ಪತಿಗೆ ಫ್ರ್ಯಾಂಕ್ ವೀಡಿಯೋ ಮಾಡಲು ಹೋದ ನಿವೇದಿತಾ ಗೌಡ: ಗರಂ ಆದ ನೆಟ್ಟಿಗರು
1/13/2022 07:30:00 AM
ಮಂಗಳೂರು: ಬಿಗ್ ಬಾಸ್ ಸ್ಪರ್ಧಿ ನಿವೇದಿತಾ ಗೌಡ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ಆ್ಯಕ್ಟೀವ್ ಇರೋದು ಎಲ್ಲರಿಗೂ ಗೊತ್ತಿರುವಂತದ್ದೇ. ಇನ್ಸ್ಟಾಗ್ರಾಂನಲ್ಲಿ ಪತಿ ಚಂದನ್ ಶೆಟ್ಟಿಯೊಂದಿಗೆ ಅನೇಕ ರೀಲ್ಸ್ ಗಳನ್ನು ಅವರು ಮಾಡುತ್ತಲೇ ಇರುತ್ತಾರೆ. ಈ ರೀಲ್ಸ್ ಗಳಿಗೆ ಅಭಿಮಾನಿಗಳಿಂದ ಸಖತ್ ಮೆಚ್ಚುಗೆ ವ್ಯಕ್ತವಾಗುತ್ತಿರುತ್ತದೆ. ಆದರೆ ಕೆಲವೊಮ್ಮೆ ನೆಟ್ಟಿಗರು ಗರಂ ಆಗುತ್ತಾರೆ ಕೂಡಾ.
ಹೌದು, ನಿವೇದಿತಾ ಗೌಡ ಇದೀಗ ಹಂಚಿಕೊಂಡಿರುವ ಹೊಸ ರೀಲ್ಸ್ ಗೆ ಕೆಲ ನೆಟ್ಟಿಗರಿಂದ ಅಸಮಾಧಾನ ವ್ಯಕ್ತವಾಗಿದೆ. ಇನ್ಸ್ಟಾಗ್ರಾಮ್ನಲ್ಲಿ ಇದಕ್ಕೆ ಒಂದಷ್ಟು ನೆಗೆಟಿವ್ ಕಮೆಂಟ್ಗಳು ಬಂದಿವೆ. ಅಷ್ಟಕ್ಕೂ ಈ ರೀಲ್ಸ್ನಲ್ಲಿ ನಿವೇದಿತಾ ಮಾಡಿದ್ದೇನು ಗೊತ್ತೇ?. ಆಕೆ ತಾನು ಧರಿಸಿರುವ ಟವೆಲ್ ಅನ್ನು ಕ್ಯಾಮೆರಾ ಮುಂಭಾಗವೇ ಕಿತ್ತೆಸೆಯಲು ಪ್ರಯತ್ನಿಸಿದ್ದಾರೆ. ಇದನ್ನು ನೆಟ್ಟಿಗರು ಕೊಂಚ ಸೀರಿಯಸ್ ಆಗಿ ಪರಿಗಣಿಸಿದ್ದಾರೆ.
ನಿವೇದಿತಾ ಗೌಡ ಫ್ರ್ಯಾಂಕ್ ಮಾಡಲು ಪ್ರಯತ್ನಿಸಿದ್ದಾರೆ. ಅದಕ್ಕೆ ‘ನನ್ನ ಪತಿಗೆ ಫ್ರ್ಯಾಂಕ್ ಮಾಡುತ್ತೇನೆ’ ಎಂಬ ಕ್ಯಾಪ್ಷನ್ನೊಂದಿಗೆ ಈ ವೀಡಿಯೋ ಆರಂಭ ಆಗುತ್ತದೆ. ಈ ವೀಡಿಯೋದಲ್ಲಿ ನಿವೇದಿತಾ ಗೌಡ ತಾವು ಧರಿಸಿದ್ದ ಟವೆಲ್ ಅನ್ನು ಕ್ಯಾಮೆರಾ ಮುಂಭಾಗದಲ್ಲಿಯೇ ಕಿತ್ತು ಎಸೆಯುವಂತೆ ನಿವೇದಿತಾ ಗೌಡ ನಟಿಸುತ್ತಾರೆ. ಆಗ ಅಲ್ಲಿಯೇ ಇದ್ದ ಚಂದನ್ ಶೆಟ್ಟಿ ಅದನ್ನು ನಿಜವೆಂದು ನಂಬಿದ, ಪತ್ನಿಯ ಮಾನ ಕಾಪಾಡಲು ಓಡೋಡಿ ಬರುತ್ತಾರೆ. ಇಂಥದ್ದೊಂದು ನಾಟಕೀಯ ಪ್ರಸಂಗ ಈ ರೀಲ್ಸ್ನಲ್ಲಿ ಇದೆ.
ಈ ವೀಡಿಯೋವನ್ನು ಪೋಸ್ಟ್ ಮಾಡಿದ ಒಂದು ದಿನದೊಳಗೆ ಅಂದಾಜು 7 ಲಕ್ಷ ಮಂದಿ ಈ ವೀಡಿಯೋ ನೋಡಿದ್ದಾರೆ. ಕಮೆಂಟ್ ಮಾಡಿದ ಬಹುತೇಕರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ನಿವೇದಿತಾ ಗೌಡ ಬಹಳ ಬಾಲಿಶವಾಗಿ ವರ್ತಿಸುತ್ತಾರೆ. ಇದೆಲ್ಲ ಅತಿಯಾಯ್ತು. ಇದು ಫ್ರ್ಯಾಂಕ್ ಅಲ್ಲ, ಸ್ಕ್ರಿಪ್ಟೆಡ್ ವೀಡಿಯೋ ಎಂದು ವಿಧವಿಧದಲ್ಲಿ ಕಮೆಂಟ್ ಮಾಡಿದ್ದಾರೆ. ಆದರೆ ಇಂಥಹ ನೆಗೆಟಿವ್ ಕಮೆಂಟ್ಗಳ ಬಗ್ಗೆ ಚಂದನ್ ಶೆಟ್ಟಿ ಅವರಾಗಲಿ, ನಿವೇದಿತಾ ಗೌಡ ಅವರಾಗಲಿ ಕಿಂಚಿತ್ತೂ ತಲೆ ಕೆಡಿಸಿಕೊಂಡಿಲ್ಲ.