-->
OP - Pixel Banner ad
'ಗಂಗೂಬಾಯಿ' ಸಿನಿಮಾದಲ್ಲಿ ವೇಶ್ಯೆಯಾಗಲು ಆಲಿಯಾ ಭಟ್ ಪಡೆದ ಸಂಭಾವನೆ ಎಷ್ಟು ಗೊತ್ತೇ?

'ಗಂಗೂಬಾಯಿ' ಸಿನಿಮಾದಲ್ಲಿ ವೇಶ್ಯೆಯಾಗಲು ಆಲಿಯಾ ಭಟ್ ಪಡೆದ ಸಂಭಾವನೆ ಎಷ್ಟು ಗೊತ್ತೇ?

ಮುಂಬೈ: ಆಲಿಯಾ ಭಟ್, ಶಂತನು ಹಾಗೂ ಅಜಯ್ ದೇವಗನ್ ಅಭಿನಯಿಸಿರುವ ಗಂಗೂಬಾಯಿ ಕಾಥಿಯಾವಾಡಿ ಸಿನಿಮಾವು ಬಿಡುಗಡೆಗೂ ಮುನ್ನವೇ ಭಾರೀ ಸದ್ದು ಮಾಡಿತ್ತು. ಬಾಂಬೆ ರೆಡ್​ಲೈಟ್​ ಏರಿಯಾ ಕಾಮಾಟಿಪುರದ ಬಗ್ಗೆ ಜನರಿಗೆ ಕೆಟ್ಟ ಭಾವನೆ ಮೂಡುತ್ತದೆ ಎಂದು ಈ ಸಿನಿಮಾದ ವಿರುದ್ಧ ಕಾಮಾಟಿಪುರದ ನಿವಾಸಿಗಳು ಸಿಡಿದೆದ್ದಿದ್ದರು. ಆದರೆ ಇದೀಗ ಸಿನಿಮಾ ಬಿಡುಗಡೆಯಾಗಿ ಭರ್ಜರಿ ಯಶಸ್ಸು ಗಳಿಸಿದೆ. ಕೇವಲ ಭಾರತದಲ್ಲಷ್ಟೇ ಅಲ್ಲದೆ ಈ ಸಿನಿಮಾ ವಿದೇಶದಲ್ಲೂ ಸಖತ್​ ಸದ್ದು​ ಮಾಡುತ್ತಿದೆ.

ಕಾಮಾಟಿಪುರದಲ್ಲಿ ಬಹಳ ಹಿಂದೆ ವೇಶ್ಯೆಯಾಗಿದ್ದ ಗಂಗೂಬಾಯಿಯ ಪಾತ್ರದಲ್ಲಿ ನಟಿಸಿರುವ ಆಲಿಯಾ ಭಟ್​ ನಟನೆಗೆ ಅಭಿಮಾನಿಗಳು ಮನಸೋತಿದ್ದಾರೆ. ಸತ್ಯ ಕತೆಯೊಂದಕ್ಕೆ ಕಾಲ್ಪನಿಕತೆಯನ್ನು ಬೆರೆಸಿರುವ ಈ ಸಿನಿಮಾದಲ್ಲಿ ನಟ ಅಜಯ್​ ದೇವಗನ್​ ಮುಂಬೈನ ಮಾಫಿಯಾ ಡಾನ್ ರಹೀಮ್ ಲಾಲಾ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ರಹೀಮ್ ಲಾಲನೇ ಗಂಗೂಬಾಯಿಯನ್ನು ವೇಶ್ಯಾವೃತ್ತಿಗೆ ಕರೆತಂದಿದ್ದು. ಅಂದಹಾಗೆ ‘ಗಂಗೂಬಾಯಿ’ ಪಾತ್ರಕ್ಕೆ ಆಲಿಯಾ ಭಟ್‌ ತೆಗೆದುಕೊಂಡಿರುವ ಸಂಭಾವನೆ ಕೂಡ ಸಿನಿಮಾದಂತೆಯ ಭಾರಿ ಸದ್ದು ಮಾಡುತ್ತಿದೆ. 


ಇದಕ್ಕೆ ಕಾರಣವೆಂದರೆ, ಆಲಿಯಾ‌ ಭಟ್ ಈ ಸಿನಿಮಾಕ್ಕೆ ಬರೋಬ್ಬರಿ 20 ಕೋಟಿ ರೂ. ಸಂಭಾವನೆ ಪಡೆದಿದ್ದಾರಂತೆ. 100 ಕೋಟಿ ಬಜೆಟ್​ನಲ್ಲಿ ನಿರ್ಮಾಣವಾದ ಈ ಸಿನಿಮಾದಲ್ಲಿ 20 ಕೋಟಿ ರೂ. ಆಲಿಯಾ ಪಾಲಾಗಿದೆ. ಅದೇ ರೀತಿ ಅಜಯ್​​ ದೇವಗನ್​ ಪಾತ್ರ ಚಿಕ್ಕದಾದರೂ ಅವರೂ​ ಸಂಭಾವನೆ ಪಡೆದುಕೊಳ್ಳುವಲ್ಲಿ ಹಿಂದೆ ಬಿದ್ದಿಲ್ಲ ಅಜಯ್ ದೇವಗನ್ ರಹೀಮ್ ಲಾಲ್ ಪಾತ್ರಕ್ಕೆ 12 ಕೋಟಿ ರೂ. ಪಡೆದಿದ್ದಾರಂತೆ.

ಆದರೆ ಹೋಲಿಸಿದರೆ ಆಲಿಯಾ ಭಟ್​ ಪಡೆದಿರುವ ಸಂಭಾವನೆ ಕಡಿಮೆ ಎಂದೇ ಅಭಿಮಾನಿಗಳು ಹೇಳುತ್ತಿದ್ದಾರೆ. ಅಂದಹಾಗೆ ಇದು ಆಲಿಯಾ ಭಟ್​ ಮತ್ತು ನಿರ್ದೇಶಕ ಸಂಜಯ್ ಲೀಲಾ ಬನ್ಸಾಲಿ ಜೋಡಿಯ ಪ್ರಥಮ ಸಿನಿಮಾ. ತಮ್ಮ ಒಂಬತ್ತನೇ ವಯಸ್ಸಿನಿಂದ ಬನ್ಸಾಲಿ ಜೊತೆ ಕೆಲಸ ಮಾಡಬೇಕೆಂಬ ಆಸೆ ಇತ್ತು ಎಂದು ಆಲಿಯಾ ಭಟ್ ಹೇಳಿಕೊಂಡಿದ್ದಾರೆ.

Ads on article

Advertise in articles 1

advertising articles 2

Advertise under the article

IMG-20220907-WA0033 IMG_20220827_133242