-->
ಸರಿಯಾಗಿ ನಡೆದಾಡಲು ಕಲಿಯುವ ಮೊದಲೇ ಸಮುದ್ರ ದಾಟಿದ ಒಂದು ವರ್ಷದ ಮಗು!

ಸರಿಯಾಗಿ ನಡೆದಾಡಲು ಕಲಿಯುವ ಮೊದಲೇ ಸಮುದ್ರ ದಾಟಿದ ಒಂದು ವರ್ಷದ ಮಗು!

ರೋಮ್: ಒಂದು ವರ್ಷದ ಮಗುವೊಂದು ಏಕಾಂಗಿಯಾಗಿ ಮೆಡಿಟರೇನಿಯನ್ ಸಮುದ್ರದಲ್ಲಿ ಪ್ರಯಾಣಿಸಿ ಲಂಪೇಡುಸ ಎಂಬ ದ್ವೀಪಕ್ಕೆ ಸುರಕ್ಷಿತವಾಗಿ ತಲುಪಿದ್ದು,  ಹೆತ್ತವರೇ ಇಂತಹ ಅಪಾಯಕಾರಿ ಸಾಹಸಕ್ಕೆ ಮಗುವನ್ನು ಒಡ್ಡಿದ್ದಾರೆಂದು ಇಟಲಿಯ ಮಾಧ್ಯಮಗಳು ವರದಿ ಮಾಡಿವೆ. 

ಈ ದ್ವೀಪಕ್ಕೆ ಬಂದಿಳಿದಿರುವ ಸುಮಾರು 500ಕ್ಕೂ ಅಧಿಕ ವಲಸಿಗರಲ್ಲಿ ಈ ಮಗುವೂ ಸೇರಿಕೊಂಡಿದೆ. ದೋಣಿಯೊಂದರಲ್ಲಿ ಸಮುದ್ರ ದಾಟುತ್ತಿದ್ದ 70 ಮಂದಿ ವಲಸಿಗರ ನಡುವೆ ಈ ಮಗುವೂ ಇತ್ತೆಂದು ದಿ ರಿಪಬ್ಲಿಕ್ ಪತ್ರಿಕೆ ವರದಿ ಮಾಡಿದೆ.

ಈ ಬಾಲಕ ನಡೆಯಲು ಕಲಿಯುವ ಮೊದಲೇ ಸಮುದ್ರ ದಾಟಿದ್ದಾನೆ. ಇನ್ನೂ ಒಂದು ವರ್ಷದ ಮಗುವಾಗಿರುವ ಕಾರಣ ಅದರ ಹೆಸರು ಮತ್ತಿತರ ವಿವರ ಬಹಿರಂಗ ಪಡಿಸಲಾಗದು ಎಂದು ಪತ್ರಿಕೆ ಹೇಳಿದೆ. 

ತಮ್ಮ ಮಧ್ಯೆ ಇರುವ ಈ ಮಗು ಯಾರೆಂಬುದು ಇತರ ವಲಸಿಗರಿಗೂ ಮಾಹಿತಿಯಿರಲಿಲ್ಲ. ಬಹುಶಃ ಮಗು ದೋಣಿ ಹತ್ತಿದ ಬಳಿಕ ಅದರ ಹೆತ್ತವರು ದೋಣಿ ಹತ್ತಲು ಮಂದಾದಾಗ ಅವರನ್ನು ತಡೆದಿರಬೇಕು. ಹಾಗಾಗಿ ಮಗು ಒಂಟಿಯಾಗಿ ಪ್ರಯಾಣಿಸಿದ್ದಾನೆ ಎಂದು ಅಧಿಕಾರಿಗಳು ಹೇಳಿದ್ದಾರೆ. 

ಈ ದ್ವೀಪಕ್ಕೆ ಬಂದು ತಲುಪಿರುವ ತಂಡದಲ್ಲಿ 14 ವರ್ಷದ ಮತ್ತೋರ್ವ ಬಾಲಕನಿದ್ದ. ಈತನ ತಾಯಿ ದೋಣಿ ಏರುವ ಸಂದರ್ಭ ಸಮುದ್ರದಲ್ಲಿ ಮುಳುಗಿ ಮೃತಪಟ್ಟಿದ್ದಾಳೆಂದು ಪತ್ರಿಕೆ ವರದಿ ಮಾಡಿದೆ.

Ads on article

Advertise in articles 1

advertising articles 2

ಉಚಿತವಾಗಿ ಸುದ್ದಿ ಕೊಡುತ್ತಿರುವ ನಮಗೆ ಸಹಾಯ ಮಾಡಿ

  

Pay Rs 100

Advertise under the article

ಉಚಿತವಾಗಿ ಸುದ್ದಿ ಕೊಡುತ್ತಿರುವ ನಮಗೆ ಸಹಾಯ ಮಾಡಿ

  

Pay Rs 100