2015ರ ಮಂಗಳೂರು ಜೈಲಿನಲ್ಲಿ ನಡೆದ ಮಾಡೂರು ಯೂಸುಫ್ ಕೊಲೆ ಪ್ರಕರಣ: ಐವರು ದೋಷಿಗಳಿಗೆ ಜೀವಾವಧಿ ಶಿಕ್ಷೆ, ₹76,000 ದಂಡ ವಿಧಿಸಿದ ನ್ಯಾಯಾಲಯ!- 2015 Mangaluru Prison Murder: Five Convicted to Life Imprisonment, ₹76,000 Total Fine for Madoor Yousuf Killing

Senior Reporter 10/01/2026 08:34:00 PM

ಮಂಗಳೂರು:

2015ರಲ್ಲಿ ಮಂಗಳೂರು ಜಿಲ್ಲಾ ಕಾರಾಗೃಹದೊಳಗೆ ನಡೆದಿದ್ದ ಕುಖ್ಯಾತ ರೌಡಿ ಮಾಡೂರು ಯೂಸುಫ್ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ, ವಿಚಾರಣೆ ಪೂರ್ಣಗೊಳಿಸಿರುವ ಮಂಗಳೂರಿನ 2ನೇ ಹೆಚ್ಚುವರಿ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯವು ಐವರು ಆರೋಪಿಗಳನ್ನು ದೋಷಿಗಳೆಂದು ತೀರ್ಮಾನಿಸಿ ಜೀವಾವಧಿ ಶಿಕ್ಷೆ ಹಾಗೂ ಒಟ್ಟು ₹76,000 ದಂಡ ವಿಧಿಸಿ ಮಹತ್ವದ ತೀರ್ಪು ನೀಡಿದೆ

ನ್ಯಾಯಾಧೀಶರಾದ ಶ್ರೀ ಜಗದೀಶ್ ವಿ.ಎನ್. ಅವರು ಅಕ್ಟೋಬರ್ 1, 2026ರಂದು ಈ ಶಿಕ್ಷೆ ಪ್ರಕಟಿಸಿದ್ದಾರೆ

ಶಿಕ್ಷೆಗೆ ಒಳಗಾದ ಅಪರಾಧಿಗಳ ವಿವರ:

ಲಿತೇಶ್ ಪೂಜಾರಿ @ ಲಿತ್ತು (ತಂದೆ: ರಘುನಾಥ ಸನಿಲ್), ವಿಳಾಸ: "ಪೂರ್ಣಾನುಗ್ರಹ", ಪೂಪಾಡಿಕಲ್ಲು, ಕೋಟೆ, ಸೂರಿಂಜೆ, ಕಾಟಿಪಳ್ಳ, ಸುರತ್ಕಲ್, ಮಂಗಳೂರು.
ಶೋಭರಾಜ್ @ ಶೋಭಿ (ತಂದೆ: ತಿಮ್ಮಪ್ಪ ಪೂಜಾರಿ), ವಿಳಾಸ: "ಕೋಟ್ಯಾನ್ ನಿವಾಸ", ವಿಜಯನಗರ, ಮಧ್ಯ, ಸುರತ್ಕಲ್, ಮಂಗಳೂರು.
ಯುವರಾಜ್ (ತಂದೆ: ಭಾಸ್ಕರ), ವಿಳಾಸ: "ವೈಷ್ಣವಿ ನಿಲಯ", ರಾಜೀವ ನಗರ, ಶಿಬರೂರು, ಕಾಟಿಪಳ್ಳ, ಸುರತ್ಕಲ್, ಮಂಗಳೂರು.
ಪ್ರದೀಪ್ (ತಂದೆ: ನಾರಾಯಣ ಪೂಜಾರಿ), ವಿಳಾಸ: ಶಾಲೆ ಮಜಲ್ ಕಂಪೌಂಡ್, ವಿಶ್ವನಾಥ ಮಹಾಗಣಪತಿ ದೇವಸ್ಥಾನದ ಹತ್ತಿರ, ಉಳಾಯಿಬೆಟ್ಟು, ಮಂಗಳೂರು.
ಉಮೇಶ್ ಕೊಂಬಾರ್ @ ಉಮೇಶ್ ಕುಂಬಾರ (ತಂದೆ: ದಿ| ಶೇಷಪ್ಪ ಗೌಡ), ವಿಳಾಸ: ಬೆಟ್ಟು ಮುಖಿ ಮನೆ, ಬಾಳುಗೋಡು ಗ್ರಾಮ, ಸುಳ್ಯ ತಾಲೂಕು, ದಕ್ಷಿಣ ಕನ್ನಡ.

