-->

ಸಿನಿಮಾ ಡೈಲಾಗ್ ಹೊಡೆದ ಮಹಿಳಾ ಕಾನ್ಸ್​​ಟೇಬಲ್ ಗೆ ಜಾಕ್​​ಪಾಟ್: ವೆಬ್​ ಸಿರೀಸ್​, ಮಾಡೆಲಿಂಗ್​​ ನಲ್ಲಿ ನಟಿಸಲು ಆಫರ್

ಸಿನಿಮಾ ಡೈಲಾಗ್ ಹೊಡೆದ ಮಹಿಳಾ ಕಾನ್ಸ್​​ಟೇಬಲ್ ಗೆ ಜಾಕ್​​ಪಾಟ್: ವೆಬ್​ ಸಿರೀಸ್​, ಮಾಡೆಲಿಂಗ್​​ ನಲ್ಲಿ ನಟಿಸಲು ಆಫರ್

ಆಗ್ರಾ(ಉತ್ತರ ಪ್ರದೇಶ): ಪೊಲೀಸ್​ ಸಮವಸ್ತ್ರ ಧರಿಸಿ, ರಿವಾಲ್ವರ್​ ಹಿಡಿದು 'ರಂಗ್​ಭಾಜಿ' ಸಿನಿಮಾ ಡೈಲಾಗ್​ ಹೇಳಿ ಆ ವೀಡಿಯೋವನ್ನು ಇನ್​​ಸ್ಟಾಗ್ರಾಂನಲ್ಲಿ ಹರಿಯಬಿಟ್ಟು, ಪೊಲೀಸ್ ಅಧಿಕಾರಿಗಳ ಕೆಂಗಣ್ಣಿಗೆ ಗುರಿಯಾಗಿದ್ದ ಉತ್ತರ ಪ್ರದೇಶದ ಮಹಿಳಾ ಕಾನ್ಸ್​​ಟೇಬಲ್​​ ಪ್ರಿಯಾಂಕಾ ಮಿಶ್ರಾಗೆ ಇದೀಗ ಫಾಲೋವರ್ಸ್ ಹೆಚ್ಚಾಗಿದ್ದು, ಮಾಡೆಲ್ ಲೋಕದ ರಾಣಿಯಾಗಿ ಮೆರೆಯುತ್ತಿದ್ದಾರೆ.

2020ರಲ್ಲಿ ಪೊಲೀಸ್ ಕಾನ್ ಸ್ಟೇಬಲ್ ಆಗಿ ಇಲಾಖೆ ಸೇರಿದ್ದ ಪ್ರಿಯಾಂಕಾ ಮಿಶ್ರಾ ಸಿನಿಮಾ ಡೈಲಾಗ್ ವೀಡಿಯೋ ವೈರಲ್​ ಆಗುತ್ತಿದ್ದಂತೆ ವಿವಾದ ಹುಟ್ಟುಹಾಕಿತ್ತು. ಹೀಗಾಗಿ ಹಿರಿಯ ಪೊಲೀಸ್ ಅಧಿಕಾರಿಗಳು ಅವರ ವಿರುದ್ಧ ತನಿಖೆ ನಡೆಸುವಂತೆ ಆದೇಶಿಸಿದ್ದರು. ಇದರ ಬೆನ್ನಲ್ಲೇ ಅವರು ಕೆಲಸಕ್ಕೆ ರಾಜೀನಾಮೆ ನೀಡಿದ್ದರು.

ಆದರೆ ಇನ್​ಸ್ಟ್ರಾಗ್ರಾಂನಲ್ಲಿ ಅವರ ವೀಡಿಯೋ ಭಾರೀ ಟ್ರೆಂಡ್ ಆಯಿತು. ಪರಿಣಾಮ ಅವ ಫಾಲೋವರ್ಸ್ ಗಳ ಸಂಖ್ಯೆಯಲ್ಲಿಯೂ ಏರಿಕೆಯಾಯಿತು. ಕೆಲವೇ ದಿನಗಳಲ್ಲಿ ಇನ್​ಸ್ಟಾಗ್ರಾಂ ಫಾಲೋವರ್ಸ್​ಗಳ ಸಂಖ್ಯೆ 3,700 ರಿಂದ 15,400ಕ್ಕೆ ಏರಿಕೆಯಾಗಿತ್ತು. ಇದಾಗುತ್ತಿದ್ದಂತೆ ಪ್ರಿಯಾಂಕಾ ಮಿಶ್ರಾಗೆ ವೆಬ್​ ಸಿರೀಸ್​ ಹಾಗೂ ಮಾಡೆಲಿಂಗ್​​ಗಳಲ್ಲಿ ಕ್ಷೇತ್ರಗಳಿಂದ ಆಫರ್​ಗಳ ಸುರಿಮಳೆಯಾಗುತ್ತಿದೆಯಂತೆ.

ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಪ್ರಿಯಾಂಕಾ 'ಉತ್ತಮ ಅವಕಾಶ ಸಿಕ್ಕಲ್ಲಿ ಖಂಡಿತವಾಗಿಯೂ ಮಾಡೆಲಿಂಗ್​ ಹಾಗೂ ವೆಬ್​ ಸರಣಿಗಳಲ್ಲಿ ನಟನೆ ಮಾಡುತ್ತೇನೆ. ಆದರೆ ಇಲ್ಲಿಯವರೆಗೆ ಯಾವುದೇ ಆಫರ್​ ಅನ್ನು ಸ್ವೀಕರಿಸಿಲ್ಲ. ಈ ಬಗ್ಗೆ ಯೋಚನೆ ಮಾಡುತ್ತಿದ್ದೇನೆ' ಎಂದು ಹೇಳಿದ್ದಾರೆ.

Ads on article

Advertise in articles 1

advertising articles 2

Advertise under the article