ಟಿಕ್ಟಾಕ್ ವಿಡಿಯೋದಿಂದ ಕೈಹಿಡಿದ ಅದೃಷ್ಟ:
ಜಾಹೀರಾತಿಗೆ ಆಹ್ವಾನ: ತಮ್ಮ ಮನೆಯ ಲಿವಿಂಗ್ ರೂಮ್ನ ವಿವಿಧ ಗೋಡೆಗಳ ಭಾಗಗಳನ್ನು ತೋರಿಸಿ, ಬ್ರ್ಯಾಂಡ್ಗಳ ಲೋಗೋ ಹಾಕಲು ಸ್ಥಳಾವಕಾಶವಿದೆ ಎಂದು ಶೈಲಾ ಟಿಕ್ಟಾಕ್ನಲ್ಲಿ ವಿಡಿಯೋ ಹಂಚಿಕೊಂಡಿದ್ದರು. ಗೋಡೆಯ ಮೇಲೆ ಲೋಗೋ ಅಂಟಿಸುವುದರ ಜೊತೆಗೆ, ತಮ್ಮ ವಿಡಿಯೋಗಳಲ್ಲಿ ಆ ಕಂಪನಿಗಳ ಹೆಸರನ್ನು ಉಲ್ಲೇಖಿಸುವುದಾಗಿ (Mention) ಆಫರ್ ನೀಡಿದ್ದರು.
ವಿಡಿಯೋ ಡಿಲೀಟ್ ಮಾಡಲು ಮುಂದಾಗಿದ್ದ ಯುವತಿ: ಆರಂಭದಲ್ಲಿ ಶೈಲಾ ಹಾಕಿದ ಮೊದಲ ವಿಡಿಯೋಗೆ ಯಾವುದೇ ವೀಕ್ಷಣೆಗಳು ಬಾರದ ಕಾರಣ ನಿರಾಶೆಗೊಂಡು ಅದನ್ನು ಡಿಲೀಟ್ ಮಾಡಲು ಮುಂದಾಗಿದ್ದರು. ಆದರೆ, ಸಹೋದರನ ಸಲಹೆಯ ಮೇರೆಗೆ ರಾತ್ರಿಯಿಡೀ ವಿಡಿಯೋವನ್ನು ಹಾಗೆಯೇ ಬಿಟ್ಟಿದ್ದರು. ಬೆಳಿಗ್ಗೆಯಾಗುವಷ್ಟರಲ್ಲಿ ಆ ವಿಡಿಯೋ ಲಕ್ಷಾಂತರ ಜನರನ್ನು ತಲುಪಿ ವೈರಲ್ ಆಗಿದ್ದು, ಹಲವು ಉದ್ಯಮಗಳಿಂದ ವಿಚಾರಣೆಗಳು ಬರಲಾರಂಭಿಸಿದವು.
ಸಣ್ಣ ಉದ್ಯಮಗಳಿಂದ ದಿಗ್ಗಜ ಬ್ರ್ಯಾಂಡ್ಗಳವರೆಗೆ ವಿಸ್ತರಣೆ:
ಜಾಹೀರಾತು ದರ ಎಷ್ಟು? ಕುಟುಂಬದ ಪ್ರತಿಕ್ರಿಯೆ ಏನಿತ್ತು?
ದರ ವಿವರ: ಗೋಡೆಯ ಗಾತ್ರ ಮತ್ತು ಆಯ್ಕೆ ಮಾಡುವ ಸ್ಥಳಕ್ಕೆ ಅನುಗುಣವಾಗಿ $50 ರಿಂದ $2,000 (ಸುಮಾರು ₹4,600 ರಿಂದ ₹1.85 ಲಕ್ಷ) ವರೆಗೆ ಶುಲ್ಕ ವಿಧಿಸಲಾಗುತ್ತದೆ. ಇದರಿಂದ ಸಣ್ಣ ಮತ್ತು ದೊಡ್ಡ ಉದ್ಯಮಗಳಿಗೆ ತಮ್ಮ ಬಜೆಟ್ಗೆ ತಕ್ಕಂತೆ ಸ್ಥಳ ಆಯ್ಕೆ ಮಾಡಿಕೊಳ್ಳಲು ಸಾಧ್ಯವಾಗಿದೆ.
ತಾಯಿಯ ವಿರೋಧ ಮತ್ತು ಬೆಂಬಲ: ಆರಂಭದಲ್ಲಿ ಮನೆಯ ಲಿವಿಂಗ್ ರೂಮ್ ಗೋಡೆಗಳನ್ನು ಜಾಹೀರಾತಿಗೆ ನೀಡಲು ಶೈಲಾ ಅವರ ತಾಯಿ ತೀವ್ರ ವಿರೋಧ ವ್ಯಕ್ತಪಡಿಸಿದ್ದರು. ಆದರೆ ವಿಡಿಯೋಗಳು ವೈರಲ್ ಆಗಿ ಕೈತುಂಬಾ ಆದಾಯ ಬರಲಾರಂಭಿಸಿದ ಬಳಿಕ ತಾಯಿಯೂ ಮನಸ್ಸು ಬದಲಿಸಿ, ಮನೆಯಲ್ಲಿ ಜಾಹೀರಾತಿಗೆ ಬಳಸಬಹುದಾದ ಇನ್ನಷ್ಟು ಸ್ಥಳಗಳನ್ನು ಗುರುತಿಸಲು ಮಗಳಿಗೆ ನೆರವಾದರು.
