ನಿಮ್ಮ ಈ ಅವತಾರ ನೋಡಿಯೇ ನಾಗಚೈತನ್ಯ ನಿಮ್ಮನ್ನು ತೊರೆದದ್ದು: ಸಮಂತಾ ವಿರುದ್ಧ ನೆಟ್ಟಿಗರು ಗರಂ

ಹೈದರಾಬಾದ್​: ನಟಿ ಸಮಂತಾ ಎಲಿ ಇಂಡಿಯಾ ಫ್ಯಾಶನ್​ ಮ್ಯಾಗಜಿನ್​ಗೆ ನೀಡಿರುವ ಫೋಟೋವನ್ನು ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಪೋಸ್ಟ್​ ಮಾಡಿದ್ದರು. ಅದನ್ನು ನೋಡಿದ ನೆಟ್ಟಿಗರು ನಿಮ್ಮ ಈ ಅವತಾರವನ್ನೇ ಕಂಡು ನಾಗಚೈತನ್ಯ ನಿಮ್ಮನ್ನು ತೊರೆದದ್ದು ಎಂದು ಸಮಂತಾ ಹಾಟ್ ಫೋಟೋಗೆ ನೆಟ್ಟಿಗರು ಗರಂ ಆಗಿದ್ದಾರೆ.

ನಟ ನಾಗ ಚೈತನ್ಯ ರಿಗೆ ವಿಚ್ಛೇದನ ಘೋಷಣೆ ಮಾಡಿದಂದಿನಿಂದ ನಟಿ ಸಮಂತಾ  ಒಂದಲ್ಲೊಂದು ವಿಚಾರಕ್ಕೆ ಸುದ್ದಿಯಾಗುತ್ತಲೇ ಇದ್ದಾರೆ. ಅದರಲ್ಲೂ ನೆಟ್ಟಿಗರಿಂದ ಅವರು ನೆಗಿಟಿವ್​ ವಿಚಾರಗಳಿಗೆ ಪದೇ ಪದೇ ಠೀಕೆಗೊಳಗಾಗುತ್ತಿದ್ದಾರೆ. 

ಇದೀಗ ಸಮಂತಾ ತಮ್ಮ ಗಮನವನ್ನು ಸಂಪೂರ್ಣ ಸಿನಿಮಾಗಳ ಕಡೆಗೆ ತೊಡಗಿಸಿದ್ದಾರೆ. ಆದರೂ ನೆಟ್ಟಿಗರು ಅವರ ಪ್ರತಿಯೊಂದು ನಡೆಯನ್ನು  ಸೂಕ್ಷ್ಮವಾಗಿ ಗಮನಿಸುತ್ತಿದ್ದಾರೆ. ಅವರು ತಮ್ಮ ಸಾಮಾಜಿಕ ಜಾಲತಾಣ ಖಾತೆಗೆ ಹಾಕುವ ಪ್ರತೀ ಪೋಸ್ಟ್​​ಗಳಿಗೆ ಸಿಕ್ಕಾಪಟ್ಟೆ ಕಮೆಂಟ್​ಗಳು ಬರುತ್ತಲೇ ಇದೆ. 

ಆದರೆ, ಸಮಂತಾ ಮತ್ತೊಮ್ಮೆ ನೆಗೆಟಿವ್​ ಕಾಮೆಂಟ್​ಗಳ ವಿರುದ್ಧ ಕೆಂಡಕಾರಿದ್ದಾರೆ. ಸಮಂತಾ ಪ್ರತಿದಿನ ಏನಾದರೊಂದು ಪೋಸ್ಟ್​ ಮಾಡುತ್ತಲೇ ಇರುತ್ತಾರೆ. ಇದೀಗ ಅವರು ಎಲಿ ಇಂಡಿಯಾ ಫ್ಯಾಶನ್​ ಮ್ಯಾಗಜಿನ್​ಗೆ ನೀಡಿರುವ ಫೋಟೋವನ್ನು ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಪೋಸ್ಟ್​ ಮಾಡಿದ್ದರು.  ತಾನು ಯಾವ ಕಮೆಂಟ್ಸ್ ಗಳನ್ನು ಸ್ವೀಕರಿಸುವುದಿಲ್ಲ ಎಂದು ತಮ್ಮ ವಿರುದ್ಧ ನೆಗೆಟಿವ್​ ಕಾಮೆಂಟ್ ಮಾಡುವವರಿಗೆ ಮತ್ತೊಮ್ಮೆ ತಿರುಗೇಟು ನೀಡಿದ್ದಾರೆ.

ವಿಭಿನ್ನ ಅಭಿಪ್ರಾಯಗಳನ್ನು ಯಾವತ್ತೂ ಗೌರವಿಸುತ್ತೇನೆ. ಆದರೆ, ನಾವು ಯಾವಾಗಲೂ ಪರಸ್ಪರ ದ್ವೇಷಿಸದೇ ಪ್ರೀತಿಯಿಂದ ಕಾಣಬೇಕು. ನಿಮ್ಮ ಹತಾಶೆಯನ್ನು ಸಾಮಾಜಿಕ ಜಾಲತಾಣದಲ್ಲಿ ಹೊರಹಾಕುವುದಾದಲ್ಲಿ ಅದನ್ನು ಸ್ವೀಕರಿಸುವ ರೀತಿಯಲ್ಲಿ ಹೊರಹಾಕಿ, ಅದನ್ನು ಬಿಟ್ಟು ಕೆಟ್ಟದಾಗಿ ಕಮೆಂಟ್​ಗಳನ್ನು ಮಾಡಬೇಡಿ ಎಂದು ಸಮಂತಾ ನೀತಿ ಪಾಠ ಮಾಡಿದ್ದಾರೆ.

ಸಮಂತಾರ ಈ ಸಂದೇಶದ ಹೊರತಾಗಿಯೂ ಕೆಲವರು ಅವರಿಗೆ ಬಯ್ದು ಕಮೆಂಟ್​ ಮಾಡಿದ್ದಾರೆ. ನಿಮ್ಮ ಇಂತಹ ನಡೆಯಿಂದಲೇ ನಾಗಚೈತನ್ಯ ನಿಮ್ಮನ್ನು ಬಿಟ್ಟಿದ್ದು ಎಂದು ಕಿಡಿಕಾರಿದ್ದಾರೆ. ನಿಮ್ಮಿಂದ ಇದನ್ನು ನಿರೀಕ್ಷಿಸಿರಲಿಲ್ಲ ಎಂದು ಟೀಕಿಸಿದ್ದಾರೆ. ಆದರೂ, ಇದಕ್ಕೆಲ್ಲ ತಲೆಕಡೆಸಿಕೊಳ್ಳದ ಸಮಂತಾ ತಮ್ಮ ಕೆಲಸ ಕಾರ್ಯಗಳಲ್ಲಿ ಬಿಜಿಯಾಗಿದ್ದಾರೆ.