ಜರ್ಮನಿ: ಜಗತ್ತನ್ನೇ ಬೆಚ್ಚಿಬೀಳಿಸಿದ ಕೋವಿಡ್ ಸೋಂಕು ವ್ಯಾಕ್ಸಿನ್ ಕೋಟ್ಯಂತರ ಜೀವಗಳನ್ನು ಉಳಿಸಿದೆ. ಈ ಲಸಿಕೆಗಳು ಎಲ್ಲರ ರೋಗನಿರೋಧಕ ಶಕ್ತಿ ಹೆಚ್ಚಿಸಲು ಸಹಾಯ ಮಾಡುತ್ತದೆ. ಇದು ನಮನ್ನು ಸೋಂಕಿಗೆ ಒಳಗಾಗಲು ಬಿಡುವುದಿಲ್ಲ. ಲಸಿಕೆ ಪ್ರಕಾರವನ್ನು ಅವಲಂಬಿಸಿ ಇವುಗಳನ್ನು ವಿವಿಧ ಪ್ರಮಾಣದಲ್ಲಿ ನೀಡಲಾಗುತ್ತದೆ. ಆದರೂ ಕೆಲವರು ಅತಿ ಜಾಗರೂಕರಾಗಿ ಹೇಳಿದ್ದಕ್ಕಿಂತ ಹೆಚ್ಚಾಗಿಯೇ ಲಸಿಕೆ ಹಾಕಿಸಿಕೊಂಡಿರುವ ಉದಾಹರಣೆಗಳು ಸಾಕಷ್ಟಿವೆ.
ಇಲ್ಲೊಬ್ಬ ಜರ್ಮನಿಯ ವ್ಯಕ್ತಿ 200ಕ್ಕಿಂತಲೂ ಅಧಿಕ ಬಾರಿ ಲಸಿಕೆ ಹಾಕಿ ಎಲ್ಲರನ್ನೂ ಬೆಚ್ಚಿ ಬೀಳಿಸುವಂತೆ ಮಾಡಿದ್ದಾರೆ. ವಿಜ್ಞಾನಿಗಳು ಆತನ ಮೇಲೆ ಅಧ್ಯಯನ ಮಾಡಿದ್ದು, ಈ ವೇಳೆ ಕೆಲವೊಂದು ಆಸಕ್ತಿದಾಯಕ ವಿಷಯಗಳನ್ನು ಕಂಡುಕೊಂಡಿದ್ದಾರೆ.
ಜರ್ಮನಿಯಲ್ಲಿ 6 ಕೋಟಿಗೂ ಅಧಿಕ ಮಂದಿ ಕೋವಿಡ್ ಲಸಿಕೆ ತೆಗೆದುಕೊಂಡಿದ್ದಾರೆ. ಆದರೂ ಅವರಲ್ಲಿ ಒಬ್ಬ ವ್ಯಕ್ತಿ ತಾನು ಲಸಿಕೆಯನ್ನು 217 ಬಾರಿ ತೆಗೆದುಕೊಂಡಿದ್ದೇನೆ ಎಂದು ಹೇಳಿದ್ದಾರೆ. ಅಧಿಕೃತ ವಿವರಗಳ ಪ್ರಕಾರ, ಆ ವ್ಯಕ್ತಿ 134 ಬಾರಿ ಲಸಿಕೆ ಹಾಕಿಸಿಕೊಂಡಿರುವುದು ತಿಳಿದುಬಂದಿದೆ. ಎರ್ಲಾಂಗೆನ್-ನರ್ನ್ಬರ್ಗ್ನಲ್ಲಿರುವ ಫ್ರೆಡ್ರಿಕ್ ಅಲೆಕ್ಸಾಂಡರ್ ವಿಶ್ವವಿದ್ಯಾಲಯದ ವಿಜ್ಞಾನಿಗಳ ತಂಡವು ಈ ವಿಚಾರ ತಿಳಿದು ಆ ವ್ಯಕ್ತಿಯನ್ನು ಸಂಪರ್ಕಿಸಿದೆ. ಹೆಚ್ಚಿನ ಪ್ರಮಾಣದ ಲಸಿಕೆಗಳು ಪ್ರತಿರಕ್ಷಣಾ ವ್ಯವಸ್ಥೆಯ ಮೇಲೆ ಯಾವ
