ಪ್ರೀತಿಸಿದ ಹುಡುಗಿಗೆ ಹೀಗಾ ಮಾಡೋದು? ಲಾಡ್ಜ್ ನಲ್ಲಿ ಕೂಡಿ ಹಾಕಿ...

ಉತ್ತರ ಕನ್ನಡ : ಪತಿಯಿಂದ ದೂರವಾಗಿದ್ದ ಮಹಿಳೆಯನ್ನು ಪ್ರೀತಿಸುತ್ತಿದ್ದ ಯುವಕನೆ ಆಕೆಯ ಚಿನ್ನಾಭರಣ ಕದ್ದೊಯ್ದ ಘಟನೆ ಉತ್ತರಕನ್ನಡ ಜಿಲ್ಲೆಯಲ್ಲಿ ನಡೆದಿದೆ.

ಪತಿಯಿಂದ ದೂರವಾಗಿದ್ದ ಮಹಿಳೆಯನ್ನು ಈತ ಪ್ರವಾಸಕ್ಕೆ ಕರೆತಂದಿದ್ದ . ಆಕೆಯನ್ನು ಲಾಡ್ಜ್ ನ  ರೂಮಿನಲ್ಲಿ ಕೂಡಿ ಹಾಕಿ ಚಿನ್ನಾಭರಣ , ಮೊಬೈಲ್ ಮತ್ತು ಬ್ಯಾಗ್ ಜೊತೆಗೆ ಪರಾರಿಯಾಗಿದ್ದಾನೆ . 

ಬೆಳಗಾವಿ ಜಿಲ್ಲೆ ಚಿಕ್ಕೋಡಿಯ ಮಹಿಳೆ ಮತ್ತು ಪುಣೆ ಮೂಲದ ವ್ಯಕ್ತಿ ನಡುವಿನ ಪರಿಚಯ ಪ್ರೇಮಕ್ಕೆ ತಿರುಗಿದ ಬಳಿಕ ನಡೆದ ಘಟನೆಯಿದು . ಆಕೆಯನ್ನು ಮದುವೆ ಆಗುವುದಾಗಿ ಸಹ ಆತ ನಂಬಿಸಿದ್ದನು . 

ಬುಧವಾರ ಇವರು ಪ್ರವಾಸಕ್ಕೆ ಬಂದಿದ್ದು ಗೋಕರ್ಣದ ರಥಬೀದಿಯ ಲಾಡ್ಜ್ ನಲ್ಲಿ ಕೊಠಡಿ ಬಾಡಿಗೆ ಪಡೆದು ವಾಸವಿದ್ದರು . ರಾತ್ರಿ  ಮದ್ಯಪಾನ ನಶೆಯಲ್ಲಿ ಮಹಿಳೆ ಮಲಗಿದ ವೇಳೆ ಆಕೆಯ ಹತ್ತಿರವಿದ್ದ 1.52  ಲಕ್ಷ ರೂ . ಮೌಲ್ಯದ 35 ಗ್ರಾಂ ತೂಕದ ಮಂಗಳಸೂತ್ರ , ಎರಡು ಕಿವಿ ಓಲೆ , 15 ಸಾವಿರ ರೂಪಾಯಿ ನಗದು , ಮೊಬೈಲ್ ಫೋನ್ ಇದ್ದ ಬ್ಯಾಗ್ ಅನ್ನು ಕದ್ದೋಯ್ದಿದ್ದಾನೆ.   ಕೊಠಡಿ ಬೀಗ ಹಾಕಿ ಈತ ಪರಾರಿಯಾಗಿದ್ದಾನೆ.