Indian Idol Nihal Tauro- ಇಂಡಿಯನ್ ಐಡಲ್ ಸ್ಟಾರ್ ನಿಹಾಲ್ ತಾವ್ರೊಗೆ ಹುಟ್ಟೂರ ಸನ್ಮಾನ: ರಮಾನಾಥ ರೈ ಅಭಿನಂದನೆ
8/21/2021 08:30:00 AM
ಸೋನಿ ಟಿವಿ ವಾಹಿನಿಯಲ್ಲಿ ಪ್ರಸಾರವಾದ ಜನಪ್ರಿಯ ರಿಯಾಲಿಟಿ ಶೋ 'ಇಂಡಿಯನ್ ಐಡಲ್' 12ನೇ ಆವೃತ್ತಿಯಲ್ಲಿ ಕರ್ನಾಟಕದ ಏಕೈಕ ಸ್ಪರ್ಧಿಯಾಗಿದ್ದ ಕರಾವಳಿಯ ಹೆಮ್ಮೆಯ ಗಾಯಕ
ನಿಹಾಲ್ ತಾವ್ರೋ ಅವರನ್ನು ಹುಟ್ಟೂರಿನಲ್ಲಿ ಸನ್ಮಾನ ಮಾಡಲಾಯಿತು.
ಈ ಸ್ಪರ್ಧೆಗೆ ಆಯ್ಕೆಯಾಗಿದ್ದ ತಾವ್ರೋ ಟಾಪ್ 5 ಸ್ಥಾನ ಪಡೆದಿದ್ದರು. ಮೂಲತಃ ಮೂಡಬಿದಿರೆಯ ನಿಹಾಲ್ ತಾವ್ರೋ ನಿವಾಸಕ್ಕೆ ಮಾಜಿ ಜಿಲ್ಲಾ ಉಸ್ತುವಾರಿ ಸಚಿವರಾದ ಬಿ ರಮಾನಾಥ ರೈ ಭೇಟಿ ನೀಡಿ ಅಭಿನಂದಿಸಿದರು.
ಈ ಸಂದರ್ಭದಲ್ಲಿ ರೈ ತಾವ್ರೋ ಅವರ ಸಾಧನೆಯನ್ನು ಮೆಚ್ಚಿದರು. ಮುಕ್ತ ಕಂಠದಿಂದ ಪ್ರಶಂಸೆ ಮಾಡಿದರು.
ಈ ಸಂದರ್ಭದಲ್ಲಿ ಎಐಸಿಸಿ ಕಾರ್ಯದರ್ಶಿ ಪಿ ವಿ ಮೋಹನ್, ಮಂಗಳೂರು ಮಾಜಿ ಮೇಯರ್ ಶಶಿಧರ್ ಹೆಗ್ಡೆ, ಕಾರ್ಪೊರೇಟರ್ ನವೀನ್ ಡಿಸೋಜ, ಕಾಂಗ್ರೆಸ್ ಮಹಿಳಾ ಘಟಕದ ಪ್ರಮುಖರಾದ ಪ್ರತಿಭಾ ಕುಳಾಯಿ, ಪ್ರಸಾದ್ ಜೈನ್, ಡೆಂಜಿಲ್ ನೊರೋನ್ಹಾ ಮೊದಲಾದವರು ಉಪಸ್ಥಿತರಿದ್ದರು.