-->

ಆರ್ಯನ್ ಖಾನ್ ಗೆ ಡ್ರಗ್ಸ್ ಸರಬರಾಜು ಮಾಡಿರುವ ಸ್ಪೋಟಕ ಮಾಹಿತಿ ವಾಟ್ಸ್ಆ್ಯಪ್ ಸಂದೇಶದಿಂದ ಬಹಿರಂಗ? : ಅನನ್ಯಾ ಪಾಂಡೆಗೆ ಸಂಕಷ್ಟ

ಆರ್ಯನ್ ಖಾನ್ ಗೆ ಡ್ರಗ್ಸ್ ಸರಬರಾಜು ಮಾಡಿರುವ ಸ್ಪೋಟಕ ಮಾಹಿತಿ ವಾಟ್ಸ್ಆ್ಯಪ್ ಸಂದೇಶದಿಂದ ಬಹಿರಂಗ? : ಅನನ್ಯಾ ಪಾಂಡೆಗೆ ಸಂಕಷ್ಟ

ಮುಂಬೈ: ಡ್ರಗ್ಸ್ ಪ್ರಕರಣದಲ್ಲಿ‌ ಸಿಲುಕಿ ಜೈಲು ಪಾಲಾಗಿರುವ ಶಾರುಖ್ ಖಾನ್ ಪುತ್ರ ಆರ್ಯನ್ ಖಾನ್ ಪ್ರಕರಣದ ಬೆನ್ನಲ್ಲೇ ಇದೀಗ ಮತ್ತೊಬ್ಬ ಬಾಲಿವುಡ್​ ನಟ ಚಂಕಿ ಪಾಂಡೆ ಪುತ್ರಿ ನಟಿ ಅನನ್ಯಾ ಪಾಂಡೆಯನ್ನು ಎನ್​ಸಿಬಿ ವಶಕ್ಕೆ ತೆಗೆದುಕೊಂಡು ವಿಚಾರಣೆ ನಡೆಸುತ್ತಿದೆ. 

ವಿಚಾರಣೆಯ ಸಂದರ್ಭದಲ್ಲಿ ಅನನ್ಯಾ ಪಾಂಡೆ ನ್ಯಾಯಾಂಗ ಬಂಧನದಲ್ಲಿರುವ ಶಾರುಖ್​ ಪುತ್ರ ಆರ್ಯನ್​ ಖಾನ್​ಗೆ ಗಾಂಜಾ ಒದಗಿಸುದಾಗಿ ಹೇಳಿದ್ದಳು ಎಂಬುದು ವಾಟ್ಸ್ಆ್ಯಪ್​ ಸಂದೇಶದಿಂದ ಮಾಹಿತಿ ಲಭಿಸಿದೆ ಎನ್ನಲಾಗಿದೆ. ಬಂಧಿತ ಆರ್ಯನ್​ ಖಾನ್​ನ ವಾಟ್ಸ್ಆ್ಯಪ್​ ಸಂಭಾಷಣೆಗಳ ಆಧಾರದ ಮೇಲೆ ತನಿಖೆ ಮುಂದುವರೆಸಿರುವ ಎನ್​ಸಿಬಿ ಅಧಿಕಾರಿಗಳಿಗೆ, ಅನನ್ಯಾರಿಂದ ಆರ್ಯನ್​ ಖಾನ್ ಡ್ರಗ್ಸ್​ ಪಡೆಯುವ ಬಗ್ಗೆ ಮಾತನಾಡಿರುವ ಮಾಹಿತಿ ಲಭ್ಯವಾಗಿದೆ. 

ಒಂದು ಸಂಭಾಷಣೆಯಲ್ಲಿ ಆರ್ಯನ್​ ಖಾನ್ 'ಗಾಂಜಾ ಪಡೆಯಲು ಏನಾದರೂ ‘ಜುಗಾಡ್​’ ಮಾಡಲು ಸಾಧ್ಯವೇ' ಎಂದು ಅನನ್ಯಾರಲ್ಲಿ ಕೇಳಿದ್ದಾನೆ. ಅದಕ್ಕೆ ಅನನ್ಯಾ, ‘ಅರೇಂಜ್​ ಮಾಡುವೆ’ ಎಂದು ಹೇಳಿದ್ದಾಳೆ ಎಂದು ಎನ್​ಸಿಬಿ ಮೂಲಗಳು ತಿಳಿಸಿರುವುದಾಗಿ ವರದಿಯಾಗಿದೆ.

ಅನನ್ಯಾರ ವಿಚಾರಣೆ ನಡೆಸುತ್ತಿರುವ ಎನ್​ಸಿಬಿ ಅಧಿಕಾರಿಗಳು ಈ ಬಗ್ಗೆ ಆಕೆಯನ್ನು ವಿವಿಧ ರೀತಿಯಲ್ಲಿ ಪ್ರಶ್ನಿಸುತ್ತಿದ್ದಾರೆ. ಅನನ್ಯಾ ಪಾಂಡೆ, ಆರ್ಯನ್​ಗೆ ಡ್ರಗ್ಸ್​ ಒದಗಿಸಿದ್ದಕ್ಕೆ ಸದ್ಯಕ್ಕೆ ಮತ್ತೆ ಯಾವುದೇ ಪುರಾವೆಗಳು ಲಭ್ಯವಾಗದಿದ್ದರೂ, ಇನ್ನೂ ಕೆಲವು ಸಂಭಾಷಣೆಗಳಲ್ಲಿ ಇಬ್ಬರೂ ಡ್ರಗ್ಸ್​ ಬಗ್ಗೆ ಮಾತನಾಡಿದ್ದಾರೆ ಎಂದು ವರದಿಗಳು ತಿಳಿಸಿವೆ. 

ಅಲ್ಲದೆ, ಆರ್ಯನ್​ ಖಾನ್​ ಜಾಮೀನು ಅರ್ಜಿಯನ್ನು ತಿರಸ್ಕರಿಸಿರುವ ಎನ್​ಡಿಪಿಎಸ್​ ವಿಶೇಷ ನ್ಯಾಯಾಲಯ, ಅಕ್ಟೋಬರ್​ 30 ರವರೆಗೆ ಆತನಿಗೆ ನ್ಯಾಯಾಂಗ ಬಂಧನದಲ್ಲಿರಿಸುವಂತೆ ಆದೇಶಿಸಿದೆ ಎನ್ನಲಾಗಿದೆ.

Ads on article

Advertise in articles 1

advertising articles 2

Advertise under the article