ಅಂಚೆ ಕಚೇರಿಯ ಈ ಯೋಜನೆಯಲ್ಲಿ ಎರಡು ಲಾಭ ಸಿಗುತ್ತದೆ: ನಿಮ್ಮ ಹೂಡಿಕೆಗೆ ಸಿಗುತ್ತದೆ 2.50ಲಕ್ಷ ರೂ.

ಅಂಚೆ ಕಚೇರಿಯ ಟೈಮ್ ಡಿಪಾಸಿಟ್ ಯೋಜನೆಯಲ್ಲಿ ಹೂಡಿಕೆ ಮಾಡುವ ಮೂಲಕ ಕೆಲವು ವರ್ಷಗಳಲ್ಲಿ ಬಡ್ಡಿಯಿಂದಲೇ ಉತ್ತಮ ಲಾಭ ಗಳಿಸಲು ಸಾಧ್ಯವೆಂದು ನಿಮಗೆ ಗೊತ್ತಿದೆಯೇ. ಈ ಯೋಜನೆಯಲ್ಲಿ, ಅಧಿಕ ಮೊತ್ತದ ಬಡ್ಡಿ ದರಗಳನ್ನು ನೀಡಲಾಗುತ್ತದೆ.

ಹೂಡಿಕೆ ಮಾಡಿ, ನಿಗದಿತ ಅವಧಿಯ ಬಳಿಕ ದೊಡ್ಡ ಮೊತ್ತವನ್ನು ಗಳಿಸಬಹುದಾದ ಹಲವು ಅಂಚೆ ಕಚೇರಿ ಯೋಜನೆಗಳಿವೆ. ಅವುಗಳಲ್ಲಿ ಅಂಚೆ ಕಚೇರಿ ಟೈಮ್ ಡಿಪಾಸಿಟ್ ಯೋಜನೆಯೂ ಒಂದು. ಈ ಯೋಜನೆಯಲ್ಲಿ ನಿಗದಿತ ಮೊತ್ತವನ್ನು ಠೇವಣಿ ಇಟ್ಟರೆ, 5 ವರ್ಷಗಳ ಬಳಿಕ ದೊಡ್ಡ ಮೊತ್ತವನ್ನು ಪಡೆಯಬಹುದು.

ಅಂಚೆ ಕಚೇರಿ ಟೈಮ್ ಡಿಪಾಸಿಟ್ ಯೋಜನೆಯಲ್ಲಿ ಹೂಡಿಕೆ ಮಾಡಲು ಬಯಸಿದರೆ, ನೀವು 5 ವರ್ಷಗಳ ಅವಧಿಗೆ ಹೂಡಿಕೆ ಮಾಡಬಹುದು. ಏಕೆಂದರೆ ಇದರಲ್ಲಿ ನಿಮಗೆ ಹೆಚ್ಚಿನ ಬಡ್ಡಿ ದರಗಳ ಲಾಭವೂ ಸಿಗುತ್ತದೆ. ಇದಲ್ಲದೆ, ತೆರಿಗೆ ವಿನಾಯಿತಿಯನ್ನೂ ಪಡೆಯಬಹುದು. ಈ ಯೋಜನೆಯಲ್ಲಿ ಒಂದೇ ಬಾರಿಗೆ ಎರಡು ಲಾಭಗಳನ್ನು ಪಡೆಯಬಹುದು.

ನಿಮ್ಮ ಹಣವನ್ನು ಹೂಡಿಕೆ ಮಾಡುವ ಮೊದಲು, ಎಷ್ಟು ಕಾಲ ಠೇವಣಿ ಇಡಬಹುದು ಎಂಬುದನ್ನೂ ನಿರ್ಧರಿಸಬೇಕು. ಟೈಮ್ ಡಿಪಾಸಿಟ್ ಯೋಜನೆಯಲ್ಲಿ ಒಂದು ವರ್ಷಕ್ಕೆ ಹೂಡಿಕೆ ಮಾಡಿದರೆ, 6.9% ಬಡ್ಡಿ ದರ ಸಿಗುತ್ತದೆ. 2 ವರ್ಷಗಳಿಗೆ ಹೂಡಿಕೆ ಮಾಡಿದರೆ, 7% ಬಡ್ಡಿ ದರ ಮತ್ತು 3 ವರ್ಷಗಳ ಹೂಡಿಕೆಗೆ 7.1% ಬಡ್ಡಿ ದರ ಸಿಗುತ್ತದೆ. ಇದಲ್ಲದೆ, 5 ವರ್ಷಗಳ ಅವಧಿಗೆ ಹೂಡಿಕೆ ಮಾಡಿದಾಗ 7.5% ಬಡ್ಡಿ ದರ ಸಿಗುತ್ತದೆ.

ಈಗ, 5 ವರ್ಷಗಳಲ್ಲಿ ₹2,24,974 ಆದಾಯವನ್ನು ಪಡೆಯಲು ಈ ಯೋಜನೆಯಲ್ಲಿ ಹೇಗೆ ಹೂಡಿಕೆ ಮಾಡುವುದು ಎಂದು ನೋಡೋಣ. 5 ವರ್ಷಗಳ ಅವಧಿಗೆ ₹5 ಲಕ್ಷ ಹೂಡಿಕೆ ಮಾಡಬೇಕು. 5 ವರ್ಷಗಳ ನಂತರ ನೀವು ಪಡೆಯುವ ಮೆಚ್ಯೂರಿಟಿ ಮೊತ್ತ ₹7,24,974 ಆಗಿರುತ್ತದೆ. ಅದರಲ್ಲಿ ಹೂಡಿಕೆ ಮಾಡಿದ ₹5 ಲಕ್ಷವನ್ನು ಕಳೆದರೆ, ಬಡ್ಡಿಯಾಗಿ ₹2,24,974 ಸಿಗುತ್ತದೆ.

ಇದಲ್ಲದೆ, ಈ ಯೋಜನೆಯಲ್ಲಿ ಹೂಡಿಕೆ ಮಾಡುವ ಮೂಲಕ ಇನ್ನೊಂದು ಲಾಭವನ್ನೂ ಪಡೆಯಬಹುದು. ಅದೇ ಆದಾಯ ತೆರಿಗೆ ವಿನಾಯಿತಿ. ಈ ಯೋಜನೆಯಲ್ಲಿ 5 ವರ್ಷಗಳ ಅವಧಿಗೆ ಹೂಡಿಕೆ ಮಾಡಿದಾಗ, ಆದಾಯ ತೆರಿಗೆ ಕಾಯ್ದೆಯ 80C ವಿಭಾಗದ ಅಡಿಯಲ್ಲಿ ತೆರಿಗೆ ವಿನಾಯಿತಿ ಪಡೆಯಬಹುದು. ಇದರಿಂದ ವರ್ಷಕ್ಕೆ ₹1.50 ಲಕ್ಷದವರೆಗೆ ತೆರಿಗೆ ಉಳಿಸಬಹುದು