ಮದುವೆಯಾದ ಒಂದೇ ತಿಂಗಳಿಗೆ ಅನುಮಾನದ ಪಿಶಾಚಿ ಪತಿಯಿಂದ ದುರಂತ ಅಂತ್ಯಕಂಡಳು ಪತ್ನಿ: ಸಾಫ್ಟ್ವೇರ್ ಗಂಡನ ಪೈಶಾಚಿಕ ಕೃತ್ಯ!
9/28/2021 07:52:00 AM
ತೆಲಂಗಾಣ: ಅನುಮಾನದ ಪಿಶಾಚಿ ಸಾಫ್ಟ್ವೇರ್ ಪತಿಯೋರ್ವನು ಮದುವೆಯಾದ ಒಂದೇ ತಿಂಗಳಿಗೆ ಪತ್ನಿಯನ್ನು ಚೂರಿಯಿಂದ ಕತ್ತು ಕೊಯ್ದು ಬರ್ಬರವಾಗಿ ಹತ್ಯೆ ಮಾಡಿರುವ ಘಟನೆ ತೆಲಂಗಾಣದ ಮೇಡ್ಚಲ್-ಮಲ್ಕಾಜಗಿರಿ ಜಿಲ್ಲೆಯ ಬಚುಪಲ್ಲಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಶನಿವಾರ ನಡೆದಿದೆ.
ಕಾಮರೆಡ್ಡಿ ಜಿಲ್ಲೆಯ ತಿಮ್ಮಾಪ್ಪೂರ್ ಗ್ರಾಮದ ಮೂಲದವಳಾದ ಸುಧಾರಾಣಿ ಕೊಲೆಯಾದ ನವವಿವಾಹಿತೆ. ಸಾಫ್ಟ್ವೇರ್ ಇಂಜಿನಿಯರ್ ಪತಿ ಕಿರಣ್ ಕುಮಾರ್ ಕೊಲೆಗೈದ ಆರೋಪಿ.
ಮದುವೆಯಾದ ಕೇವಲ 28 ದಿನಕ್ಕೆ ಆಕೆ ದುರಂತ ಅಂತ್ಯ ಕಂಡಿರೋದು ಅತ್ಯಂತ ದುರಾದೃಷ್ಟಕರ. ಸುಧಾರಾಣಿಯನ್ನು ಸಾಫ್ಟ್ವೇರ್ ಇಂಜಿನಿಯರ್ ಉದ್ಯೋಗಿ ಕಿರಣ್ ಕುಮಾರ್ ಗೆ ವಿವಾಹ ಮಾಡಿಕೊಡಲಾಗಿತ್ತು. ಈತ ಹೈದರಾಬಾದ್ನ ಪ್ರಗತಿ ನಗರದ ಶ್ರೀಶೈದ್ವಾರಕ ಅಪಾರ್ಟ್ಮೆಂಟ್ನಲ್ಲಿ ಫ್ಲ್ಯಾಟ್ ನಲ್ಲಿ ವಾಸ್ತವ್ಯವಿದ್ದನು. ಅದೇ ಮನೆಯಲ್ಲಿ ಆತ ಪತ್ನಿಯನ್ನು ಕೊಲೆಗೈದಿದ್ದ.
ಮಗಳನ್ನು ನೋಡಲು ಹೈದರಾಬಾದ್ಗೆ ಬಂದ ಸುಧಾರಣಿ ಪಾಲಕರು ಶನಿವಾರ 3.30ರ ಸುಮಾರಿಗೆ ಪ್ರಗತಿ ನಗರದ ಅಳಿಯ ಅಪಾರ್ಟ್ಮೆಂಟ್ ಗೆ ಬಂದಿದ್ದಾರೆ. ಆದರೆ ಕಾಲಿಂಗ್ ಬೆಲ್ ಮಾಡಿದರೂ ಯಾರೂ ಬಾಗಿಲು ತೆರೆಯದಿರುವುದನ್ನು ಕಂಡು ಮಗಳ ಮೊಬೈಲ್ ಫೋನ್ ಗೆ ಕರೆ ಮಾಡಿದ್ದಾರೆ. ಆದರೆ ಮಗಳ ಕರೆ ಸ್ವೀಕರಿಸದಿರುವುದಿರುವುದರಿಂದ ಪಾಲಕರು ಅನುಮಾನಗೊಂಡು ಸ್ಥಳೀಯ ಪೊಲೀಸ್ ಠಾಣೆಗೆ ಮಾಹಿತಿ ನೀಡಿದ್ದಾರೆ.
