ಬಿಗ್‌ಬಾಸ್ ಸ್ಪರ್ಧಿಗೆ 17ಲಕ್ಷ ರೂ. ವಂಚನೆ - ಅಭಿಮಾನಿಗಳಿಗೆ ಶಾಕ್
Saturday, November 9, 2024
ತಮಿಳು ಬಿಗ್‌ಬಾಸ್ ಸೀಸನ್ 8ರಲ್ಲಿ ಪ್ರೇಕ್ಷಕರ ಮನಗೆದ್ದ ಸ್ಪರ್ಧಿ ಸೌಂದರ್ಯಾ ನಂಜುಂಡನ್ ತನಗೆ ಬಂದಿರುವ ಟೀಕೆಗಳನ್ನೆಲ್ಲ ಲೆಕ್ಕಿಸದೆ ತಮ್ಮದೇ ಶೈಲಿಯಲ್ಲಿ ಉತ್ತರಿಸುವ ಸ್ವಭಾವದವರು. ಆದ್ದರಿಂದ, ಈ ಸೀಸನ್‌ನಲ್ಲಿ ಬೇರೆ ಸ್ಪರ್ಧಿಗಳಿಗಿಂತ ಅವರಿಗೆ ಹೆಚ್ಚು ಅಭಿಮಾನಿಗಳಿದ್ದಾರೆ. ಮೊದಲ ವಾರದಿಂದಲೂ ಸೌಂದರ್ಯಾರನ್ನು ಜನರು ಉಳಿಸುತ್ತಿರುವುದರಿಂದ ಬೇರೆ ಸ್ಪರ್ಧಿಗಳು ಅಸಮಾಧಾನಗೊಂಡಿದ್ದಾರೆ.
ಈ ವಾರದ ಕಥೆ ಹೇಳುವ ಟಾಸ್ಕ್‌ನಲ್ಲಿ, ಸ್ಪರ್ಧಿಗಳು ತಮ್ಮ ಜೀವನದ ಬಗ್ಗೆ ಹೇಳಿಕೊಂಡರು. ಅದೇ ರೀತಿ ಸೌಂದರ್ಯಾ ಅವರೂ ತಮ್ಮ ಬಗ್ಗೆ ಹೇಳಿಕೊಂಡರು. ನನ್ನ ಧ್ವನಿಯನ್ನಿಟ್ಟು ಅನೇಕರು ನನ್ನನ್ನ ಅವಮಾನಿಸಿದ್ದಾರೆ. ಸಿನಿಮಾಗೆ ಬರಬೇಕೆಂಬ ಆಸೆ ಇದ್ದಾಗ, ನನ್ನ ಹೆತ್ತವರು, ಅದರಲ್ಲೂ ಅಪ್ಪ ಬೆಂಬಲ ನೀಡಿದರು.
8 ವರ್ಷಗಳ ಕಷ್ಟದ ದುಡಿಮೆಯಲ್ಲಿ 17 ಲಕ್ಷ ರೂ. ಉಳಿಸಿಕೊಂಡಿದ್ದೆ. ಬಿಗ್‌ಬಾಸ್‌ಗೆ ಬರೋ ಕೆಲವು ವಾರಗಳ ಮೊದಲು ಒಂದು ಫೋನ್ ಕರೆ ಬಂತು. ಕರೆ ಸ್ವೀಕರಿಸಿದ 2 ನಿಮಿಷದಲ್ಲಿ 17 ಲಕ್ಷ ಹೋಯ್ತು. ಇದನ್ನ ಹೆತ್ತವರಿಗೆ ಹೇಳೋಕೆ ಆಗಿಲ್ಲ. ಈ ವಿಷಯ ಅಪ್ಪನಿಗೆ ಈ ಶೋ ಮೂಲಕ ಗೊತ್ತಾಗುತ್ತೆ. ಬಿಗ್‌ಬಾಸ್‌ಗೆ ಬರೋವಾಗ ಅಪ್ಪನ ಹತ್ರ ಸಾಲ ತಗೊಂಡು ಬಂದೆ ಅಂತ ಹೇಳಿದ್ದಾರೆ. ಈ ವಿಷಯ ಅಭಿಮಾನಿಗಳಿಗೆ ಶಾಕ್ ನೀಡಿದೆ.