ಸಾಮಾನ್ಯವಾಗಿ ಎಚ್ಐವಿ ಮತ್ತು ಹೆಪಟೈಟಿಸ್ ಬಿ ಯಂತಹ ದೀರ್ಘಕಾಲದ ಸೋಂಕುಗಳಿರುವವರು ನಿಯಮಿತ ವ್ಯಾಕ್ಸಿನೇಷನ್ಗಳನ್ನು ಪಡೆದರೆ ಅವು ಸಾಮಾನ್ಯವಾಗಿ ಪ್ರಭಾವ ಬೀರಬಹುದು. ಹಿಂದಿನ ಅಧ್ಯಯನಗಳು ಪುನರಾವರ್ತಿತ ಲಸಿಕೆಗಳು ಪ್ರತಿರಕ್ಷಣಾ ವ್ಯವಸ್ಥೆಯ T- ತರಹದ ಕೋಶಗಳನ್ನು ಆಯಾಸಗೊಳಿಸಬಹುದು ಎಂದು ತೋರಿಸಿವೆ. ಇದರಿಂದಾಗಿ ಅವು ಕಡಿಮೆ ಉರಿಯೂತದ ವಸ್ತುಗಳನ್ನು ಬಿಡುಗಡೆ ಮಾಡುತ್ತವೆ. ಪರಿಣಾಮವಾಗಿ, ಪ್ರತಿರಕ್ಷಣಾ ವ್ಯವಸ್ಥೆಯು ದುರ್ಬಲಗೊಳ್ಳುತ್ತದೆ ಮತ್ತು ರೋಗಕಾರಕಗಳ ವಿರುದ್ಧ ಪರಿಣಾಮಕಾರಿಯಾಗಿ ಹೋರಾಡಲು ಸಾಧ್ಯವಿಲ್ಲ. ಆದರೆ, ಇತ್ತೀಚಿನ ಅಧ್ಯಯನದಲ್ಲಿ ಅಂತಹ ಯಾವುದೇ ಸೂಚನೆ ಕಂಡುಬಂದಿಲ್ಲ ಎಂದು ಸಂಶೋಧಕರು ಬಹಿರಂಗಪಡಿಸಿದ್ದಾರೆ.
ನಮ್ಮ ಅಧ್ಯಯನವು ವ್ಯಕ್ತಿಯ ದೇಹ ಕೋವಿಡ್ ವಿರುದ್ಧ ಹೋರಾಡುವ ಹೆಚ್ಚಿನ ಸಂಖ್ಯೆಯ ಟಿ-ಕೋಶಗಳನ್ನು ಹೊಂದಿದೆ ಎಂದು ತೋರಿಸಿದೆ. ಅವರು ದಣಿದಂತೆ ಕಾಣಲಿಲ್ಲ. ಈ ವ್ಯಕ್ತಿಯಲ್ಲಿನ ಟಿ-ಕೋಶಗಳು ಸಾಮಾನ್ಯ ಸಂಖ್ಯೆಯ ಲಸಿಕೆಗಳನ್ನು ಪಡೆದವರಂತೆ ಪರಿಣಾಮಕಾರಿಯಾಗಿ ಕಾರ್ಯನಿರ್ವಹಿಸುತ್ತಿದ್ದವು. ಒಟ್ಟಾರೆಯಾಗಿ, ಅವರ ರೋಗನಿರೋಧಕ ಶಕ್ತಿ ದುರ್ಬಲಗೊಂಡಿರುವ ಯಾವುದೇ ಲಕ್ಷಣಗಳನ್ನು ನಾವು ನೋಡಲಿಲ್ಲ. ಇದು ಸಹಜ ಸ್ಥಿತಿಯಲ್ಲಿದೆ ಎಂದು ವಿಜ್ಞಾನಿಗಳು ತಿಳಿಸಿದ್ದಾರೆ.
.png)
