Azad, Sibal out from star campaigners list | ಕೈ ಪಾಳಯದಿಂದ ಸಿಬಲ್, ಗುಲಾಂ ನಬಿ ದೂರ?: ಚರ್ಚೆಗೆ ಕಾರಣವಾದ ಕೈ ತಾರಾ ಪ್ರಚಾರಕರ ಪಟ್ಟಿ

ಓದುಗರ ಗಮನಕ್ಕೆ

ಓದುಗರ ಗಮನಕ್ಕೆ ಇಮುಂಗಾರು ವೆಬ್ಸೈಟ್‌ನಲ್ಲಿ ಪ್ರಕಟವಾಗುವ ಸುದ್ದಿಗಳಲ್ಲಿ ಯಾವುದೇ ಸಲಹೆಗಳಿದ್ದರೆ, ಅವುಗಳನ್ನು ಪಾಲಿಸುವ ಮುಂಚೆ ತಜ್ಞರ ಸಲಹೆಯಿಂದ ಕರಾರುವಕ್ಕಾಗಿ ಪರಿಶೀಲಿಸಿ. ಇಮುಂಗಾರು ಸಂಸ್ಥೆಯು ಯಾವುದೇ ಹಣಕಾಸಿನ ವ್ಯವಹಾರಗಳಲ್ಲಿ ತೊಡಗಿಸಿಕೊಳ್ಳುವುದಿಲ್ಲ. ಯಾವುದೇ ಹಣಕಾಸಿನ ವ್ಯವಹಾರಗಳಿಗೆ ಸಂಬಂಧಿಸಿದಂತೆ ನಮ್ಮ ಸಂಸ್ಥೆಯು ಯಾವುದೇ ಜವಾಬ್ದಾರಿಯನ್ನು ಹೊಂದಿರುವುದಿಲ್ಲ. ನಾವು ಸುದ್ದಿಗಳನ್ನು ವಾಟ್ಸಾಪ್‌ನಲ್ಲಿ ಶೇರ್ ಮಾಡುವಾಗ ಜಾಹೀರಾತು ರೂಪದಲ್ಲಿ ಮೂರನೇ ವಾಟ್ಸಾಪ್ ಗ್ರೂಪ್ ಇನ್ವೈಟ್ ಲಿಂಕ್‌ಗಳನ್ನು ಸೇರಿಸಬಹುದು, ಆದರೆ ಇದಕ್ಕೆ ನಮ್ಮ ಸಂಸ್ಥೆಗೆ ಯಾವುದೇ ಸಂಬಂಧವಿಲ್ಲ.

Sunday, March 14, 2021

ಕೈ ಪಾಳಯದಿಂದ ಸಿಬಲ್, ಗುಲಾಂ ನಬಿ ದೂರ?
ಚರ್ಚೆಗೆ ಕಾರಣವಾದ ಕೈ ತಾರಾ ಪ್ರಚಾರಕರ ಪಟ್ಟಿ

ಜಿ-23 ಎಂದು ಬಣ್ಣಿಸಿಕೊಂಡ ನಾಯಕರು ಈಗ ಕಾಂಗ್ರೆಸ್‌ಗೆ ಅಪಥ್ಯವಾಗಿದ್ದಾರೆ. ಕಳೆದ ಆಗಸ್ಟ್‌ ತಿಂಗಳಿನಲ್ಲಿ ಸೋನಿಯಾ ಗಾಂಧಿಗೆ ನೇರವಾಗಿ ಪತ್ರ ಬರೆದು ಪಕ್ಷದ ಸಂಘಟನಾತ್ಮಕ ಬದಲಾವಣೆಗೆ ಪಟ್ಟು ಹಿಡಿದ ಈ ಭಿನ್ನಮತೀಯರ ಗುಂಪಿನ ನಾಯಕರಾದ ಕಪಿಲ್ ಸಿಬಲ್, ಗುಲಾಂ ನಬಿ ಆಜಾದ್ ಮತ್ತು ಆನಂದ ಶರ್ಮಾ ಅವರಂದ ಪ್ರಮುಖ ನಾಯಕರು ಕೈ ಪಾಳಯದಿಂದ ದೂರ ಸರಿಯುತ್ತಿದ್ದಾರೆಯೇ...?

ಹೀಗೊಂದು ಅನುಮಾನದ ಸುಳಿ ರಾಜಕೀಯ ವಲಯದಲ್ಲಿ ತಿರುಗುತ್ತಿದೆ. ಇದಕ್ಕೆ ಕಾರಣವೂ ಇದೆ... ಐದು ರಾಜ್ಯಗಳ ವಿಧಾನಸಭಾ ಚುನಾವಣಾ ಸಮರದ ಸಂದರ್ಭದಲ್ಲಿ ಕೈ ಪಾಳಯದ ತಾರಾ ಪ್ರಚಾರಕರ ಪಟ್ಟಿಯಿಂದ ಅವರನ್ನು ಹೊರದಬ್ಬಲಾಗಿದೆ. ಈ ಪಟ್ಟಿಯಲ್ಲಿ ಅವರಿಗೆ ಸ್ಥಾನ ನೀಡಿಲ್ಲ. ಆದರೆ, ಜಿ-23 ಎಂದು ಬಣ್ಣಿಸಿಕೊಂಡ ನಾಯಕರ ಪೈಕಿ ಜಿತಿನ್ ಪ್ರಸಾದ ಮತ್ತು ಅಖಿಲೇಶ್ ಪ್ರಸಾದ್ ಸಿಂಗ್ ಅವರಿಗೆ ತಾರಾ ಪ್ರಚಾರಕರಾಗಿ ಸ್ಥಾನ ಕಲ್ಪಿಸಲಾಗಿದೆ.

ಮಧ್ಯಪ್ರದೇಶದ ಮಾಜಿ ಸಿಎಂ ಕಮಲ್ ನಾಥ್, ಪಶ್ಚಿಮ ಬಂಗಾಳದ ಕಾಂಗ್ರೆಸ್ ಅಧ್ಯಕ್ಷ ಅಧೀರ್ ರಂಜನ್ ಚೌಧುರಿ, ಎಐಸಿಸಿಯ ಬಿ.ಕೆ. ಹರಿಪ್ರಸಾದ್, ಸಲ್ಮಾನ್ ಖುರ್ಷೀದ್, ಸಚಿನ್ ಪೈಲಟ್, ರಣದೀಪ್ ಸಿಂಗ್ ಸುರ್ಜೇವಾಲಾ, ಆರ್.ಪಿಎಸ್. ಸಿಂಗ್ ಮತ್ತು ನವಜ್ಯೋತ್ ಸಿಂಗ್ ಸಿಧು ಅವರಿಗೆ ಕೈ ತಾರಾ ಪ್ರಚಾರಕರ ಪಟ್ಟಿಯಲ್ಲಿ ಸ್ಥಾನ ಸಿಕ್ಕಿದೆ.

ಪಶ್ಚಿಮ ಬಂಗಾಳದ ಕೈ ಸ್ಟಾರ್ ಪ್ರಚಾರಕರ ಪಟ್ಟಿಯಲ್ಲಿ ಕ್ರಿಕೆಟ್ ತಾರೆ ಮೊಹಮ್ಮದ್ ಅಜರುದ್ದೀನ್, ಪವನ್ ಖೇರಾ, ಜೈವೀರ್ ಶೇರ್ಗಿಲ್, ಅಭಿಜಿತ್ ಮುಖರ್ಜಿ ಮತ್ತು ದೀಪೇಂದರ್ ಹೂಡ ಅವರ ಹೆಸರು ಇದೆ.