ರಾತ್ರಿ ವೇಳೆ ಹೊರಗಡೆ ಹೋದ ಬಾಲಕಿ ಮೇಲೆ ಕಾಮುಕರ ಅಟ್ಯಾಕ್ ....ಮುಂದಾಗಿದ್ದು...!!

ಬಸ್ತಿ( ಉತ್ತರ ಪ್ರದೇಶ): ಹದಿನೈದು ವರ್ಷ ದ ಬಾಲಕಿ ಪ್ರಕೃತಿ ಕರೆಗೆ ಹೋಗಿದ್ದ ಸಂದರ್ಭದಲ್ಲಿ ಆಕೆಯ ಮೇಲೆ ಕೆಲವು ದುಷ್ಕರ್ಮಿಗಳು ಅತ್ಯಾಚಾರಕ್ಕೆ ಯತ್ನಿಸಿದ್ದು, ಈ ವೇಳೆ ಆಕೆವಿರೋಧ ವ್ಯಕ್ತಪಡಿಸಿದಾಗ, ಮಾರಣಾಂತಿಕವಾಗಿ ಹಲ್ಲೆ ನಡೆಸಿರುವ ಘಟನೆ ಉತ್ತರ ಪ್ರದೇಶದಲ್ಲಿ ಬೆಳಕಿಗೆ ಬಂದಿದೆ.

ಪ್ರಕೃತಿ ಕರೆಗೆ ಹೋಗುವುದಾಗಿ ಮನೆಯಲ್ಲಿ ಹೇಳಿ ಬಾಲಕಿ ರಾತ್ರಿ 10 ಗಂಟೆಗೆ ಹೊರಹೋಗಿದ್ದಳು. ತುಂಬಾ ಸಮಯವಾದರೂ ಆಕೆಗೆ ವಾಪಸ್​ ಬರದ ಕಾರಣ ಮನೆಯವರು ಹುಡುಕಾಟ ನಡೆಸಿ. ಬೆಳಗಿನ ಜಾವ 5 ಗಂಟೆಗೆ ಆಕೆ ಸಿಕ್ಕಿದ್ದಾಳೆ. ಈ ವೇಳೆ ಅರೆಬೆತ್ತಲಾಗಿದ್ದಳು ಮತ್ತು ಬಾಯಿಯಲ್ಲಿ ಬ್ಲೇಡ್​ ಹಾಕಲಾಗಿತ್ತು. ದೇಹದ ಕೆಲವೊಂದು ಭಾಗಗಳಲ್ಲಿ ಬ್ಲೇಡ್​ನಿಂದ ಕತ್ತರಿಸಿರುವ ಗುರುತು ಪತ್ತೆಯಾಗಿವೆ.

ಬಾಲಕಿಯನ್ನ ಹೆಚ್ಚಿನ ಚಿಕಿತ್ಸೆಗಾಗಿ ಜಿಲ್ಲಾಸ್ಪತ್ರೆಗೆ ದಾಖಲು ಮಾಡಿದ್ದಾರೆ.ಇದೀಗ ಸಂತ್ತಸ್ತೆಯ ಸಹೋದರ ನೀಡಿರುವ ದೂರಿನ ಆಧಾರದ ಮೇಲೆ ಪ್ರಕರಣ ದಾಖಲು ಮಾಡಿಕೊಳ್ಳಲಾಗಿದೆ ಪೊಲೀಸರು ತಿಳಿಸಿದ್ದಾರೆ.