-->
ಗುಪ್ತಾಂಗಕ್ಕೆ ಮದ್ಯದ ಬಾಟಲಿ ತೂರಿ ಮೃಗೀಯ ವರ್ತನೆ: ಸೆಲೆಬ್ರಿಟಿ ನಟನ ಮೇಲೆ ಆರೋಪ

ಗುಪ್ತಾಂಗಕ್ಕೆ ಮದ್ಯದ ಬಾಟಲಿ ತೂರಿ ಮೃಗೀಯ ವರ್ತನೆ: ಸೆಲೆಬ್ರಿಟಿ ನಟನ ಮೇಲೆ ಆರೋಪ

ನವದೆಹಲಿ: ಸೆಲೆಬ್ರಿಟಿಗಳ ವಿವಾಹಗಳು ಎಷ್ಟು ಪ್ರಖ್ಯಾತವೋ,  ಸೆಲಿಬ್ರಿಟಿಗಳ ವಿಚ್ಛೇದನಗಳೂ ಅಷ್ಟೇ ಕುಖ್ಯಾತಿಯನ್ನು ಪಡೆದಿರುತ್ತದೆ. ಹಾಲಿವುಡ್ ನ ಖ್ಯಾತ ನಟ ಜಾನಿ ಡೆಪ್​ 'ಬ್ಲಾಕ್​ಬಸ್ಟರ್​ ಪೈರಟ್ಸ್​ ಆಫ್​ ದಿ ಕೆರೆಬ್ಬಿಯನ್​' ಸಿನಿಮಾದಲ್ಲಿ ನಟಿಸಿ ಜನಮನ ಸೂರೆಗೊಂಡವರು. ಜಾನಿ ಡೆಪ್​ ಅವರಿಗೆ ಜಗತ್ತಿನಾದ್ಯಂತ ಕೋಟ್ಯಂತರ ಅಭಿಮಾನಿಗಳಿದ್ದಾರೆ. ಅವರನ್ನು ಹೃದಯದಲ್ಲಿ ತುಂಬಿ ಆರಾಧಿಸುತ್ತಾರೆ. ಆದರೆ, ಇದೀಗ ಜಾನಿ ಡೆಪ್ ವಿರುದ್ಧ ಕೇಳಿಬಂದಿರುವ ಆರೋಪ ಅಭಿಮಾನಿಗಳಿಗೆ ಆಘಾತ ತಂದಿದೆ.

ಜಾನಿ ಡೆಪ್​ 2015ರಲ್ಲಿ ಹಾಲಿವುಡ್​ ನಟಿ ಆ್ಯಂಬರ್​ ಹರ್ಡ್​ ಎಂಬುವರನ್ನು ವಿವಾಹವಾಗಿದ್ದರು. ಆದರೆ, ಕೇವಲ 2 ವರ್ಷದಲ್ಲಿಯೇ ಈ ದಂಪತಿ ತಮ್ಮ ದಾಂಪತ್ಯ ಜೀವನಕ್ಕೆ ಇತಿಶ್ರೀ ಹಾಡಿದರು. ಇದಾದ ಬಳಿಕ ತಾವು ಕೌಟುಂಬಿಕ ಕಲಹದಿಂದ ಬಳಲಿದ್ದು, ಪರಿಹಾರ ರೂಪದಲ್ಲಿ 350 ಕೋಟಿ ರೂ.  ನೀಡಬೇಕೆಂದು ಜಾನಿ ಡೆಪ್​ ವಿರುದ್ಧ ಆ್ಯಂಬರ್​ ಹರ್ಡ್​ ಕೋರ್ಟ್​ನಲ್ಲಿ ದಾವೆ ಹೂಡಿದ್ದಾರೆ. ಇದಕ್ಕೆ ಪ್ರತಿಯಾಗಿ ಜಾನಿ ಡೆಪ್​ ಕೂಡ ಆಕೆಯ ಮೇಲೆ ಮಾನನಷ್ಟ ಮೊಕದ್ದಮೆ ದಾಖಲಿಸಿದ್ದಾರೆ. 

