ್​ ಬೆಲೆ ಬಾಲ್ಕನಿ 20, ಫಸ್ಟ್​ ಕ್ಲಾಸ್​ 15 ಹಾಗೂ ಸೆಕೆಂಡ್​ ಕ್ಲಾಸ್​ 10 ರೂ. ಇದೆ. ಆಂಧ್ರಪ್ರದೇಶ ಸರಕಾರವು ಸಿನಿಮಾ ಟಿಕೆಟ್​ ಬೆಲೆ ಇಳಿಸಿರುವ ಪರಿಣಾಮ ಮೂಲ ಖರ್ಚು ವೆಚ್ಚವನ್ನು ಸಹ ಮರುಪಡೆಯಲು ಸಾಧ್ಯವಾಗುತ್ತಿಲ್ಲ ಎಂದು ಸಿನಿಮಾ ಪ್ರದರ್ಶಕರು ಮತ್ತು ವಿತರಕರು ಅಸಮಾಧಾನ ಹೊರಹಾಕಿದ್ದಾರೆ. ಅಲ್ಲದೆ ಸರಕಾರದ ಈ ನೀತಿಯನ್ನು ಖಂಡಿಸಿ ಕಡಿಮೆ ಟಿಕೆಟ್​ ದರ ನಿಗದಿ ಮಾಡಿರುವ ಆಂಧ್ರದದಲ್ಲಿ ಅನೇಕ ಸಿನಿಮಾ ಮಂದಿರಗಳನ್ನು ಬಂದ್​ ಮಾಡಲಾಗಿದೆ. ಟಿಕೆಟ್​ ದರ ಮಾತ್ರವಲ್ಲದೆ, ಸಿನಿಮಾ ಹಾಲ್​ ಸುರಕ್ಷತಾ ಕ್ರಮಗಳ ಬಗ್ಗೆಯೂ ಸರ್ಕಾರ ಕಟ್ಟುನಿಟ್ಟಾದ ಕ್ರಮ ತೆಗೆದುಕೊಂಡಿದೆ. ಜೊತೆಗೆ ಸುರಕ್ಷತಾ ಕ್ರಮಗಳನ್ನು ಸರಿಯಾಗಿ ಪಾಲಿಸದ 15 ಸಿನಿಮಾ ಮಂದಿರಗಳನ್ನು ಸರ್ಕಾರ ಸೀಜ್​ ಮಾಡಿದೆ. 

ಆಂಧ್ರಪ್ರದೇಶ ಸರ್ಕಾರದ ಈ ಕ್ರಮವನ್ನು ಪ್ರಶ್ನಿಸಿ ತೆಲುಗು ಚಿತ್ರೋದ್ಯಮ ಕೋರ್ಟ್​ ಮೆಟ್ಟಿಲೇರಿದೆ. ಅಲ್ಲದೆ, ನಾನಿ ಸೇರಿದಂತೆ ಅನೇಕ ನಟರು ಸರ್ಕಾರದ ಕ್ರಮವನ್ನು ಬಹಿರಂಗವಾಗಿಯೇ ಟೀಕಿಸಿದ್ದಾರೆ. ಸದ್ಯ ಪರಿಸ್ಥಿತಿ ಇದೇ ರೀತಿ ಮುಂದುವರಿದಲ್ಲಿ ಆರ್​ಆರ್​ಆರ್​ ಮತ್ತು ರಾಧೆ ಶ್ಯಾಮ್​ ಸಿನಿಮಾ ಗಳಿಕೆಯ ಮೇಲೆ ತೀವ್ರ ಪರಿಣಾಮ ಬೀರಲಿದೆ ಎನ್ನಲಾಗುತ್ತಿದೆ.

Ads on article

Advertise in articles 1

advertising articles 2

Advertise under the article