ಮಂಗಳೂರು:
ಕುತೇತೂರಿನ ಮಂಗಳೂರು ರಿಫೈನರಿ ಆಂಡ್ ಪೆಟ್ರೋಕೆಮಿಕಲ್ಸ್ ಲಿಮಿಟೆಡ್ (MRPL) ಸಂಸ್ಥೆಯ ಸಿಎಚ್‌ಟಿಯು ಘಟಕದಲ್ಲಿ ಸೆಪ್ಟೆಂಬರ್ 30ರಂದು ಸಂಭವಿಸಿದ ದುರಂತದಲ್ಲಿ ಪ್ರಾಣ ಕಳೆದುಕೊಂಡ ಗುತ್ತಿಗೆ ಕಾರ್ಮಿಕ ಮನೀಶ್ ಕರ್ಕಡ ಅವರ ಕುಟುಂಬಕ್ಕೆ ಒಟ್ಟು 1.20 ಕೋಟಿ ರೂಪಾಯಿ ಆರ್ಥಿಕ ಹಾಗೂ ವಿಮಾ ಪರಿಹಾರ ನೀಡುವುದಾಗಿ ಕಂಪನಿ ಪ್ರಕಟಿಸಿದೆ
ಘಟನೆ ಖಂಡಿಸಿ ಕಾರ್ಮಿಕ ಸಂಘಟನೆಗಳು ನಡೆಸಿದ ಬೃಹತ್ ಮುಷ್ಕರ ಹಾಗೂ ಸ್ಥಳೀಯ ಶಾಸಕ ಉಮಾನಾಥ ಕೋಟ್ಯಾನ್ ಅವರ ಸಂಧಾನ ಮಾತುಕತೆಯ ಫಲವಾಗಿ ಸಂಸ್ಥೆಯು ಈ ಅಧಿಕೃತ ತೀರ್ಮಾನ ಕೈಗೊಂಡಿದೆ.
ಪರಿಹಾರ ಮತ್ತು ವಿಮಾ ಪ್ಯಾಕೇಜ್ ವಿಂಗಡಣೆ:
- ನೇರ ನೆರವು: ಸಂಸ್ಥೆಯ ವತಿಯಿಂದ ನೇರವಾಗಿ ಸಂತ್ರಸ್ತ ಕುಟುಂಬಕ್ಕೆ ₹90 ಲಕ್ಷ ಆರ್ಥಿಕ ಧನಸಹಾಯ
. - ಟರ್ಮ್ ಲೈಫ್ ಇನ್ಶೂರೆನ್ಸ್ (GTLI): ಗ್ರೂಪ್ ಟರ್ಮ್ ಲೈಫ್ ವಿಮೆಯಡಿ ಅಂದಾಜು ₹10 ಲಕ್ಷ
. - ಕಾರ್ಮಿಕ ಪರಿಹಾರ ಪಾಲಿಸಿ (WCP): ನಿಯಮಾವಳಿ ಪ್ರಕಾರ ವರ್ಕ್‌ಮೆನ್ ಕಾಂಪನ್ಸೇಷನ್ ಅಡಿಯಲ್ಲಿ ಸುಮಾರು ₹20 ಲಕ್ಷ
. - ಒಟ್ಟು ಪರಿಹಾರ ಮೊತ್ತ: ವಿಮಾ ಸೌಲಭ್ಯಗಳು ಹಾಗೂ ಕಂಪನಿಯ ನೆರವು ಒಳಗೊಂಡಂತೆ ಕುಟುಂಬಕ್ಕೆ ಒಟ್ಟಾರೆಯಾಗಿ ಅಂದಾಜು ₹1.20 ಕೋಟಿ ಸಿಗಲಿದೆ
.
ಗುತ್ತಿಗೆ ಸಿಬ್ಬಂದಿಗೆ ಹೆಲ್ತ್ ಇನ್ಶೂರೆನ್ಸ್ – ಶೀಘ್ರ ಜಾರಿ:
ಕಾರ್ಖಾನೆಯ ಗುತ್ತಿಗೆ ಆಧಾರಿತ ಕಾರ್ಮಿಕರಿಗೂ ಮೆಡಿಕ್ಲೈಮ್ ಸೌಲಭ್ಯ ಒದಗಿಸುವ ಕುರಿತು ಕರಡು ಪ್ರಸ್ತಾವನೆ ಸಿದ್ಧಗೊಳ್ಳುತ್ತಿದ್ದು, ಆಡಳಿತ ಮಟ್ಟದಲ್ಲಿ ಚರ್ಚೆ ಪ್ರಗತಿಯಲ್ಲಿದೆ
ಕಾರ್ಖಾನೆಯ ಪ್ರತಿಯೊಬ್ಬ ಸಿಬ್ಬಂದಿಯ ಸುರಕ್ಷತೆ ಮತ್ತು ಕ್ಷೇಮಾಭಿವೃದ್ಧಿಗೆ ಸದಾ ಬದ್ಧವಾಗಿರುವುದಾಗಿ ಎಂಆರ್‌ಪಿಎಲ್ ತಿಳಿಸಿದೆ