ಪೊಲೀಸರು ಬಾಗಿಲು ಮುರಿದು ಒಳಗೆ ಹೋಗಿ ನೋಡಿದಾಗ ಸುಧಾರಾಣಿ ಕತ್ತು ಕೊಯ್ದುಕೊಂಡು ರಕ್ತದ ಮಡುವಿನಲ್ಲಿ ಬಿದ್ದು ಮೃತಪಟ್ಟಿದ್ದಳು. ಕಿರಣ್ ಕೂಡ ಕೂಡಾ ಕತ್ತು ಸೀಳಿಕೊಂಡು ಉಸಿರಾಟದ ತೊಂದರೆಯಿಂದ ಒದ್ದಾಡುತ್ತಿದ್ದ. ತಕ್ಷಣ ಪೊಲೀಸರು ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಪತ್ನಿ ಸುಧಾರಾಣಿಯ ಕತ್ತು, ಕಾಲು ಮತ್ತು ತೋಳುಗಳಿಗೆ ಚಾಕುವಿನಿಂದ ಇರಿದು ಪತಿ ಕಿರಣ್ ಕೊಲೆ ಮಾಡಿದ್ದಾನೆ.
ಎರಡು ವಾರಗಳ ಹಿಂದಷ್ಟೇ ಈ ಅಪಾರ್ಟ್ಮೆಂಟ್ಗೆ ಶಿಫ್ಟ್ ಆಗಿದ್ದರು. ಆಗಿನಿಂದಲೂ ಅವರಿಬ್ಬರೂ ಯಾರೊಂದಿಗೂ ಹೆಚ್ಚು ಮಾತನಾಡುತ್ತಿರಲಿಲ್ಲ, ಬೆರೆಯುತ್ತಿರಲಿಲ್ಲ ಎಂದು ನೆರೆಹೊರೆಯವರು ತಿಳಿಸಿದ್ದಾರೆ.
ಶನಿವಾರ ಮಧ್ಯಾಹ್ನ 2 ರಿಂದ 3 ಗಂಟೆ ಸುಮಾರಿಗೆ ಸುಧಾರಾಣಿಯನ್ನು ಕೊಲೆ ಮಾಡಿರಬಹುದೆಂದು ಶಂಕಿಸಲಾಗಿದೆ. ಬಳಿಕ ಆಕೆಯ ಹೆತ್ತವರು ತನ್ನನ್ನು ಬಿಡುವುದಿಲ್ಲ ಎಂದು ಕಿರಣ್ ತಾನು ಕೂಡ ಕತ್ತು ಕೂಯ್ದುಕೊಂಡು ಆತ್ಮಹತ್ಯೆಗೆ ಯತ್ನಿಸಿದ್ದ. ರಕ್ತದ ಮಡುವಿನಲ್ಲಿ ಒದ್ದಾಡುತ್ತಿದ್ದ ಆತನನ್ನು ಪೊಲೀಸರು ಆಸ್ಪತ್ರೆಗೆ ದಾಖಲಿಸಿದ್ದು, ಇದೀಗ ಆತನ ಸ್ಥಿತಿ ಸುಧಾರಿಸಿದೆ. ಪೊಲೀಸರು ಆತನನ್ನು ವಿಚಾರಣೆ ನಡೆಸುತ್ತಿದ್ದು, ಪತ್ನಿಯನ್ನು ಕೊಲೆ ಮಾಡುವ ಉದ್ದೇಶದಿಂದಲೇ ಆನ್ಲೈನ್ ಮೂಲಕ ವಿಶೇಷ ಚಾಕುವನ್ನು ಕಿರಣ್ ಕುಮಾರ್ ಖರೀದಿ ಮಾಡಿದ್ದ ಎಂಬ ಭಯಾನಕ ಮಾಹಿತಿ ಹೊರ ಬಂದಿದೆ. ಕೊಲೆಯ ಹಿಂದಿನ ದಿನ ಅದನ್ನು ಪಡೆದುಕೊಂಡಿರುವ ಕಿರಣ್, ಅದೇ ಚಾಕುವಿನಿಂದ ಕೊಲೆ ಮಾಡಿದ್ದಾನೆ ಎಂದು ಪೊಲೀಸರ ಮುಂದೆ ಬಾಯಿ ಬಿಟ್ಟಿದ್ದಾನೆ. ತನಿಖೆ ಇನ್ನೂ ಮುಂದುವರಿದಿದ್ದು ಇನ್ನಷ್ಟು ಸ್ಪೋಟಕ ಮಾಹಿತಿ ಹೊರ ಬೀಳಲಿದೆ.