ಲಿಪ್ ಲಾಕ್ ದೃಶ್ಯಕ್ಕೆ ದುಪ್ಪಟ್ಟು ಸಂಭಾವನೆ ಪಡೆದ ಮಲಯಾಳಂ ಬೆಡಗಿ ಅನುಪಮಾ ಪರಮೇಶ್ವರನ್

ಹೈದರಾಬಾದ್​: ತಮ್ಮ ಸಿನಿಮಾ ಅಭಿನಯದ ಕೆರಿಯರ್ ನಲ್ಲಿಯೇ ಇದುವರೆಗೂ ಬೋಲ್ಡ್​ ದೃಶ್ಯಗಳಲ್ಲಿ ಕಾಣಿಸಿಕೊಳ್ಳದ ಮಲಯಾಳಂ ಬೆಡಗಿ ಅನುಪಮಾ ಪರಮೇಶ್ವರನ್, ತೆಲುಗಿನ “ರೌಡಿ ಬಾಯ್ಸ್​​” ಸಿನಿಮಾದಲ್ಲಿ ಬಹಳ ಬೊಲ್ಡ್​ ಆಗಿ ಅಭಿನಯಿಸಿದ್ದಾರೆ. ಈ ಸಿನಿಮಾದಲ್ಲಿ ಅವರು ಎಲ್ಲಾ ಕಟ್ಟುಪಾಡುಗಳನ್ನು ಬದಿಗಿಟ್ಟು ಹೊಸ ಹೀರೋ ಜೊತೆಗೆ ರೊಮ್ಯಾಂಟಿಕ್ ದೃಶ್ಯದಲ್ಲಿ ನಟಿಸುವುದರ ಮೂಲಕ ಎಲ್ಲರ ಹುಬ್ಬೇರಿಸಿದ್ದಾರೆ. 

ಇತ್ತೀಚೆಗಷ್ಟೇ ಅನುಪಮಾ ಪರಮೇಶ್ವರನ್ ಅಭಿನಯದ 'ರೌಡಿ ಬಾಯ್ಸ್​' ಸಿನಿಮಾ ಬಿಡುಗಡೆಯಾಗಿದ್ದು, ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಈ ಸಿನಿಮಾದಲ್ಲಿ ಅನುಪಮಾ ಲಿಪ್​ಲಾಕ್​ ದೃಶ್ಯದಲ್ಲಿ ಮೈಚಳಿ ಬಿಟ್ಟು ನಟಿಸಿದ್ದಾರೆ. ಇದೇ ಮೊದಲ ಬಾರಿಗೆ ಅನುಪಮಾ ಲಿಪ್​ಲಾಕ್ ಮಾಡಿದ್ದು, ಇದಕ್ಕಾಗಿ ಭಾರೀ ಮೊತ್ತದ ಸಂಭಾವನೆಯನ್ನು ಪಡೆದುಕೊಂಡಿದ್ದಾರೆ ಎನ್ನಲಾಗುತ್ತಿದೆ. 

ಮೂಲಗಳ ಪ್ರಕಾರ ಈ ಸಿನಿಮಾಕ್ಕಾಗಿ ಅನುಪಮಾ ಪರಮೇಶ್ವರನ್ 50 ಲಕ್ಷ ರೂ. ಸಂಭಾವನೆಯನ್ನು ಪಡೆದಿದ್ದಾರಂತೆ. ಈ ಮೊದಲು ಅವರು ಒಂದು ಸಿನಿಮಾಕ್ಕೆ 20 ರಿಂದ 25 ಲಕ್ಷ ರೂ. ಸಂಭಾವನೆ ಪಡೆಯುತ್ತಿದ್ದರು. ಆದರೆ ಇದೀಗ ಅನುಪಮಾ ಈ ಸಿನಿಮಾಕ್ಕೆ ದುಪ್ಪಟ್ಟು​ ಸಂಭಾವನೆ ಪಡೆದುಕೊಂಡಿದ್ದಾರೆ. 

ಇನ್ನು ಅನುಪಮಾ ಲಿಪ್​ಲಾಕ್​ ದೃಶ್ಯ ನೋಡಿ ಅಭಿಮಾನಿಗಳ ಹೃದಯ ಬಿರಿಯುವಂತಾಗಿದೆ. ಅನುಪಮಾರನ್ನು ಅಭಿಮಾನಿಗಳು ಯಾವಾಗಲೂ ಪಕ್ಕದ ಮನೆ ಹುಡುಗಿಯ ಹಾಗೇ ಕಾಣುತ್ತಿದ್ದರು. ಎಲ್ಲೂ ಅವರು ತಮ್ಮ ಗ್ಲಾಮರ್​ ಅನ್ನು ಹೆಚ್ಚಾಗಿ ಪ್ರದರ್ಶಿಸದೆ ಸಹಜ ಅಭಿನಯದಿಂದಲೇ ಮನೆ ಮಾತಾಗಿದ್ದರು. ಆದರೆ ಇದೀಗ ಈ ಸಿನಿಮಾದಲ್ಲಿ ಗ್ಲಾಮರಸ್​ ಆಗಿ ಕಾಣಿಸಿಕೊಂಡಿದ್ದಾರೆ. ಅಲ್ಲದೆ, ಹೀರೋ ಜೊತೆಗೆ ಲಿಪ್​ಲಾಕ್​ ಮಾಡಿರುವುದು ಅನುಪಮಾ ಅಭಿಮಾನಿಗಳಿಗೆ ಬೇಸರ ತರಿಸಿದ್ದು, ಇದೆಲ್ಲ 'ಏನಮ್ಮಾ ಅನುಪಮಾ?' ಎಂದು ಪ್ರಶ್ನಿಸುತ್ತಿದ್ದಾರೆ.