ಬೃಹತ್ ಗಾತ್ರದ ಮೀನು ಹೊಟ್ಟೆಗೆ ಇರಿದು ಮೀನುಗಾರ ಸಾವು

ಓದುಗರ ಗಮನಕ್ಕೆ

ಓದುಗರ ಗಮನಕ್ಕೆ ಇಮುಂಗಾರು ವೆಬ್ಸೈಟ್‌ನಲ್ಲಿ ಪ್ರಕಟವಾಗುವ ಸುದ್ದಿಗಳಲ್ಲಿ ಯಾವುದೇ ಸಲಹೆಗಳಿದ್ದರೆ, ಅವುಗಳನ್ನು ಪಾಲಿಸುವ ಮುಂಚೆ ತಜ್ಞರ ಸಲಹೆಯಿಂದ ಕರಾರುವಕ್ಕಾಗಿ ಪರಿಶೀಲಿಸಿ. ಇಮುಂಗಾರು ಸಂಸ್ಥೆಯು ಯಾವುದೇ ಹಣಕಾಸಿನ ವ್ಯವಹಾರಗಳಲ್ಲಿ ತೊಡಗಿಸಿಕೊಳ್ಳುವುದಿಲ್ಲ. ಯಾವುದೇ ಹಣಕಾಸಿನ ವ್ಯವಹಾರಗಳಿಗೆ ಸಂಬಂಧಿಸಿದಂತೆ ನಮ್ಮ ಸಂಸ್ಥೆಯು ಯಾವುದೇ ಜವಾಬ್ದಾರಿಯನ್ನು ಹೊಂದಿರುವುದಿಲ್ಲ. ನಾವು ಸುದ್ದಿಗಳನ್ನು ವಾಟ್ಸಾಪ್‌ನಲ್ಲಿ ಶೇರ್ ಮಾಡುವಾಗ ಜಾಹೀರಾತು ರೂಪದಲ್ಲಿ ಮೂರನೇ ವಾಟ್ಸಾಪ್ ಗ್ರೂಪ್ ಇನ್ವೈಟ್ ಲಿಂಕ್‌ಗಳನ್ನು ಸೇರಿಸಬಹುದು, ಆದರೆ ಇದಕ್ಕೆ ನಮ್ಮ ಸಂಸ್ಥೆಗೆ ಯಾವುದೇ ಸಂಬಂಧವಿಲ್ಲ.

Friday, February 4, 2022

ವಿಶಾಖಪಟ್ಟಣ: ಬೃಹತ್ ಗಾತ್ರದ ಮೀನೊಂದು ಮೀನುಗಾರನೋರ್ವನ ಹೊಟ್ಟೆಗೆ ಇರಿದ ಪರಿಣಾಮ ಆತ ಸ್ಥಳದಲ್ಲೇ ಮೃತಪಟ್ಟ ಘಟನೆ ವಿಶಾಖಪಟ್ಟಣಂನಲ್ಲಿ ಘಟನೆ ನಡೆದಿದೆ.

ಮೀನುಗಾರ ಎನ್. ಜೋಗಣ್ಣ ಮೃತಪಟ್ಟ ದುರ್ದೈವಿ.

ಮೀನುಗಾರ ಜೋಗಣ್ಣ ಮುತ್ಯಾಲಮ್ಮ ಪಾಲೆಂ ಕರಾವಳಿಯ ಆಳ ಸಮುದ್ರದಲ್ಲಿ ಮೀನು ಹಿಡಿಯುವ ಕಾರ್ಯದಲ್ಲಿ ನಿರತರಾಗಿದ್ದರು. ಈ ವೇಳೆ ಅವರು ಹಾಕಿರುವ ಬಲೆಗೆ 70 ಕೆ.ಜಿ ತೂಕದ ಕೊಮ್ಮು ಕೋಣಂ(ಬ್ಲ್ಯಾಕ್ ಮರ್ಲಿನ್) ಮೀನು ಸಿಲುಕಿಕೊಂಡಿದೆ. ಈ ಬೃಹತ್ ಗಾತ್ರದ ಮೀನನ್ನು ದೋಣಿಗೆ ಎಳೆದು ಹಾಕಲು ಸಾಧ್ಯವಾಗದೆ ಜೋಗಣ್ಣ ಉಳಿದ ಮೀನುಗಳನ್ನು ದೋಣಿಗೆ ಸಾಗಿಸಲು ಯತ್ನಿಸಿದ್ದಾರೆ. ಈ ವೇಳೆ ಚೂಪಾದ ಕೊಕ್ಕೆಯುಳ್ಳ ಈ ಕೊಮ್ಮಕೋಣಂ ಮೀನು ಜೋಗಣ್ಣನ ಹೊಟ್ಟೆಗೆ ಇರಿದಿದೆ. ಮೀನು ಚುಚ್ಚಿರುವ ರಭಸಕ್ಕೆ ಜೋಗಣ್ಣ ಸ್ಥಳದಲ್ಲಿಯೇ ಮೃತಪಟ್ಟಿದ್ದಾರೆ.

ತಕ್ಷಣ ಉಳಿದ ಮೀನುಗಾರರು ಅವರ ಮೃತದೇಹವನ್ನು ದಡಕ್ಕೆ ತಂದಿದ್ದು, ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ. ಈ ಬಗ್ಗೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ನಡೆಸುತ್ತಿದ್ದಾರೆ.