'ಎ.26ರಂದು ನನ್ನ ವಿವಾಹ, ದಯವಿಟ್ಟು ನನ್ನನ್ನು ಕರೆದುಕೊಂಡು ಹೋಗು': ಪ್ರೇಯಸಿಯಿಂದ ಪ್ರೇಮಿಗೆ 10 ರೂ. ನೋಟಿನಲ್ಲಿ ಸಂದೇಶ!
4/20/2022 09:18:00 PM
ಹೈದರಾಬಾದ್: ಯುವತಿಯೋರ್ವಳು ತನ್ನ ಪ್ರೇಮಿಗೆ 10 ರೂ. ನೋಟಿನಲ್ಲಿ ಬರೆದು ರವಾನಿಸಿರುವ ಪ್ರೇಮ ಸಂದೇಶವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್ ಆಗಿದ್ದು, ನೆಟ್ಟಿಗರಿಂದ ಇದಕ್ಕೆ ವಿವಿಧ ರೀತಿಯ ಅಭಿಪ್ರಾಯ ಬರುತ್ತಿದೆ.
ಇದು ಕುಸುಮ್ ಎಂಬ ಯುವತಿ ತನ್ನ ಪ್ರಿಯಕರ ವಿಶಾಲ್ಗೆ ಈ ಸಂದೇಶವನ್ನು ಬರೆದಿದ್ದಾಳೆ. ಆಕೆ ನೋಟಿನಲ್ಲಿ ''ವಿಶಾಲ್, ಮೇರಿ ಶಾದಿ ಎಪ್ರಿಲ್ 26ಕೋ ಹೈ. ಮುಝೇ ಭಾಗ್ ಕೇ ಲೇ ಜಾನಾ. ತುಮ್ಹಾರಿ ಕುಸುಮ್'(ವಿಶಾಲ್ ನಾನು ಎಪ್ರಿಲ್ 26ರಂದು ಮದುವೆಯಾಗುತ್ತಿದ್ದೇನೆ. ದಯವಿಟ್ಟು ನನ್ನನ್ನು ನಿನ್ನೊಂದಿಗೆ ಕರೆದುಕೊಂಡು ಹೋಗು. ನಾನು ನಿನ್ನನ್ನು ಪ್ರೀತಿಸುತ್ತೇನೆ. ನಿನ್ನ ಕುಸುಮ್) ಎಂದು ಬರೆದಿದ್ದಾಳೆ.
ಇದೀಗ ಈ ನೋಟು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದ್ದಂತೆ ಅನೇಕರು ಲೈಕ್ ಮಾಡಿದ್ದು, ವಿವಿಧ ತರಹದ ಅಭಿಪ್ರಾಯ ವ್ಯಕ್ತವಾಗುತ್ತಿದೆ.
