ಈ ಕೆಲಸವನ್ನು ಮಾಡುವುದರಿಂದ ಲಕ್ಷ್ಮೀದೇವಿ ನಿಮ್ಮನ್ನು ಕೈಹಿಡಿದು ನಡೆಸುತ್ತಾಳೆ...!

ಸಮಯವನ್ನು ಸಂತೋಷದಿಂದ ಕಳೆಯಿರಿ:

ತಾಂತ್ರಿಕ ಗ್ರಂಥಗಳ ಪ್ರಕಾರ ಲಕ್ಷ್ಮಿಯನ್ನು ಚಂಚಲ ಸ್ವಭಾವದವಳು ಎಂದು ಕರೆಯಲಾಗುತ್ತದೆ. ಯಾವ ಮನೆಯಲ್ಲಿ ಅಥವಾ ಯಾವ ವ್ಯಕ್ತಿಯು ತನ್ನ ಸಮಯವನ್ನು ಸಂತೋಷದಿಂದ ಕಳೆಯುತ್ತಾನೋ ಅಂತಹ ಮನೆಯಲ್ಲಿ, ಅಂತವರೊಂದಿಗೆ ಲಕ್ಷ್ಮಿ ದೇವಿಯು ಸದಾ ನೆಲೆಸಿರುತ್ತಾಳೆ. ನೀವು ಹಣವನ್ನು ಖರ್ಚು ಮಾಡಿದಾಗಲೆಲ್ಲಾ ದುಃಖ ಪಡುವ ಬದಲು ಸಂತೋಷ ಪಡಬೇಕು. 

ನಿಮ್ಮ ಖರ್ಚು - ವೆಚ್ಚಗಳಿಗೆ ಎಷ್ಟು ಹಣ ಬೇಕೆಂದು ಅದನ್ನು ತೆಗೆದಿಟ್ಟುಕೊಂಡು, ಒಂದಿಷ್ಟು ಹಣವನ್ನು ಹೂಡಿಕೆ ಮಾಡಿಕೊಳ್ಳಿ. ಇದು ನಿಮಗೆ ಭವಿಷ್ಯದಲ್ಲಿ ಅಥವಾ ಕಷ್ಟದ ಸಮಯದಲ್ಲಿ ಸಹಾಯಕ್ಕೆ ಬರುತ್ತದೆ. ನಿಮ್ಮ ಅಗತ್ಯತೆಗಳಿಗಿಂತ ಹೆಚ್ಚಿನ ಹಣವನ್ನು ನೀವು ಹೊಂದಿದ್ದರೆ ಅದನ್ನು ದಾನ, ಧರ್ಮ, ಧಾರ್ಮಿಕ ಕಾರ್ಯಗಳಿಗೆ ಮೀಸಲಿಡಿ. ನಿಮ್ಮಲ್ಲಿ ಹಣ ಹೆಚ್ಚಾಗಿರಲಿ ಅಥವಾ ಕಡಿಮೆಯಿರಲಿ ಇರುವ ಹಣದ ಬಗ್ಗೆ ಸಂತೋಷವನ್ನು ಹೊಂದಿರಬೇಕು. 

ಸ್ವಯಂ ಪ್ರೀತಿ:

ಸ್ವಯಂ ಪ್ರೀತಿಯನ್ನು ಕಂಡುಕೊಳ್ಳುವುದು ತುಂಬಾನೇ ಮುಖ್ಯ. ಸ್ವಯಂ ಪ್ರೀತಿಯನ್ನು ನಾವು ಯಾವಾಗಲೂ ಪಡೆದುಕೊಳ್ಳಲು ಸಾಧ್ಯವಿಲ್ಲ. ಕೆಲವೊಮ್ಮೆ ಇತರ ಜನರ ಸಂತೋಷಕ್ಕಾಗಿ ನಮ್ಮ ಆದ್ಯತೆಗಳನ್ನು ತ್ಯಜಿಸಬೇಕಾಗುತ್ತದೆ. ಮೊದಲು ನಾವು ನಮಗೆ ಗೌರವವನ್ನು ಕೊಡಲು ಕಲಿತುಕೊಂಡಿರಬೇಕು. ನಾವು ಯಾವಾಗ ನಮ್ಮನ್ನು ನಾವು ಪ್ರೀತಿಸಲು ಕಲಿತುಕೊಳ್ಳುತ್ತೇವೋ ಆಗ, ಇನ್ನೊಬ್ಬರ ಕಡೆಗೂ ಪ್ರೀತೆಯೆನ್ನುವ ಚಿಗುರೆಲೆ ಮೂಡಲು ಸಾಧ್ಯ.

ಎಲ್ಲಾ ಜೀವಿಗಳ ಮೇಲೂ ಕರುಣೆ ಇರಲಿ:

ಲಕ್ಷ್ಮಿಯು ಕರುಣಾಮಯಿ ಹೃದಯವನ್ನು ಪ್ರೀತಿಸುತ್ತಾಳೆ. ಲಕ್ಷ್ಮಿಯು ಇತರರ ನೋವನ್ನು ಅನುಭವಿಸುವ ಮತ್ತು ಸೇವೆ ಮಾಡಲು ಸಿದ್ಧವಾಗಿರುವ ಹೃದಯವನ್ನು ಪ್ರೀತಿಸುತ್ತಾಳೆ. ನೀವು ಎದ್ದು ನಿಸ್ವಾರ್ಥವಾಗಿ ಈ ಜಗತ್ತಿನಲ್ಲಿ ಕೆಲವು ಸಮಸ್ಯೆಗಳನ್ನು ಪರಿಹರಿಸಲು ಸಿದ್ಧರಾದಾಗ ಲಕ್ಷ್ಮಿಯು ಬೆಳೆಯುತ್ತಿರುವ ಪ್ರಮಾಣದಲ್ಲಿ ನಿಮ್ಮ ಬಳಿಗೆ ಬರುತ್ತಾಳೆ. ಆದರೆ ನೀವು ನಿಮ್ಮ ಹೃದಯವನ್ನು ತೆರೆಯಬೇಕು ಮತ್ತು ಸಹಾನುಭೂತಿಯ ಮನೋಭಾವದಿಂದ ಸೇವೆ ಸಲ್ಲಿಸಬೇಕು.