ತಮ್ಮ ಕಣ್ಣಸಜ್ಜೆಯ ಮೂಲಕವೇ ರಾತ್ರೋರಾತ್ರಿ ಪ್ರಸಿದ್ಧಿ ಪಡೆದಿದ್ದ ನಟಿ ಪ್ರಿಯಾ ಪ್ರಕಾಶ್ ವಾರಿಯರ್, ಇತ್ತೀಚೆಗೆ ಕೇರಳದಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ತಮ್ಮ ಉಡುಪಿನ ಬಣ್ಣದ ಕುರಿತು ಕೇಳಲಾದ ಪ್ರಶ್ನೆಗೆ ಅತ್ಯಂತ ಸಮಚಿತ್ತದಿಂದ ಉತ್ತರಿಸಿ ಸುದ್ದಿಯಲ್ಲಿದ್ದಾರೆ.
ಬ್ರ್ಯಾಂಡ್ ಥೀಮ್ಗಾಗಿ ಕೇಸರಿ ಉಡುಪು!
ಖ್ಯಾತ 'ಕ್ಯೂಟಿಕುರಾ' (Cuticura) ಟಾಲ್ಕಮ್ ಪೌಡರ್ ಬ್ರ್ಯಾಂಡ್ ಪ್ರಚಾರ ಕಾರ್ಯಕ್ರಮದಲ್ಲಿ ಪ್ರಿಯಾ ವಾರಿಯರ್ ಭಾಗವಹಿಸಿದ್ದರು. ಈ ವೇಳೆ ಮಾಧ್ಯಮದವರೊಡನೆ ಸಂವಹನ ನಡೆಸುವಾಗ ಪತ್ರಕರ್ತರೊಬ್ಬರು, "ನೀವು ಕೇಸರಿ ಬಣ್ಣದ ಉಡುಪು ಧರಿಸಿದ್ದೀರಲ್ಲ, ಇದರ ಹಿಂದೆ ಏನಾದರೂ ವಿಶೇಷ ಕಾರಣವಿದೆಯೇ?" ಎಂದು ಪ್ರಶ್ನಿಸಿದ್ದರು.
ಈ ಅನಿರೀಕ್ಷಿತ ಪ್ರಶ್ನೆಗೆ ಮಂದಹಾಸದೊಂದಿಗೇ ಉತ್ತರಿಸಿದ 26 ವರ್ಷದ ನಟಿ ಪ್ರಿಯಾ, "ನನ್ನ ಪ್ರೀತಿಯ ಸಹೋದರ, ಇದರ ಹಿಂದೆ ಯಾವುದೇ ವಿಶೇಷ ಕಾರಣವಿಲ್ಲ. ಇದು ನಾನು ಭಾಗವಹಿಸಿರುವ ಬ್ರ್ಯಾಂಡ್ನ ಥೀಮ್ಗೆ ಹೊಂದುವುದರಿಂದ ಈ ಉಡುಪನ್ನು ಆಯ್ಕೆ ಮಾಡಿಕೊಂಡಿದ್ದೇನೆ. ನಾನು ಎಲ್ಲಾ ಬಣ್ಣದ ಉಡುಪುಗಳನ್ನೂ ಧರಿಸುತ್ತೇನೆ" ಎಂದು ರಾಜಕೀಯ ಅಥವಾ ಸೈದ್ಧಾಂತಿಕ ಚರ್ಚೆಗಳಿಗೆ ಆಸ್ಪದ ನೀಡದೆ ಸರಳವಾಗಿ ವಿಷಯ ಸ್ಪಷ್ಟಪಡಿಸಿದರು.
ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಶಂಸೆ
ಈ ಸಂಭಾಷಣೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಅನಗತ್ಯ ಗೊಂದಲಗಳಿಗೆ ಅವಕಾಶ ನೀಡದೆ ಅತ್ಯಂತ ಮುಕ್ತವಾಗಿ ಹಾಗೂ ಸ್ಪಷ್ಟವಾಗಿ ಉತ್ತರಿಸಿದ ಪ್ರಿಯಾ ಅವರ ನಡೆಗೆ ನೆಟ್ಟಿಗರಿಂದ ಮೆಚ್ಚುಗೆ ವ್ಯಕ್ತವಾಗಿದೆ. ಕೇವಲ ಉಡುಪಿನ ಬಣ್ಣವನ್ನು ರಾಜಕೀಯಕ್ಕೆ ಬೆರೆಸಿ ಪ್ರಶ್ನೆ ಕೇಳಿದ್ದ ಪತ್ರಕರ್ತನ ನಡೆಯ ಬಗ್ಗೆಯೂ ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆ ಶುರುವಾಗಿದೆ.
ಮುಂದಿನ ಸಿನಿಮಾಗಳು
2018ರಲ್ಲಿ 'ಒರು ಅಡಾರ್ ಲವ್' ಸಿನಿಮಾದ ಸನ್ನಿವೇಶದಿಂದ ದೇಶಾದ್ಯಂತ ಸದ್ದು ಮಾಡಿದ್ದ ಪ್ರಿಯಾ, ಇತ್ತೀಚೆಗೆ ಮಲಯಾಳಂನ 'ಸರ್ವಂ ಮಾಯಾ' ಸಿನಿಮಾದಲ್ಲಿ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಪ್ರಸ್ತುತ ಹಿಂದಿಯ '3 ಮಂಕೀಸ್' ಹಾಗೂ 'ಲವ್ ಹ್ಯಾಕರ್ಸ್' ಸಿನಿಮಾಗಳು ಅವರ ಮುಂಬರುವ ಯೋಜನೆಗಳಾಗಿವೆ.
Wow...
— Sona🐾🇮🇳 (@sona_sebin) August 6, 2026
A Kerala reporter asked her why she chose to wear an orange dress, as if it needed an explanation. She calmly replied that it matched the brand colors. Even then, they continued mocking her.
In Kerala, wearing saffron is being treated like a sin and that mindset is… pic.twitter.com/KHKY6gTZIy
