ಶೌಚಗೃಹದ ಬಾಗಿಲು ತೆಗೆದ ಮನೆಯೊಡತಿಗೆ ಶಾಕ್: ಬುಸ್ ಎಂದ ನಾಗರಹಾವು!

ಶಿವಮೊಗ್ಗ: ಹಾವನ್ನು ಕಂಡರೆ ಬೆದರಿ ಓಡುವವರೇ ಅಧಿಕ ಮಂದಿ. ಇನ್ನು ಮನೆಯೊಳಗಡೆ ಹಾವೊಂದು ಹೆಡೆಯೆತ್ತಿ ಬುಸ್​ ಬುಸ್​ ಅಂದರೆ ಹೇಗಾಗಬೇಡ. ಇಂತಹ ಘಟನೆ ಶಿವಮೊಗ್ಗ ನಗರದ ಶಿವಪ್ಪನಾಯಕ ಬಡಾವಣೆಯ ಸಂಭವಿಸಿದೆ. 

ಮನೆಯೊಂದರ ಶೌಚಗೃಹದೊಳಗಡೆ  ಸೇರಿಕೊಂಡು ನಾಗರಹಾವೊಂದು ಮನೆಯವರನ್ನೆಲ್ಲಾ ಬೆಚ್ಚಿಬೀಳುವಂತೆ ಮಾಡಿದೆ. ಕೊನೆಗೆ ಆ ಮನೆಯೊಡತಿ ಆರತಿ ಬೆಳಗಿ ಪೂಜೆಯನ್ನೂ ಮಾಡಿದ್ದಾರೆ. ಮಂಗಳವಾರ ಬೆಳಗ್ಗೆ ಮನೆಯೊಡತಿ ಶಬರಿಯವರು ಶೌಚಗೃಹಕ್ಕೆ ಹೋಗಿ ಬಾಗಿಲು ತೆಗೆಯುತ್ತಿದ್ದಂತೆ ಟಾಯ್ಲೆಟ್​ನ ಪಿಟ್​ನೊಳಗಡೆಯಿಂದ ನಾಗರಹಾವೊಂದು ಬುಸ್​ ಅಂತ ಎಡೆ ಎತ್ತಿದೆ. ಹಾವನ್ನು ನೋಡುತ್ತಿದ್ದಂತೆ ಭೀತಿಗೊಳಗಾದ ಶಬರಿ ಹೊರ ಓಡಿದ್ದಾರೆ. 

ಸುಮಾರು 4 ಅಡಿ ಉದ್ದದ ನಾಗರಹಾವು ಟಾಯ್ಲೆಟ್ ಫಿಟ್​ನ ನೀರಿನ ಪೈಪ್​ನಲ್ಲಿ ಸಿಕ್ಕಿಹಾಕಿಕೊಂಡಿತ್ತು.  ಸುದ್ದಿ ತಿಳಿಯುತ್ತಿದ್ದಂತೆ ಸ್ಥಳಕ್ಕೆ ಬಂದ ಸ್ನೇಕ್​ ಕಿರಣ್​, ನಾಗರಹಾವನ್ನು ಸುರಕ್ಷಿತವಾಗಿ ಪಿಟ್​ನಿಂದ ತೆಗೆದು ಹೊರತೆಗೆದಿದ್ದಾರೆ. ಬಳಿಕ ಆ ಮನೆಯ ಒಡತಿ ನಾಗರಹಾವಿಗೆ ಮಂಗಳಾರತಿ ಬೆಳಗಿ ಪೂಜೆ ಸಲ್ಲಿಸಿದರು. ನಂತರ ಸ್ನೇಕ್​ ಕಿರಣ್​ ಅವರು ಹಾವನ್ನು ಸುರಕ್ಷಿತವಾಗಿ ಕಾಡಿಗೆ ಬಿಟ್ಟು ಬಂದರು.