ಇನ್ನು ಆ್ಯಂಬರ್ ಹರ್ಡ್​ ತನ್ನ ಮಾಜಿ ಪತಿಯ ವಿರುದ್ಧ ಗಂಭೀರವಾದ ಆರೋಪವನ್ನು ಮಾಡಿದ್ದಾರೆ. ಜಾನಿ ಡೆಪ್ ತನ್ನ ಬೆರಳನ್ನು ಕತ್ತರಿಸಿದ್ದಲ್ಲದೆ, ಮೃಗೀಯವಾಗಿ ಲೈಂಗಿಕ ಕ್ರಿಯೆಯಲ್ಲಿ ತೊಡಿಸಿಕೊಂಡಿದ್ದಾರೆ ಎಂದು ಆಪಾದಿಸಿದ್ದಾರೆ. ಆ್ಯಂಬರ್​ ಪರ ವಕಾಲತ್ತು ವಹಿಸಿರುವ ವಕೀಲ ಎಲೈನ್​ ಬ್ರೆಡೆಹೊಫ್ಟ್​ ಹೇಳಿಕೆ ಪ್ರಕಾರ ಹರ್ಡ್​ ಅವರ ಮೇಲೆ ಕೆಲ ಹೀನ ಕೃತ್ಯಗಳನ್ನು ಜಾನಿ ಡೆಪ್​ ಎಸಗಿದ್ದಾರೆ. ನೈಟ್​ಗೌನ್​ ಹರಿದು ವಿಚಿತ್ರವಾಗಿ ವರ್ತಿಸಿದ್ದಾನೆ. ಅಲ್ಲದೆ, ಆಕೆಯ ಗುಪ್ತಾಂಗಕ್ಕೆ ಮದ್ಯದ ಬಾಟಲ್​ ತೂರಿಸಿ ಮೃಗೀಯವಾಗಿ ನಡೆದುಕೊಂಡಿದ್ದಾನೆ ಎಂದು ನ್ಯಾಯಾಲಯದಲ್ಲಿ ಹೇಳಿಕೆ ನೀಡಿದ್ದಾರೆ.  

58 ವರ್ಷದ ಜಾನಿ ಡೆಪ್ ತಮ್ಮ ವಿರುದ್ಧದ ಆರೋಪಗಳನ್ನು ನಿರಾಕರಿಸಿದ್ದಾರೆ. ಡೆಪ್​​ ಪರ ವಕೀಲರಾದ ಕ್ಯಾಮಿಲ್ಲೆ ವಾಸ್ಕ್ವೆಜ್ ಹೇಳಿಕೆ ಪ್ರಕಾರ ಹರ್ಡ್​ ತನ್ನ ಸಾರ್ವಜನಿಕ ಚಿತ್ರದ ಬಗ್ಗೆ ಗೀಳನ್ನು ಹೊಂದಿದ್ದಾಳೆ. ಅವಳು ಸಂತ್ರಸ್ತೆ ಎಂಬ ಪಾತ್ರದಲ್ಲೇ ಹಲವು ವರ್ಷಗಳಿಂದ ಬದುಕುತ್ತಿದ್ದಾರೆ. ಸಂತ್ರಸ್ತೆಯಾಗಿ ತಮ್ಮ ಅಭಿನಯವನ್ನು ನೀಡಲು ತಯಾರಿ ನಡೆಸುತ್ತಿದ್ದಾರೆ ಎನ್ನುವ ಮೂಲಕ ಹರ್ಡ್​ ಆರೋಪ ಸುಳ್ಳು ಎಂದು ವ್ಯಂಗ್ಯವಾಡಿದ್ದಾರೆ. 

Ads on article

Advertise in articles 1

advertising articles 2

ಉಚಿತವಾಗಿ ಸುದ್ದಿ ಕೊಡುತ್ತಿರುವ ನಮಗೆ ಸಹಾಯ ಮಾಡಿ

  

Pay Rs 100

Advertise under the article

  

  

ಉಚಿತವಾಗಿ ಸುದ್ದಿ ಕೊಡುತ್ತಿರುವ ನಮಗೆ ಸಹಾಯ ಮಾಡಿ

  

Pay Rs 100