₹300 ಒಡವೆ 6 ಕೋಟಿ ರೂ.ಗೆ ಸೇಲ್: ಅಮೆರಿಕ ಮಹಿಳೆಗೆ ಭಾರತದಲ್ಲಿ ಮೋಸ!

ಜೈಪುರ: ರಾಜಸ್ಥಾನದ ಜೈಪುರದಲ್ಲಿ ಅಮೆರಿಕ ಮೂಲದ ಮಹಿಳೆಯೊಬ್ಬರಿಗೆ 300 ರೂ. ಮೌಲ್ಯದ ಒಡವೆಯನ್ನು 6 ಕೋಟಿ ರೂ.ಗಳಿಗೆ ಮಾರಾಟ ಮಾಡಿ ವಂಚಿಸಿರುವ ಘಟನೆ ನಡೆದಿದೆ.

ಜೈಪುರದ ರಾಜೇಂದ್ರ ಸೋನಿ ಹಾಗೂ ಗೌರವ್ ಎಂಬವರ ಮಾಲಕತ್ವದ ಒಡವೆ ಅಂಗಡಿಯಲ್ಲಿ ಚೆರಿಶ್ ಎಂಬ ಮಹಿಳೆ 6 ಕೋಟಿ ರೂ. ನೀಡಿ ಒಡವೆ ಖರೀದಿಸಿದ್ದರು. ಎಪ್ರಿಲ್‌ನಲ್ಲಿ ಅಮೆರಿಕದಲ್ಲಿ ನಡೆದ ವಸ್ತು ಪ್ರದರ್ಶನದಲ್ಲಿ ಚೆರಿಶ್ ಆ ಒಡವೆಯನ್ನಿಟ್ಟಾಗ ಅದು ನಕಲಿ ಎಂಬುದು ತಿಳಿದುಬಂದಿದೆ.

 

ಅನಂತರ ಆಕೆ ಜೈಪುರಕ್ಕೆ ಮರಳಿ ಅಮೆರಿಕ ರಾಯಭಾರ ಕಚೇರಿಯ ಸಹಾಯದೊಂದಿಗೆ ಪೊಲೀಸರಿಗೆ ದೂರು ನೀಡಿದ್ದಾರೆ. ಸದ್ಯಕ್ಕೆ ಆರೋಪಿಗಳು ತಲೆಮರೆಸಿಕೊಂಡಿದ್ದು ಅವರಿಗಾಗಿ ಹುಡುಕಾಟ ನಡೆಸಲಾಗುತ್ತಿದೆ.