ಭಾರತದಲ್ಲಿ ನಿಷೇಧಗೊಂಡರೂ ವಿಶ್ವ ಟೆಕ್ ದೈತ್ಯ ಗೂಗಲ್ ಅನ್ನೂ ಹಿಂದಿಕ್ಕಿ 'ಟಿಕ್ಟಾಕ್' ನಂ 1 ಸ್ಥಾನಕ್ಕೆ!
Sunday, December 26, 2021
ನವದೆಹಲಿ: ಇಂಡಿಯಾದಲ್ಲಿ ಬ್ಯಾನ್ ಆಗಿರುವ 'ಟಿಕ್ಟಾಕ್' ವಿಶ್ವ ಟೆಕ್ ದೈತ್ಯ ಗೂಗಲ್ ಅನ್ನೂ ಹಿಂದಿಕ್ಕಿ ಈ ವರ್ಷದ ಅತ್ಯಂತ ಜನಪ್ರಿಯ ವೆಬ್‌ಸೈಟ್ ಎಂಬ ದಾಖಲೆಯನ್ನು ಗಳಿಸಿದೆ. ಐಟಿ ಸೆಕ್ಯುರಿಟಿ ಕಂಪೆನಿಯಾದ ಕ್ಲೌಡ್ಫ್ಲೇರ್ ಈ ಬಗ್ಗೆ ವರದಿ ನೀಡಿದೆ.
ಅಮೇರಿಕಾ ಮೂಲದ ಸರ್ಚ್ ಇಂಜಿನ್ ಗೂಗಲ್ಗಿಂತಲೂ ವೈರಲ್ ವೀಡಿಯೋ ಆ್ಯಪ್ ಆಗಿರುವ ಟಿಕ್ಟಾಕ್ ಹೆಚ್ಚು ಹಿಟ್ಸ್ಗಳನ್ನು ಪಡೆದುಕೊಂಡಿದೆ. ಕಳೆದ ಫೆಬ್ರವರಿಯಲ್ಲಿಯೇ ಗೂಗಲ್ ಅನ್ನು ಹಿಂದಿಕ್ಕಿರುವ ಟಿಕ್ಟಾಕ್, ಮಾರ್ಚ್ನಿಂದ ಆಗಸ್ಟ್ವರೆಗೂ ನಂಬರ್ 1 ಸ್ಥಾನದಲ್ಲಿಯೇ ಇತ್ತು. 2020ರಲ್ಲಿ ಗೂಗಲ್ ನಂಬರ್ 1 ಸ್ಥಾನದಲ್ಲಿತ್ತು. ಟಿಕ್ಟಾಕ್, ಅಮೆಜಾನ್, ಆ್ಯಪಲ್, ಫೇಸ್ಬುಕ್, ಮೈಕ್ರೋಸಾಫ್ಟ್ ಹಾಗಯ ನೆಟ್ಫ್ಲಿಕ್ಸ್ ಟಾಪ್ 10 ಪಟ್ಟಿಯಲ್ಲಿದ್ದವು.
ಕೊರೊನಾ ಸೋಂಕು ನಿಯಂತ್ರಣಕ್ಕೆ ಹೇರಲಾಗಿದ್ದ ಲಾಕ್ಡೌನ್ನಿಂದಾಗಿ ಟಿಕ್ಟಾಕ್ ತನ್ನ ಖ್ಯಾತಿಯನ್ನು ಇನ್ನಷ್ಟು ಹೆಚ್ಚಿಸಿಕೊಂಡಿದೆ ಎಂದು ಹೇಳಲಾಗಿದೆ. ಲಾಕ್ಡೌನ್ನಂತಹ ಬಿಡುವಿನ ಸಮಯದಲ್ಲಿ ಅನೇಕರು ಸಮಯ ಕಳೆಯಳೆಂದು ಟಿಕ್ಟಾಕ್ ಮೊರೆ ಹೋಗಿದ್ದರೆಂದು ವರದಿಯಿಂದ ತಿಳಿದುಬಂದಿದೆ.
ಟಿಕ್ಟಾಕ್ ಆ್ಯಪ್ ಚೀನಾ ಮೂಲದ ಬೈಟ್ಡಾನ್ಸ್ ಒಡೆತನದಲ್ಲಿದೆ. ಇದಕ್ಕೆ ವಿಶ್ವಾದ್ಯಂತ 1 ಬಿಲಿಯನ್ಗೂ ಅಧಿಕ ಬಳಕೆದಾರರಿದ್ದಾರೆ. ಇನ್ನೂ ಬಳಕೆದಾರರ ಅದರ ಸಂಖ್ಯೆ ಅಧಿಕವಾಗುತ್ತಲೇ ಇದೆ. 2020ರ ಜೂನ್ನಲ್ಲಿ ಭಾರತದ ಸರಕಾರವು ಟಿಕ್ಟಾಕ್ ಅನ್ನು ದೇಶದಲ್ಲಿ ಬ್ಯಾನ್ ಮಾಡಿತ್ತು. ಚೀನಾ ಹಾಗೂ ಭಾರತದ ನಡುವೆ ಇದ್ದ ಗಡಿ ಸಂಘರ್ಷದ ಹಿನ್ನೆಲೆಯಲ್ಲಿ ಚೀನಾಕ್ಕೆ ಸೇರಿರುವ ಅನೇಕ ಆ್ಯಪ್ಗಳನ್ನು ಆ ಸಂದರ್ಭ ಬ್ಯಾನ್ ಮಾಡಲಾಗಿತ್ತು. ಆದರೂ, ಟಿಕ್ಟಾಕ್ ತನ್ನ ಖ್ಯಾತಿಯನ್ನು ಹೆಚ್ಚಿಸಿಕೊಂಡಿರುವುದು ನಿಜಕ್ಕೂ ಅಚ್ಚರಿಯ ಸಂಗತಿಯಾಗಿದೆ.