ಪ್ರಕರಣದ ಹಿನ್ನೆಲೆ:

ದಿನಾಂಕ 02-11-2015 ರಂದು ಮಂಗಳೂರು ಜಿಲ್ಲಾ ಕಾರಾಗೃಹದಲ್ಲಿ ನ್ಯಾಯಾಂಗ ಬಂಧನದಲ್ಲಿದ್ದ ಕೈದಿಗಳ ಗುಂಪುಗಳ ನಡುವೆ ಭೀಕರ ಮಾರಣಾಂತಿಕ ಘರ್ಷಣೆ ನಡೆದಿತ್ತು

. ಈ ಮಾರಾಮಾರಿ ವೇಳೆ ಮಾಡೂರು ಯೂಸುಫ್ ಎಂಬಾತನ ಮೇಲೆ ಮಾರಕಾಸ್ತ್ರಗಳಿಂದ ಹಲ್ಲೆ ನಡೆಸಲಾಗಿದ್ದು, ಗಂಭೀರವಾಗಿ ಗಾಯಗೊಂಡ ಆತ ಕೊಲೆಯಾಗಿದ್ದ

. ಈ ಸಂಬಂಧ ಬರ್ಕೆ ಪೊಲೀಸ್ ಠಾಣೆಯಲ್ಲಿ ಅ.ಕ್ರ 92/2015 ರಂತೆ ಕಲಂ 143, 144, 147, 148, 324, 326, 353, 332, 307, 302, 120(B), 37 ಜೊತೆಗೆ 149 ಐಪಿಸಿ ಅಡಿಯಲ್ಲಿ ಪ್ರಕರಣ ದಾಖಲಾಗಿತ್ತು

ತನಿಖೆ ಮತ್ತು ಪ್ರಾಸಿಕ್ಯೂಷನ್:

ತನಿಖಾಧಿಕಾರಿ: ಅಂದಿನ ಮಂಗಳೂರು ಕೇಂದ್ರ ಉಪವಿಭಾಗದ ಸಹಾಯಕ ಪೊಲೀಸ್ ಆಯುಕ್ತರಾಗಿದ್ದ (ACP) ತಿಲಕ್ ಚಂದ್ರ ಅವರು ಸಮಗ್ರ ತನಿಖೆ ನಡೆಸಿ, ಸಾಕ್ಷ್ಯಾಧಾರಗಳೊಂದಿಗೆ ನ್ಯಾಯಾಲಯಕ್ಕೆ ದೋಷಾರೋಪಣ ಪಟ್ಟಿ (ಚಾರ್ಜ್‌ಶೀಟ್) ಸಲ್ಲಿಸಿದ್ದರು.
ಸರ್ಕಾರಿ ಅಭಿಯೋಜಕರು: ಸರ್ಕಾರದ ಪರವಾಗಿ 3ನೇ ಹೆಚ್ಚುವರಿ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯದ ವಿಶೇಷ ಸರ್ಕಾರಿ ಅಭಿಯೋಜಕರಾದ ಬಿ. ಮೋಹನ್ ಕುಮಾರ್ ಅವರು ವಾದ ಮಂಡಿಸಿದ್ದರು.