-->
ಇಂಗ್ಲೀಷ್ ನಲ್ಲಿ ಮಾತನಾಡಿರುವುದಕ್ಕೆ ಮಾಜಿ ಲೆಫ್ಟಿನೆಂಟ್ ಮೊಮ್ಮಗನ ಮೇಲೆ ನಾಯಿ ದಾಳಿ ನಡೆಸಿದ ದುಷ್ಕರ್ಮಿ!

ಇಂಗ್ಲೀಷ್ ನಲ್ಲಿ ಮಾತನಾಡಿರುವುದಕ್ಕೆ ಮಾಜಿ ಲೆಫ್ಟಿನೆಂಟ್ ಮೊಮ್ಮಗನ ಮೇಲೆ ನಾಯಿ ದಾಳಿ ನಡೆಸಿದ ದುಷ್ಕರ್ಮಿ!

ಡೆಹ್ರಾಡೂನ್(ದೆಹಲಿ): ಇಂಗ್ಲಿಷ್​ನಲ್ಲಿ ಮಾತನಾಡಿದನೆಂಬ ಕಾರಣಕ್ಕೆ ನೇಪಾಳಿಗ ಎಂದು ಯುವಕನೋರ್ವನ ಮೇಲೆ ನಾಯಿ ಛೂ ಬಿಟ್ಟು ಗಾಯಗೊಳಿಸಿರುವ ಘಟನೆ ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ನಡೆದಿದೆ. ಅದೂ 4 ಬಾರಿ ನಾಯಿಯಿಂದ ದಾಳಿ ನಡೆಸಿ ಕಚ್ಚಿಸಲಾಗಿದೆ ಎಂದು ಗಾಯಾಳು ಪೊಲೀಸ್​ ಠಾಣೆಗೆ ದೂರು ನೀಡಿದ್ದಾರೆ.

ದೆಹಲಿಯ ಡೆಹ್ರಾಡೂನ್​ ನಿವಾಸಿ, ಮಾಜಿ ಲೆಫ್ಟಿನೆಂಟ್​ ಸಿ.ವಿ. ಬಹದ್ದೂರ್​ ಅವರ ಮೊಮ್ಮಗ ಅಂಶುಮಾನ್​ ಥಾಪಾ ದಾಳಿಗೆ ಒಳಗಾದ ಯುವಕ. ಅಂಶುಮಾನ್​ ಥಾಪಾ ಅಂಗಡಿಗೆ ಹೋದ ಸಂದರ್ಭ ಇಂಗ್ಲಿಷ್​​ನಲ್ಲಿ ಮಾತನಾಡಿದ್ದಾರೆ. ಈ ವೇಳೆ ಅಲ್ಲಿಗೆ ಬಂದಿರುವ ಕೈಫ್​ ಎಂಬಾತ 'ನೀನು ನೇಪಾಳಿಯ' ಎಂದು ಪ್ರಶ್ನಿಸಿದ್ದಾರೆ. ಅಲ್ಲ ಎಂದು ಅಂಶುಮಾನ್​ ಥಾಪಾ ಹೇಳಿದ್ದಾರೆ‌. ಆದರೆ ಆತ ಇದಾವುದನ್ನು ಕೇಳದೆ ಜಗಳ ತೆಗೆದು ಹಲ್ಲೆಗೆ ಮುಂದಾಗಿದ್ದಾನೆ. ಈ ವೇಳೆ ಕೈಫ್​ನ ನಾಯಿ ಅಂಶುಮಾನ್​ ಥಾಪಾ ಮೇಲೆ ದಾಳಿ ಮಾಡಿದೆ. ಇದನ್ನು ತಡೆಯದ ಕೈಫ್​ ಕಚ್ಚಲು ಪ್ರೇರೇಪಿಸಿದ್ದಾನೆ. ನಾಯಿಯ ದಾಳಿಯಿಂದ ಗಾಯಗೊಂಡ ಅಂಶುಮಾನ್ ಥಾಪಾ ತಪ್ಪಿಸಿಕೊಂಡು ಅಂಗಡಿಯೊಳಕ್ಕೆ ಓಡಿ ಹೋಗಿದ್ದಾನೆ. ಆದರೂ ಬಿಡದ ಕೈಫ್​ ಆತನ ನಾಯಿಯ ಮೇಲೆ ಪದೇ ಪದೇ ದಾಳಿ ಮಾಡಿಸಿ ಕಚ್ಚಿಸಿದ್ದಾನೆ.

ಅಲ್ಲಿಂದ ಹೇಗೋ ತಪ್ಪಿಸಿಕೊಂಡು ಮನೆಗೆ ವಾಪಸಾದ ಬಳಿಕ ಅಂಶುಮಾನ್​ ಥಾಪಾ ಸ್ಥಿತಿಯನ್ನು ನೋಡಿದ ಸ್ನೇಹಿತರು ಗಾಬರಿಯಾಗಿದ್ದಾರೆ. ಬಳಿಕ ನಡೆದ ಘಟನೆಯ ಬಗ್ಗೆ ಅವರು ಪೊಲೀಸ್​ ಠಾಣೆಗೆ ದೂರು ನೀಡಿದ್ದಾರೆ. ಕಣ್ಮರೆಯಾಗಿರುವ ನಾಯಿ ದಾಳಿಕೋರ ಕೈಫ್​ನ ಪತ್ತೆಗೆ ಪೊಲೀಸರು ಬಲೆ ಬೀಸಿದ್ದಾರೆ.

Ads on article

Advertise in articles 1

advertising articles 2

ಉಚಿತವಾಗಿ ಸುದ್ದಿ ಕೊಡುತ್ತಿರುವ ನಮಗೆ ಸಹಾಯ ಮಾಡಿ

  

Pay RS 100

  

Advertise under the article