Spa Restrictions- ಇನ್ನು ಮುಂದೆ ಸ್ಪಾಗಳಲ್ಲಿ ಪುರುಷರಿಗೆ ಸ್ತ್ರೀಯರು, ಸ್ತ್ರೀಯರಿಗೆ ಪುರುಷರು ಮಸಾಜ್ ಮಾಡುವಂತಿಲ್ಲ: ಹೊಸ ಆದೇಶ ಜಾರಿ
9/22/2021 12:36:00 AM
ನವದೆಹಲಿ: ಇನ್ನು ಮುಂದೆ ಸ್ಪಾ, ಮಸಾಜ್ ಸೆಂಟರ್ಗಳಲ್ಲಿ ಪುರುಷರಿಗೆ ಮಹಿಳೆಯರು, ಮಹಿಳೆಯರಿಗೆ ಪುರುಷರು ಮಸಾಜ್ ಮಾಡುವಂತಿಲ್ಲ ಎಂದು ದೆಹಲಿಯಲ್ಲಿ ಆದೇಶ ಹೊರಡಿಸಲಾಗಿದೆ.
ಸ್ಪಾ, ಮಸಾಜ್ ಸೆಂಟರ್ಗಳಲ್ಲಿ ಅಕ್ರಮ ಚಟುವಟಿಕೆಗಳು ನಡೆಯುತ್ತಿದ್ದು, ಇವುಗಳಿಗೆ ಕಡಿವಾಣ ಹಾಕುವ ಉದ್ದೇಶದಿಂದ ಈ ರೀತಿಯ ಆದೇಶವನ್ನು ಜಾರಿಗೊಳಿಸಲಾಗಿದೆ. ಸ್ಪಾ, ಮಸಾಜ್ ಸೆಂಟರ್ಗಳಲ್ಲಿ ಸ್ಪಾ ಹೆಸರಿನಲ್ಲಿ ಅಕ್ರಮ ಚಟುವಟಿಕೆ ನಡೆಯುತ್ತಿದ್ದು, ವೇಶ್ಯಾವಾಟಿಕೆ ನಡೆಯುತ್ತಿರುವುದು ಬೆಳಕಿಗೆ ಬಂದಿದೆ. ಈ ಹಿನ್ನೆಲೆಯಲ್ಲಿ ಲೆಫ್ಟಿನೆಂಟ್ ಗವರ್ನರ್ ಅನಿಲ್ ಬೈಜಾಲ್ ಈ ಹೊಸ ಆದೇಶವನ್ನು ಜಾರಿಗೊಳಿಸಿದ್ದಾರೆ.
ಸದ್ಯ ಪೂರ್ವ ದೆಹಲಿಯಲ್ಲಿ 70ಕ್ಕೂ ಹೆಚ್ಚು ಸ್ಪಾ ಕೇಂದ್ರಗಳು ಕಾರ್ಯಾಚರಿಸುತ್ತಿದ್ದು, ಅವುಗಳಲ್ಲಿ 41 ಕೇಂದ್ರಗಳು ಮಾತ್ರ ಪರವಾನಿಗೆ ಇದ್ದು ನಡೆಯುತ್ತಿವೆ. ಆದ್ದರಿಂದ ಈ ಆದೇಶದ ಅನ್ವಯ ಸ್ಪಾ, ಮಸಾಜ್ ಸೆಂಟರ್ ಗಳಲ್ಲಿ ಪುರುಷರಿಗೆ ಪುರುಷರು ಮಾತ್ರ ಹಾಗೂ ಮಹಿಳೆಗೆ ಮಹಿಳೆಯರೇ ಮಾತ್ರ ಮಸಾಜ್ ಮಾಡಲು ಅವಕಾಶ ನೀಡಲಾಗಿದೆ. ಜೊತೆಗೆ, ಸ್ಪಾ ಕೇಂದ್ರಗಳಲ್ಲಿ ಗ್ರಾಹಕರು ಹಾಗೂ ಸಿಬ್ಬಂದಿ ಕಡ್ಡಾಯವಾಗಿ ಮಾಸ್ಕ್ ಧರಿಸಿ, ಪಿಪಿಇ ಕಿಟ್ ಧರಿಸಿ ಕೊರೊನಾ ನಿಮಯ ಪಾಲನೆ ಮಾಡಬೇಕು. ಮಾಸ್ಕ್ ಧರಿಸಬೇಕೆಂದು ಮಾರ್ಗಸೂಚಿಯಲ್ಲಿ ಹೇಳಲಾಗಿದೆ.