ಬೆಂಗಳೂರು:
ರಾಜ್ಯದ ಖಾಸಗಿ ಆಸ್ಪತ್ರೆಗಳಲ್ಲಿ ಕ್ಯಾನ್ಸರ್ ಸೇರಿದಂತೆ ಗಂಭೀರ ಕಾಯಿಲೆಗಳಿಗೆ ಬಳಸಲಾಗುವ ಕ್ರಿಟಿಕಲ್ ಔಷಧಗಳ ಖರೀದಿ ದರ (ಲ್ಯಾಂಡಿಂಗ್ ದರ) ಹಾಗೂ ಮಾರಾಟ ದರದ (ಎಂಆರ್‌ಪಿ) ನಡುವೆ ಆಕಾಶ-ಭೂಮಿಯಷ್ಟು ಅಂತರವಿದ್ದು, ಬರೋಬ್ಬರಿ ಶೇಕಡಾ 5000ದಷ್ಟು ಹೆಚ್ಚಿನ ದರಕ್ಕೆ ಮಾರಾಟ ಮಾಡಿ ರೋಗಿಗಳನ್ನು ಲೂಟಿ ಮಾಡಲಾಗುತ್ತಿದೆ ಎಂಬ ಆಘಾತಕಾರಿ ಸತ್ಯವನ್ನು ಆರೋಗ್ಯ ಸಚಿವ ಯು.ಟಿ. ಖಾದರ್ ಬಹಿರಂಗಪಡಿಸಿದ್ದಾರೆ
ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಆಹಾರ ಸುರಕ್ಷತೆ ಮತ್ತು ಔಷಧ ಆಡಳಿತ ಅಧಿಕಾರಿಗಳು ವಿವಿಧ ಆಸ್ಪತ್ರೆಗಳಲ್ಲಿ ನಡೆಸಿದ ತಪಾಸಣೆ ಮತ್ತು ಪರಿಶೀಲನೆ ವೇಳೆ ಈ ದಂಧೆ ಬೆಳಕಿಗೆ ಬಂದಿದೆ ಎಂದು ತಿಳಿಸಿದರು
ದರ ಪಟ್ಟಿ ಪ್ರಕಟಿಸಲು ಆಗ್ರಹ – ಕೇಂದ್ರದ ಕಾನೂನಿಗೆ ಮನವಿ:
- ಪ್ರತಿಯೊಂದು ಖಾಸಗಿ ಆಸ್ಪತ್ರೆ ಹಾಗೂ ಫಾರ್ಮಸಿಗಳು ಔಷಧಗಳ ಅಸಲಿ ಖರೀದಿ ದರ (ಲ್ಯಾಂಡಿಂಗ್ ದರ) ಮತ್ತು ಮಾರಾಟ ದರವನ್ನು ಪ್ರತ್ಯೇಕವಾಗಿ ಪಟ್ಟಿ ಮಾಡಿ ಸಾರ್ವಜನಿಕವಾಗಿ ಬಹಿರಂಗಪಡಿಸಬೇಕು
. - ಔಷಧಗಳ ಬೆಲೆ ನಿಯಂತ್ರಣ ಮಾಡುವ ಅಧಿಕಾರ ರಾಜ್ಯ ಸರ್ಕಾರಗಳ ಕೈಯಲ್ಲಿಲ್ಲದ ಕಾರಣ, ಕೇಂದ್ರ ಸರ್ಕಾರವೇ ಈ ಕುರಿತು ಕಟ್ಟುನಿಟ್ಟಿನ ಕಾನೂನು ರೂಪಿಸಬೇಕೆಂದು ಒತ್ತಾಯಿಸಿ ಕೇಂದ್ರ ಸರ್ಕಾರಕ್ಕೆ ಪತ್ರ ಬರೆಯಲಾಗಿದೆ ಎಂದು ಸಚಿವರು ಸ್ಪಷ್ಟಪಡಿಸಿದರು
.
ಔಷಧಗಳ ಅಸಲಿ ಬೆಲೆ vs ಆಸ್ಪತ್ರೆಗಳ ಮಾರಾಟ ದರ (ಎಂಆರ್‌ಪಿ):
| ಔಷಧ / ವೈದ್ಯಕೀಯ ಉಪಕರಣ | ಲ್ಯಾಂಡಿಂಗ್ ದರ (ರೂ.) | ಎಂಆರ್‌ಪಿ / ಮಾರಾಟ ದರ (ರೂ.) |
| ಗುಫ್ಲೋಲ್ | ₹86 | ₹4,528 |
| ಗುಫಿಸೈಕ್ಲಿನ್-50 ಇಂಜೆಕ್ಷನ್ | ₹160 | ₹7,110 |
| ಟರ್ಲಿಸಿಟ್ | ₹118 | ₹4,416 |
| ಟ್ಯಾಕ್ಟೋಕೇರ್ 120 ಎಂಜಿ | ₹1,000 | ₹21,617 |
| ಕ್ಯಾನ್ಮ್ಯಾಬ್ 440 ಎಂಜಿ | ₹6,600 | ₹57,457 |
| ಬೆವಾಟಿಸ್ 400 ಎಂಜಿ | ₹5,850 | ₹62,690 |
| ಸೈಟ್ಯಾಕ್ಸ್ 100 (ಕ್ಯಾನ್ಸರ್ ಔಷಧ) | ₹342 | ₹3,836 |
| ನೆಬ್ಯುಲೈಸರ್ ಮಾಸ್ಕ್ | ₹44.50 | ₹950 |
| ಐವಿ ಸೆಟ್ | ₹14.75 | ₹295 |
| ಪಾಲಿಫೀಟಿ ಪಿಆರ್‌ಓ ಕ್ಯಾನುಲಾ | ₹33.21 | ₹548 |
