ಹಾಡಹಗಲೇ ಪಾರ್ಕ್ ನಲ್ಲಿ ಲೈಂಗಿಕ ಕ್ರಿಯೆಯಲ್ಲಿ ತೊಡಗಿದ ಪೊಲೀಸ್ ಅಧಿಕಾರಿ ಅಮಾನತು!

ಲಂಡನ್​: ಹಾಡಹಗಲೇ ಪಾರ್ಕೊಂದರಲ್ಲಿ ಲೈಂಗಿಕ ದುರ್ವತನೆ  ತೋರಿರುವ ಪೊಲೀಸ್​ ಅಧಿಕಾರಿಯ ಮೇಲೆ ಪ್ರಕರಣ ದಾಖಲಾಗಿರುವ ಘಟನೆ ಲಂಡನ್​ನಲ್ಲಿ ನಡೆದಿದೆ.

ಪೊಲೀಸ್ ಅಧಿಕಾರಿಯು ದುರ್ವರ್ತನೆ ತೋರಿಸಿರುವ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ. ಆ ಬಳಿಕ ಆತನ ಮೇಲೆ ಪ್ರಕರಣ ದಾಖಲಾಗಿದೆ. ಕೆವಿನ್​ ಫಿಲಿಪ್ಸ್ ಈ ಆರೋಪಿಯು ಪೊಲೀಸ್ ಸಮುದಾಯ ಬೆಂಬಲ ಅಧಿಕಾರಿ (ಪಿಸಿಎಸ್​ಒ)ಯಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಮೆಟ್‌ ರೋಡ್ಸ್​ ಮತ್ತು ಸಾರಿಗೆ ಪೊಲಿಸಿಂಗ್ ಕಮಾಂಡ್‌ ವಿಭಾಗದಲ್ಲಿ ಆತ ಕೆಲಸ ಕಾರ್ಯನಿರ್ವಹಿಸುತ್ತಿದ್ದರು. ಇದೀಗ ಆತನ ವಿರುದ್ಧ ಸಾರ್ವಜನಿಕ ಸಭ್ಯತೆಯನ್ನು ಉಲ್ಲಂಘಿಸಿರುವ ಪ್ರಕರಣವನ್ನು ದಾಖಲಿಸಲಾಗಿದೆ ಎಂದು ಲಂಡನ್​ ಮೆಟ್ರೋಪಾಲಿಟನ್​ ಪೊಲೀಸರು ಹೇಳಿದ್ದಾರೆ. 

ಆರೋಪಿ ಕೆವಿನ್​ನನ್ನು ಶುಕ್ರವಾರ ಕ್ರೊಯ್ಡಾನ್ ಮ್ಯಾಜಿಸ್ಟ್ರೇಟ್ ನ್ಯಾಯಾಲಯದ ಮುಂಭಾಗ ಹಾಜರುಪಡಿಸಲಾಯಿತು. ವರದಿಗಳ ಪ್ರಕಾರ, ಕೆವಿನ್​ ಹಾಡಹಗಲೇ ಲಂಡನ್ ಪಾರ್ಕೊಂದರ ಬೆಂಚ್‌ ಮೇಲೆ ಕುಳಿತು ಲೈಂಗಿಕ ಕ್ರಿಯೆ ನಡೆಸಿದ್ದಾರೆ. ಈ ವೀಡಿಯೋವನ್ನು ಯಾರು? ಚಿತ್ರೀಕರಿಸಿದ್ದಾರೆ ಎಂಬುದು ಸ್ಪಷ್ಟವಾಗಿಲ್ಲ. ಬುಧವಾರ ರಾತ್ರಿ 11.30ರ ಸುಮಾರಿಗೆ ಈ ದೃಶ್ಯಾವಳಿಗಳನ್ನು ಪೊಲೀಸರ ಗಮನಕ್ಕೆ ತರಲಾಗಿದೆ ಎಂದು ಮೆಟ್‌ನ ವಕ್ತಾರರು ತಿಳಿಸಿದ್ದಾರೆ. ಮೆಟ್ಸ್ ಡೈರೆಕ್ಟರೇಟ್ ಆಫ್ ಪ್ರೊಫೆಷನಲ್ ಸ್ಟ್ಯಾಂಡರ್ಡ್ಸ್ ಪ್ರಕರಣದ ತನಿಖೆಯನ್ನು ಮುನ್ನಡೆಸುತ್ತಿದ್ದು, ಸದ್ಯ ಆರೋಪಿ ಪಿಸಿಎಸ್ಒ ಅನ್ನು ಕರ್ತವ್ಯದಿಂದ ಅಮಾನತುಗೊಳಿಸಲಾಗಿದೆ.